Juan 4:41 - Ya Baru nga Tulag

⁴¹ Adu pe̍ diya namati e̍ Je̍sus gapu iya nisursuru na mettas igida.

Juan 4:41 Iomraidhean Croise

Lukas 4:32

Ket nasdaaw met diya nakagicna igina, gapu ta naturay ya panangisuru na.

Juan 4:40

Itu nga ito nawe̍ dito iSamarya ito edyan ne̍ Je̍sus, inawis da nga makipagedyan igida. Ket nagedyan ngarud enna ili da ka unus duwa nga algew.

Juan 4:42

Ket dito toltoley, kinunen da ito babey, “Mamati kami ngarudin, ngem bekken nas nga gapu ito kagi mun, no di lugud gapu ta dakami nga mismu ya nakagicna iginan. Ket itu ya pakaemmuwan mi nga tutu nga igina ya naibon nga Mangisalakan kadiya toltoley iya lubung ngi,” kunen da.

Juan 6:63

Maemmuwan nu kuma nga madi ngarud makae̍cde̍ ka biyag ya beggi niya toley. Ta yan nas Ispiritu ne̍ Apu Diyus ya makae̍cde̍ ka biyag. Dikad pe̍ dito kinagic dakayu, ket maipanggep met iya Ispiritu ne̍ Apu Diyus, se̍ ya biyag nga e̍cde̍ na.

Juan 7:46

Ket kinunen dito guwardiya, “Agingga ita, awan pekkem nga tutu nakakagi ka nainsiriban nga agten iya panagkagi nituni nga toley!” kunen da.

Aramid 1:8

Ngem dito banbanag nga kinagic se̍ winangel ku, ket emmu nu dan. Ket no umbe̍t nad dakayu ya Ispiritu Santu, paturedden nakayu nad gapu iya pannakabalin na, tasun mangipakaemmu kayu iya kinapudnu maipanggep iyaken. Mangipakaemmu kayu nad ennid He̍rusale̍m, se̍ iya amin nga prubinsiya nga Hudya ngi, se̍ enna prubinsiya nga Samarya, se̍ orey pe̍ iya amin nga lubung,” kunen na.

Aramid 15:3

Ket dito nibon nito bungguy mamati, nawe̍ da ngarud. Ket dimagas da ka Pe̍nisiya se̍ Samarya, ket nibaga da kadito kakabsat da ka pammati antuni to panagbalin pe̍ nga pasurut dito bekken nga Hudyu win. Ket naganggem da nga unay nga amin ito nagicna da.

Aramid 8:12

Ngem ito mamati dan ito nikaskasaba ne̍ Pe̍lipe̍ nga Makaparagsac nga Damag maipanggep iya panangituray ne̍ Apu Diyus se̍ maipanggep iya kinaturay ne̍ Je̍su Kristu, diya babey se̍ diya lalaki, ket nagpabautisar dan.

Aramid 8:25

Ket ito nalpasin de̍ Pe̍dru nge̍ Juan nga nangipadamag se̍ nangikaskasaba antuni iya kagi niya Apu, simoli da ka He̍rusale̍m. Ket nangikaskasaba da pe̍ iya Makaparagsac nga Damag kadito adu nga nadaldalanan da nga purpuruc ka Samarya.

He̍briyu 4:13

Ket agten pe̍ diya amin nga naparsuwa, ta awan mailinged e̍ Apu Diyus, nga arig nga naipac diya amin nga panglinged. Ket iya agten iyan, maemmuwan met ne̍ Apu Diyus ya aminin, ket igina met pe̍ ya sumungbatan tida.