Juan 4:42 - Ya Baru nga Tulag

⁴² Ket dito toltoley, kinunen da ito babey, “Mamati kami ngarudin, ngem bekken nas nga gapu ito kagi mun, no di lugud gapu ta dakami nga mismu ya nakagicna iginan. Ket itu ya pakaemmuwan mi nga tutu nga igina ya naibon nga Mangisalakan kadiya toltoley iya lubung ngi,” kunen da.

Juan 4:42 Iomraidhean Croise

Matyu 1:21

Ket mangiyanac nad ka lalaki. Ket ya ipanagan mu nad igina, ket Je̍sus, ta isalakan na nad diya toley na kadiya basbasul da,” kunen na.

Lukas 2:32

Igina ya arig nga dilag nga mangwada kadiya bekken nga Hudyu, se̍ ya pakaidayawan diya toley mu nga iIsrae̍l,” kunen na.

Juan 1:29

Iya kadamlag niyan, nasingen nito Juan nge̍ Je̍sus nga umbe̍t iya edyan na. Ket to Juan, kinunen na, “Singen nu yan! Igina yanin ya maawagan ka Urbun Karne̍ru ne̍ Apu Diyus nga mangipac kadiya basbasul diya uwed idi nga lubung!

Juan 11:17

Ito nakadateng de̍ Je̍sus enna sakup niya Be̍tanya ngin, nadamag da nga naitamen nin to Lasaru, ket eppat nga algew nan.

Juan 17:8

Ta nipakaemmuc igida diya amin nga nipaibagam iyaken igida, ket inawat dan. Ket emmu dan nga tutu nga gayat tac ikew, se̍ patiyen da pe̍ yin nga ikew ya nangibon iyaken.

Juan 4:29

“Umbe̍t nu singen, ta uwed lalaki nga nangipakaemmu iyaken kadiya amin nga winangwangel ku. Di igina kid ya Kristu?” kunen na.

Juan 4:41

Adu pe̍ diya namati e̍ Je̍sus gapu iya nisursuru na mettas igida.

Aramid 13:23

“Ket ya kapututan nito Dabid, itu ya naggayatan ne̍ Je̍sus nga nibon ne̍ Apu Diyus nga mangisalakan dactida nga Israe̍lita, sigun ito nikari na.

Aramid 4:12

Itu nga e̍ Je̍sus ngas met ya makaisalakan ka toley, ta awan sabali nga kinaturay iya lubung nga nipaay ne̍ Apu Diyus nga mangisalakan dactida,” kunen na.

Aramid 5:31

Se̍ nipangatu pe̍ ne̍ Apu Diyus iya kadayawan nga saad. Ket iya agten iyan, uwed din nge̍ Je̍sus iya madiwanan na nga mangituray se̍ mangisalakan ka toley. Agten iyan ngarud ya winangel ne̍ Apu Diyus, tasun uwed dactida nga Israe̍lita ya gundaway nga agbabawi se̍ tasun uwed pakapakawanan tida pe̍.

2 Kurintu 5:19

Ket ya kayat mi nga kagiyen, agten idi: Ya panangitunus ne̍ Apu Diyus kadiya toley igina, ket gapu ito winangel ne̍ Kristu. Ket gapu ito winangel ne̍ Kristu, awan ibilang ne̍ Apu Diyus nga basul dan. Ket nitalec na pe̍ dakami ya panangisuru mi maipanggep iyan nga panangitunus na kadiya toley igina.

1 Timutyu 4:10

Ta e̍ Apu Diyus nga sibibiyag, igina ngarud ya pagnamnamaan tida, ket itu nga ikarigatan tida kuma ya agpasnec gapu igina. Ket igina met ya mangisalakan ka amin nga toley, nangnangruna dactida nga mamati.

1 Juan 2:2

Ta e̍ Je̍su Kristu mettas ya pakaudasan nga pakapakawanan diya basbasul tida, ket bekken nas nga diya basbasul tida, no di pe̍ diya basbasul diya amin nga toltoley iya lubung.

1 Juan 4:14

Ket no dakami, nasingen mi met itun ya Anac ne̍ Apu Diyus, ket ipadamag mi met nga igina ya nibon niya Ama idi nga lubung tasun isalakan na diya toltoley.

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.