Juan 4:6 - Ya Baru nga Tulag

⁶ Ket uwed antuni ya bitu nga maawagan ka bitu nito Hakub. Ket e̍ Je̍sus, nagtugew iya abay nito bitu, gapu ta napesya nga nanalan. Ket dandani agmatuun itunin.

Juan 4:6 Iomraidhean Croise

Matyu 27:45

Ket ito matuunin itun, gimicbet met ya amin nga lubung antuni nin, ket nagpaut to gicbet agingga ka alas tre̍s iya gidam.

Matyu 4:2

Ket iya unus eppat nga pulu nga algew se̍ gabi antuni, pulus nga madi nangnangan nge̍ Je̍sus. Ket kalpasan na, nabisinan ngarudin.

Matyu 8:24

Ket ya napasamac itun, nagbelluut met ka nabileg gin, ket masacsacduwan mettin to bangka da. Ngem e̍ Je̍sus, agtudtudug.

Lukas 2:7

Ket lalaki met ya niyanac na, nga itu to inauna nga anac na. Ket linampinan na, se̍ na nipaida ka papakanan ka animal, ta awan met pagedyanan da ito pagdadagusan nga baley.

Lukas 9:58

Ket kinunen ne̍ Je̍sus igina, “Utubem man yani: No diya musang, uwed pagedyanan da nga re̍kab. Ket se̍ diya sibsibud, uwed pe̍ sucbut da. Ngem ya Anac nga Naipatoley, awan met nga gennung pagedyanan na tasun uwed kustu nga pagidaan na,” kunen na.

Juan 11:9

Ket e̍ Je̍sus, kinunen na met, “Uwed met sangapulu ket duwa nga uras iya aggidam. Ket ya toley nga manalan iya algew, madi miduclap, ta mawadaan met ya dalanen na gapu iya mangwada idi nga lubung.

Juan 4:12

To Hakub nga ama tida ya nangipatawid idi nga bitu dakami. Nagin-inuman na yani nga bitu itun, se̍ dito an-anac na se̍ an-animal na. Kayat mu kad nga kagiyen nga nangatngatu ka pekkem ngem ito Hakub?” kunen na.

Juan 4:5

Ket itun, dimateng da iya isa nga ili nga nanaganan ka Sikar. Uwed ka Samarya, iya denni ito ginet nga ne̍cde̍ nito Hakub itun ito Huse̍ nga anac na.

Juan 4:7

Ket dito adalan na, nawe̍ da ngumina ka kanen da iya ili. Ket iya di mabayag, uwed inumbe̍t nga isa nga babey nga iSamarya nga umbe̍t sumacdu. Ket kinunen ne̍ Je̍sus igina, “Makiinum mac kay,” kunen na.

2 Kurintu 8:9

Ket malagip nu pe̍ no kumaan to siaayat nga panangaasi niya Apu tida nga Je̍su Kristu. Ta orey sigud nga nabacnang itun enna langit, nagbalin nga napanglaw tasun agpaay kuma dakayu. Ket iya agten iyan, gapu ito kasasaad na nga napanglaw, dakayu met ya nagbalin nga arig nga nabacnangin maigapu e̍ Apu Diyus.

He̍briyu 2:17

Ket itu nga masapul nga linak-am ne̍ Je̍sus diya amin nga kasasaad diya naibilang nga kakabsat na, tasun igina kuma ya agbalin nga managkaasi se̍ mapagtalkan nga Kangatuwan nga Agsirsirbi, nga mangibegbeggi dactida e̍ Apu Diyus. Ket iya agten iyan, inariman nan ya pannakaudas nga pakapakawanan diya basbasul diya toley.

He̍briyu 4:15

Ket idi nga Kangatuwan nga Agsirsirbi nga mangibegbeggi dactida e̍ Apu Diyus, bekken met nga isa nga madi makaisakit iya kinakapsut tida. Maisakit nactida ngarud, ta napadas na met amin nga kita sulisug gapu iya kinatoley na nga agten dactida. Napadas na ngarud amin diyan, ngem madi pulus nagbasul.