Juan 3:6 - Ya Baru nga Tulag

⁶ Ta ya maiyanac ka kinatoley, ket kinatoley ngarud ya gangey na. Ket ya maiyanac gapu iya Ispiritu ne̍ Apu Diyus, uwed igina ya gangey niya Ispiritu.

Juan 3:6 Iomraidhean Croise

Juan 1:13

Ket dito nagbalin nga anac ne̍ Apu Diyus, bekken nga gapu iya kadawyan nga pannakaiyanac da ka toley, winno gapu iya tarigagay niya kinatoley winno ya tarigagay niya kinalalaki, no di lugud gapu was iya pannakabalin ne̍ Apu Diyus.

Juan 3:7

Madi ka kuma masikuran iya kunec ikew nga ‘Masapul kayu nga maiyanac manin.’

Ruma 7:18

Ket tutu met yan, ta emmuc nga awan pulus nabaru nga tumaud iyaken. Kayat ku nga kagiyen, nga awan nabaru nga tumaud iya kinatoley ku. Ta orey no agtarigagay yac nga agariman kuma ka nabaru, di yac met maariman.

Ruma 7:25

Ket agyaman nac ngarud e̍ Apu Diyus, ta igina met ya makaisalakan iyaken gapu ito inariman ne̍ Je̍su Kristu nga Apu tida. Dikad pe̍ no iya panpanunut ku, ket ya paglinteggan ne̍ Apu Diyus ya gabay ku nga pagsirbiyan. Ngem ya tarigagay niya kinatoley ku, ket agpaay ngas iya pagturayan niya basul.

Ruma 7:5

Ket itun, nagtungtungpal tida pekkem kadito tarigagay nga tumaud ngas iya kinatoley tida. Ket gapu ta naemmuwan tida ya kunen na ito Linteg, arig nga limallalu pekkem diya dake̍c nga ricna nga uwed kadiya beggi tida. Ket patey ngas met ya pagbanagan tida itun gapu kadiyan.

Ruma 8:13

Ta no tungtungpalen nu ngas diya tartarigagay niya kinatoley nu, ket agbanag kayu met ka pannakatey. Ngem no gapu iya tulung niya Ispiritu ne̍ Apu Diyus, ket isardeng nu diya dake̍c nga wangwangel nu nga tumaud iya tarigagay niya beggi nu, ket agbiyag kayu nad pekkem.

1 Kurintu 6:17

Agten iyan ngarud ya kasasaad niya lalaki nga makitipun iya babey. Ngem ya toley nga maitipun iya Apu nga gennung, agbalin nga is-isa ya panpanunut na se̍ ya panpanunut niya Apu.

2 Kurintu 5:17

Ket agten iyan met pe̍ ya panangibilang niya orey nagan na nga toley nga maitipun e̍ Kristu. Ta ya toley nga maitipun e̍ Kristu, maiyarig nga kabarbaru nga parsuwa ngin. Ket nabaliwanin dito daan nga panpanunut na ka kabarbaru nga panpanunutin.

Galasiya 5:24

Ket diya toley nga naikameng e̍ Kristu Je̍sus, ibilang da nga natey yin ya tarigagay niya kinatoley da, nga arig nga nilansa dan ito krus, agraman diya naalas nga ricna da se̍ diya ke̍lugan da.

E̍pe̍su 2:3

Ket ya kinapudnu na, dactida nga amin, agten tida met pe̍ kadiyan itun. Diya kabucbukudan tida nga tarigagay met ya tinungtungpal tida itun, ta winangwangel tida ngas diya tinarigagayan diya beggi se̍ nakem tida. Ket gapu kadiyan nga gangey tida itun, sigud nga maikari tida ngas nga aglak-am iya unget ne̍ Apu Diyus, agten mettas kadiya duduma nga toltoley.

Kulusas 2:11

Ket gapu mettas iya pannakaitipun nu e̍ Kristu win, nagbalin kayu met nga arig nga pudnu nga nakugit nga Hudyu win. Ta orey bekken kayu nga Hudyu, uwed met arig nga pannakakugit nun. Ket bekken nga inariman niya toley yani, ta itu ya pannakaipac diya tarigagay niya sibabasul nga kinatoley nu. Ta gapu iya pannakaitipun nu e̍ Kristu win, madi kayu nga paiturayanin iya panpanunut nga tumaud ngas iya kinatoley nun.

1 Juan 3:9

Ket iya agten iyan, diya an-anac ne̍ Apu Diyus, madi da agar-ariman ka basul, ta uwed met igidan ya kinaDiyus na. Madi ngarud mabalin nga agbasbasul dan, ta an-anac ne̍ Apu Diyus dan.