Juan 4:46 - Ya Baru nga Tulag

⁴⁶ Ket nawe̍ nge̍ Je̍sus pimasyar ka Kana enna prubinsiya nga Galilya, nga itu to ili nga pinagbalin na itun nga basi ya danum. Ket uwed antuni ya isa nga upisyal niya gubiye̍rnu nga agsakit ya anac na nga lalaki. Ket nabati to anac na enna ili nga Kape̍rnaum.

Juan 4:46 Iomraidhean Croise

Matyu 15:22

Ket itun, uwed met isa nga babey nga iKanaan nga aged-edyan antuni, nga nawe̍ ito edyan ne̍ Je̍sus. Ket kinunkunen na ka nabileg, “Kaasiyan nac kay, Apu, nga kapututan nito Ari Dabid! Kackaasi met nga unay ya anac ku nga babey, ta naluganan ka sairu,” kunen na.

Matyu 4:13

Ket enna Galilya, pimanaw met nge̍ Je̍sus iya ili nga Nasare̍t. Nawe̍ nagedyan ka Kape̍rnaum, nga isa nga ili iya pingit nito baybay ka Galilya, iya sakup niya ginet dito iSabulun se̍ iNe̍ptali itun.

Matyu 9:18

Ket ito madama pekkem nga agkagkagi nge̍ Je̍sus igida maipanggep iyan, uwed met inumbe̍t nga isa nga pangulu diya Hudyu. Ket nagparintumeng iya sangu ne̍ Je̍sus nga kinunen na, “Katkatey ngas niya balasitang ku. Ngem umbe̍t ka kuma, nga mangipatey iya imam igina, ket mabiyag,” kunen na.

Lukas 4:23

Ket kinunen ne̍ Je̍sus igida, “Emmuc ngarud nga gabay nu nga ipalagip iyaken yani nga pagkakagi nga kunen na, ‘Duktur, agasam ya mismu nga beggim!’ Ket mabalin nga kunen nu pe̍ nga, ‘Arimanem man pe̍ idi nga ilim diya nadamdamag mi nga inariman mu enna Kape̍rnaum.’”

Lukas 7:2

Ket uwed antuni ya isa nga kapitan suldadu niya gubiye̍rnu Ruma. Agsakit ya patpatgen na nga tagabu, ket makatkatayen nin.

Lukas 8:42

ta makatkatayen ngamin ya kackaisu nga anac na nga babey, nga agsangapulu ket duwa ya dagun na. Nibulun ngarud nge̍ Je̍sus ito Hayru, ket ito manmanalan da, inil-ilet met diya adu nga toltoley nge̍ Je̍sus.

Juan 2:12

Kalpasan niyan, nawe̍ nge̍ Je̍sus ka Kape̍rnaum nga kabulun na nge̍ ina na, se̍ dito kakabsat na nga lalaki, pati dito adalan na. Ket nagedyan da antuni ka sumagpipiga nga algew.

Juan 21:2

Agbubulun itun de̍ Simon Pe̍dru, Tumas nga managan pe̍ ka Singin, e̍ Natanye̍l nga iKana nga isa nga ili ka Galilya, se̍ diya duwa nga anac nito Se̍be̍dyu, se̍ uwed duwa pekkem kadito adalan ne̍ Je̍sus.