Juan 5:10 - Ya Baru nga Tulag

¹⁰ Itu nga kinunen dito pangpangulu diya Hudyu ito lalaki nga nalaingan, “Algew Ngilin met. Ket sigun iya Linteg tida, maiparit met nga agtuwem ya idam ita,” kunen da.

Juan 5:10 Iomraidhean Croise

Matyu 12:10

Ket enna gigimungan, uwed met isa nga lalaki nga nacpe̍t ya ima na. Ket uwed da met pe̍ antuni diya mayat nga mangidarum e̍ Je̍sus, ket nagsapsapul da ka ipabasul da kuma igina. Itu nga nagsaludsud da igina nga kinunen da, “Sigun iya Linteg tida, maipalubus kad ya mangpalaing no Algew Ngilin?” kunen da.

Markus 2:24

Ket uwed da met Parisiyu nga nagkunen e̍ Je̍sus, “Singem! Ape̍ nga wanglen da ya maiparit iya Linteg tida iya Algew Ngilin?” kunen da.

Markus 3:4

Ket kinunen na kadito agsicsiim, “Nagan kad ya maipalubus iya Linteg tida nga wanglen tida kuma iya Algew Ngilin? Ya panagwangel ka nabaru, winno ka dake̍c? Ya panangisalakan ka biyag, winno ya pumatey?” kunen na. Ngem madi da met negkim.

Lukas 13:14

Ngem ya pangulu nito gigimungan diya Hudyu, nakaunget tin, gapu ta nangagas nge̍ Je̍sus iya Algew Ngilin. Itu nga kinunen nito pangulu kadiya toltoley, “Uwed met ennem nga algew nga mabalin ya agwangel. Itu kuma diya algew nga umbe̍t kayu nga agpaagas, bekken lugud nga iya Algew Ngilin,” kunen na.

Lukas 23:56

Kalpasan na, simoli da iya siyudad, ket nangisagana da ka pangbalsamar da nga bangbanglu se̍ sapsapu. Ket ito nadatnganin ya Algew Ngilin, nagimang da ngarud maikanatad ito bilin niya Linteg Hudyu.

Lukas 6:2

Ket uwed da met Parisiyu nga nagkunen, “Ape̍ nga wanglen nu ya maiparit iya Linteg tida iya Algew Ngilin?” kunen da.

Juan 1:19

Ket agten idi ya panangipakaemmu nito Juan maipanggep e̍ Je̍sus itun: Iya name̍nsan, uwed da agsirsirbi iya Te̍mplu se̍ katulungan iya Te̍mplu nga kapututan nito Le̍bi, nga nawe̍ da ito edyan nito Juan, nga gayat da ka He̍rusale̍m. Nibon diya pangpangulu diya Hudyu didi nga agsirsirbi se̍ katulungan, nga mawe̍ da kanu agsaludsud ito Juan no igina ya Kristu.

Juan 5:11

Ket to lalaki, kinunen na, “Ya toley nga nangpalaing iyaken, kinunen na met iyaken nga, ‘Bacrunem ya idam, se̍ manalan kan,’ kunen na met,” kunen na.

Juan 5:15

Ket to lalaki, nawe̍ na nipakaemmu kadito pangpangulu diya Hudyu nga e̍ Je̍sus gayam ya nangpalaing igina.

Juan 5:16

Dikad pe̍ dito pangpangulu diya Hudyu, nawe̍ da kinuntra nge̍ Je̍susin, ta nangpalaing iya Algew Ngilin.

Juan 7:23

Ket ya kunec, no ipalubus nu nga makugit diya ebbing nga lalaki iya Algew Ngilin tasun madi kayu kuma kuntraen to Linteg nito Muyse̍s, ape̍ ngarud nga makaunget kayu iyaken gapu ta Algew Ngilin ya panangpalaing ku iya sibubukel nga beggi niya isa nga toley nga uwed dipe̍re̍nsiya na?

Juan 9:16

Ket dito duduma kadito Parisiyu, kinunen dan, “Bekken nga gayat e̍ Apu Diyus ya toley nga nangariman iyan, ta madi na met tungpalen ya paglinteggan maipanggep iya Algew Ngilin,” kunen da. Ngem kinunen met diya duduma, “Ay, bekken. Ta no managbasul, madi met makaariman kadiya agten kadiyan nga nakaskasdaaw nga pagilasinan,” kunen da. Itu nga madi da ngarud nagkikinnaawatanin.