Juan 3:8 - Ya Baru nga Tulag

⁸ Ta ya Ispiritu ne̍ Apu Diyus, arig nga belluut, nga agbelluut iya orey awac nga gabay na. Ket emmum ya kinauwed na, ta magicnam ya ungug na, ngem madi ka emmu ya paggayatan winno kapennan na. Ket agten met iyan ya gangey niya Ispiritu ne̍ Apu Diyus nga uwed kadiya amin nga toley nga naiyanac manin gapu igina,” kunen na.

Juan 3:8 Iomraidhean Croise

Juan 1:13

Ket dito nagbalin nga anac ne̍ Apu Diyus, bekken nga gapu iya kadawyan nga pannakaiyanac da ka toley, winno gapu iya tarigagay niya kinatoley winno ya tarigagay niya kinalalaki, no di lugud gapu was iya pannakabalin ne̍ Apu Diyus.

Juan 3:7

Madi ka kuma masikuran iya kunec ikew nga ‘Masapul kayu nga maiyanac manin.’

Juan 3:9

Ket to Nikude̍mu, sinaludsud na e̍ Je̍sus nga kinunen na, “Kumaan ngarud niya pannakapasamac niyan?” kunen na.

Aramid 2:2

Pagamwan da ngas nga uwed nabileg nga ungug nga gayat ka langit, nga arig nga ungug niya nabileg nga belluut. Ket to uni, imungug iya uneg nito baley nga nagtugtugawan da.

Aramid 4:31

Ket kalpasan nito panagkararag da, nayegyeg met to baley nga edyan dan. Ket niturayan niya Ispiritu Santu da nga amin, ket natured da ngarud nga nangibaga iya kagi ne̍ Apu Diyusin.

1 Kurintu 12:11

Ket amin didi nga pannakabalin, awan sabali nga mange̍cde̍ kadidi, no di yas ya Ispiritu Santu. Ket iwaras na ngarud didi nga pannakabalin, nga sabasabali ya e̍cde̍ na iya tunggal isa nga mamati, sigun iya gabay na mettas nga e̍cde̍.

1 Kurintu 2:11

Kaspagarigan no ya toley: Awan ngarud sabali nga makaemmu iya uwed iya lemlemmet niya isa nga toley no di ngas iyan mettas nga toley. Ket agten pe̍, nga ya Ispiritu ne̍ Apu Diyus ngas met ya makaemmu iya uwed iya lemlemmet ne̍ Apu Diyus.

1 Juan 2:29

Ket emmu nu met nga nalinteg nge̍ Kristu. Itu nga emmu nu met pe̍ nga anac ne̍ Apu Diyus ya amin nga agariman iya nalinteg.