Juan 4:23 - Ya Baru nga Tulag

²³ Ngem nad mettas, winno orey ita, madatngan ya timpu nga ya kustu nga panagdayaw iya Ama, itu ya maariman iya lemlemmet toley nga maikanatad iya napudnu nga gangey ne̍ Apu Diyus. Ta agten iyan ya gabay niya Ama nga panagdayaw igina.

Juan 4:23 Iomraidhean Croise

Juan 1:17

Ta agten idi: To Linteg tida nga Hudyu, nipaibilin ne̍ Apu Diyus itun ito Muyse̍s. Ngem ya siaayat nga panangaasi se̍ kinapudnu nga gennung nga nipakaemmu ne̍ Apu Diyusin, ket e̍ Je̍su Kristu met ya nakaigapu kadiyan.

Juan 12:23

Ket agten idi to kinunen ne̍ Je̍sus igida: “Nadatngan ngarudin ya timpu nga pakaidayawan niya Anac nga Naipatoley.

Juan 16:2

Ta ilaskig dakayu nad iya pannakigimung nu kadiya gigimungan da. Ngarud, umbe̍t nad ya timpu nga diya orey nagan na nga pumatey dakayu, ibilang da met nga panangidayaw da kanu e̍ Apu Diyus ya panangpatey da dakayu.

Juan 16:32

Kinapudnu na, ket madatngan nad ya ipapanaw nu iyaken. Ket ita nga tutu ya timpu nan, nga mawarawara kayu nga aminin. Ket tunggal isa dakayu, agtalew ngarud nga mawe̍ iya mismu nga babaley nun. Ket iyaken, panawan dac kun nga is-isa. Ngem orey agten iyan, bekken nac nga mabaybay-an nga is-isa, ta uwed met iyaken ya Ama.

Juan 4:21

Ket kinunen ne̍ Je̍sus ito babey, “Manang, patiyem kuma ya kunec, nga madatngan nad ya timpu nga bekken nga idi nga tageytey winno enna He̍rusale̍m ya pagdaydayawan diya toley iya Ama.

Juan 5:25

“Tutu met nga uwed nad timpu nga diya toley nga naibilang nga natey iya imatang ne̍ Apu Diyus, ket magicna da ya bilin niya Anac ne̍ Apu Diyus igida. Ket diya mangipangag iya Anac, mae̍cdan da ngarud ka agnanayun nga biyag. Ket kinapudnu na, nadatngan ngarudin yan nga timpu.

Juan 5:28

“Bekken nu kuma nga pakasdaawan yan nga kunec. Ta uwed nad met sumarunu nga timpu nga diya amin nga natey nga uwed kadiya tamtamen da, magicna da nad ya bilin niya Anac ne̍ Apu Diyus igida,

Ruma 1:9

Malagip nakayu nga pe̍yeng kadiya kararag ku. Tutu met yan, ket mapanecnekkan pe̍ ne̍ Apu Diyus yan, ket igina met ya pagsirsirbiyac iya amin nga nakem ku iya panangipakaemmuc iya Makaparagsac nga Damag maipanggep iya Anac na.

Ruma 8:15

Ta ito naipaayan kayu iya Ispiritu ne̍ Apu Diyus, bekken nakayu nga pinagbalin nga tagabu manin. Ansing met ya pagbanagan nu no agten iyan. Ngem ito naipaayan kayu iya Ispiritu ne̍ Apu Diyus, pinagbalin nakayu lugud nga anac ne̍ Apu Diyusin. Itu nga makaawag tida e̍ Apu Diyus nga makunen tida nga, “Ama! Amac!”

Ruma 8:26

Ket agten pe̍ ya Ispiritu ne̍ Apu Diyus, ta tulungan nactida iya pagkurangan tida iya panamati tida. Ta madi tida emmu no kumaan kuma niya kustu nga panagkararag tida, ket itu nga ya Ispiritu ya mangibagbaga e̍ Apu Diyus para dactida maipanggep kadiya sagabaen tida nga di tida kabaellan nga ibalikas iya panagkararag tida.

Galasiya 4:6

Ket gapu ta an-anac nakayu nge̍ Apu Diyusin, nibon na ya Ispiritu niya Anac na nga timipun kadiya panpanunut tida. Ket ya Ispiritu niya Anac, umaw-awag met e̍ Apu Diyus, nga kunen na, “Ama! Amac!”

E̍pe̍su 6:18

Usaren nu ngarud amin didi nga alikamen nu, ket sikakararag kayu nga pe̍yeng. Paiturayan kayu iya Ispiritu Santu kadiya amin nga ikararag winno adngen nu e̍ Apu Diyus. Ket tasun agten iyan nga tutu, naridam kayu kuma nga sipapasnec nga pe̍yeng iya panangibabaet nu kadiya karkararag nu para kadiya amin nga toley ne̍ Apu Diyus.

Pilipus 3:3

Igida ngarud ya annadan nu, ta ya kinapudnu na, dactida met diya ibilang ne̍ Apu Diyus nga toley na nga arig nga nakugit. Ta dactida diya agdaydayaw e̍ Apu Diyus gapu iya Ispiritu na nga madi masingen. Ket e̍ Kristu Je̍sus met ya pagnamnamaan tida, nga awan lugud pagtalged tida iya mawangel toley.

1 Pe̍dru 2:9

Ngem dakayu, napili kayu nga toley ne̍ Apu Diyus, se̍ agsirsirbi kayu nga maipaay igina nga Ari tida. Dakayu pe̍ ya naibilang nga nasyun nga maipaay igina. Dakayu ngarud diya toley nga pinagbalin na nga dungdungnguwen na. Agten iyan ya nikeddeng ne̍ Apu Diyus, tasun dakayu kuma ya mangipakaemmu maipanggep iya kinadayaw na, nga igina ya nangisalakan dakayu iya arig nga gicbet, se̍ nisaad nakayun iya wada na nga nakaskasdaaw.