Juan 4:14 - Ya Baru nga Tulag

¹⁴ Ngem diya amin nga uminum iya danum nga e̍cde̍c igida, madi da nad mewwew win. Ta ya danum nga e̍cde̍c, agbalin nga arig nga ubbug nga kumkumbuwar manipud iya uneg niya toley, ket mange̍cde̍ igina ka makabiyag nga danum, nga itu ya biyag nga agnanayun,” kunen na.

Juan 4:14 Iomraidhean Croise

Matyu 25:46

Ket iya agten iyan, pumanaw nad diyan nga toley nga mawe̍ da iya agnanayun nga pakadusaan da. Ngem diya napalinteg nga toley, mawe̍ da nga gennung iya agnanayun nga pakabiyagan da,” kunen ne̍ Je̍sus.

Matyu 5:6

Nagasat diya agtarigagay kadiya nalinteg nga panggep ne̍ Apu Diyus, ta mapnec da nad mettas.

Juan 10:10

“No ya tulisan, umbe̍t tasun agtakew, pumatey se̍ mangpukaw. Ngem iyaken, bekken nac nga agten iyan, ta inumbe̍t tac tasun mange̍cde̍ yac ka biyag kadiya ibilang ku nga karne̍ruc. Ket iya agten iyan, uwed ngarud biyag da nga awan pagkurangan na.

Juan 11:26

Ket diya sibibiyag pekkem nga mamati iyaken, pulus nad nga madi matey ka agnanayunin. Patiyem kad yan nga kunec?” kunen na.

Juan 4:10

Ket kinunen ne̍ Je̍sus igina, “No emmum kuma ngas ya sagut nga ipaay ne̍ Apu Diyus, se̍ no nagan ku nga agad-adeng ikew ka inumec nga danum, ikew kuma ngin ya umadeng iyaken, ket e̍cdan naka ka makabiyag nga danum,” kunen na.

Juan 4:11

Ket kinunen nito babey igina, “Ay, nauneg met ya bitu nga idi, apu, ket awan met ngarud pagsacdum. Awac ngarud ya pamettam ka makabiyag nga danum?

Juan 4:13

Ket kinunen ne̍ Je̍sus igina, “Amin diya uminum iya danum idi nga bitu, mewwew da ngas nad manin.

Juan 4:36

Ket ya mawe̍ aggani, matangdanan ngarud orey itan. Ta ya maapit na, itu diya mairaman iya biyag nga agnanayun. Ket iya agten iyan, agpadpada nga agragsac ya agmula se̍ ya aggani.

Juan 6:27

Ala! Gicnaen nu yani! Bekken kuma nga ya pagbiyag nga mapirdi ngas ya ikarigatan nu nga sapulen, no di lugud ya pagbiyag nga madi maamin, nga itu ya mange̍cde̍ ka agnanayun nga biyag. Ya Anac nga Naipatoley, igina mettas ya mangiyawat dakayu iyan nga pagbiyag. Ta nipasingen nin ne̍ Apu Diyus nga Ama nga uwed igina ya turay na,” kunen na.

Juan 6:35

Ket e̍ Je̍sus, kinunen na ngarud igida, “Iyaken met yan nga pagbiyag, nga maiyarig ka makan nga pakabiyagan. Itu nga ya umadenni nga sumurut iyaken, madi met mabisinin. Ket ya mamati iyaken, madi pe̍ mewwew win.

Juan 6:58

“Agten iyan ngarud ya kayat ku nga kagiyen nga pagbiyag nga naggayat ka langit. Bekken nga agten ito pagbiyag nga kinan dito am-ama tida itun. Ta orey nangan da, ket natey da mettas. Ngem ya mangan idi nga pagbiyag nga ibagac, agbiyag met ka agnanayun,” kunen na.

Juan 7:37

To algew nga panggibusan nito padaya, itu ya kangrunaan nga algew nito padaya. Ket iyan nga algew, nagsikad nge̍ Je̍sus iya imatang diya toltoley, ket kinunen na ka nabileg, “No uwed dakayu ya mewwew, umbe̍t iyaken, ta painumec.

Ruma 5:21

Agten iyan ngarud, tasun orey naggundaway ya basul, nga agbanag met iya pannakatey, ket aggundaway kuma lattan ya siaayat nga asi ne̍ Apu Diyus, nga itu ya agbanag iya pannakaibilang tida nga nalinteg. Ket iya agten iyan, mae̍cdan tidan ka biyag nga agnanayun gapu e̍ Je̍su Kristu nga Apu tida.

Ruma 6:23

Ta ya supapac niya basul, ket patey. Ngem biyag nga agnanayun met nga gennung ya isagut ne̍ Apu Diyus dactida gapu iya pannakaibulun tida e̍ Kristu Je̍sus nga Apu tida.

2 Kurintu 1:22

E̍ Apu Diyus pe̍ ya nagmarka dactida iya arig nga marka nan, nga mangpanecnec dactida nga kuwa nactidan. Ta ne̍cdan nactida iya Ispiritu na iya lemlemmet tida, nga itu ya mangipanecnec pe̍ maipanggep kadiya nabaru nga maipaay nad dactida.

E̍pe̍su 4:30

Ket se̍ madi nu kuma ngarud paldaangan ya Ispiritu Santu. Igina mettas ya Ispiritu ne̍ Apu Diyus nga arig nga marka nga mangpatalged dakayu maipanggep iya timpu nad nga panangipawayawaya ne̍ Apu Diyus dakayu.

1 Pe̍dru 1:22

Ket itan, nadalusan kayu mettin gapu iya panagtungpal nu iya kinapudnu. Dikad pe̍ uwed din dakayu ya napudnu nga panagayat kadiya kakabsat nu ka pammati yin. Itu nga ipasnec nu kuma ngin ya napudnu nga panagiinnayat nu.

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.

Paltiing 7:16

Madi da pulus nga agbisin winno mewwew win. Madi da mapudutan iya sinagin, winno iya orey nagan na nga makapapudutin.

Paltiing 7:17

Ta ya Urbun Karne̍ru nga uwed iya sangu niya trunu, igina met ya agay-aywan igidan, ket iturung na da ka arig nga ubbug nga mange̍cde̍ ka biyag. Ket liwliwaen ne̍ Apu Diyus da, tasun awan pulus agberberrit igidan,” kunen na.