Juan 4:50 - Ya Baru nga Tulag

⁵⁰ Ket kinunen ne̍ Je̍sus igina, “Agawir ka ngas ngarudin, ta nalaingan ngarud ya anac mun,” kunen na. Ket namati to upisyal ito kinagi ne̍ Je̍sus, dikad pe̍ nagawir ngarudin.

Juan 4:50 Iomraidhean Croise

Matyu 8:13

Ket kinunen ne̍ Je̍sus ito kapitan suldadu, “Agawir ka ngas ngarudin. Ta ya pinatim nga maariman, ket naarimanin,” kunen na. Ket iyan mettas nga kanitu, nalaingan nga tutu to eb-ebbonen nito kapitan.

Lukas 17:14

Ket ito nasingen ne̍ Je̍sus da, kinunen na igida, “Mawe̍ kayu ipasingen diya beggi nu kadiya agsirsirbi iya paggigimunganin,” kunen na. Ket ito manmanalan da ngarud nga mawe̍ yin, nalaingan met to kutel dan.

Juan 11:40

Ngem kinunen ne̍ Je̍sus igina, “Di yac kad nibaga ikew nga no mamati ka, masingem ya pakaidayawan ne̍ Apu Diyus?” kunen na.

Juan 4:49

Ket nagpacpakaasi latta to upisyal e̍ Je̍sus nga kinunen na, “Pangngaasim kay Apu, ta managus ta kuma nga mawe̍ yin, tasun madi kuma matey ya anac ku,” kunen na.

Juan 4:51

Ket ito madama pekkem nga managus to upisyal iya dalan, nisabet diya tagabu na ya damag nga nalaingan kanu to anac nan.

He̍briyu 11:19

Ket to Abraham, sisasagana latta nga mangidatun itun, ata namnamaen na ngamin nga mapaungar ne̍ Apu Diyus diya natey. Ket tutu met, ata arig it nga nagungar to Isaac itun, ta nibilang ne̍ Abraham nga naidatunin, ngem naipasoli mettas igina.