Juan 3:29 - Ya Baru nga Tulag

²⁹ “Kaspagarigan ya nubyu, ket igina met ya mangasawa iya nubya. Ket ya gayyem niya nubyu, igina met ya agsiput se̍ agdengdengngeg nga siraragsac iya maariman iya pakalun, ket agang-anggem nga unay no magicna na ya kagi niya nubyu. Ket iyaken, agten nac pe̍ iyan, ta agang-anggem mac nga unayin.

Juan 3:29 Iomraidhean Croise

Matyu 22:2

“Ya panangituray niya Nailangitan, maiyarig manin iya agten idi: Uwed isa nga ari nga nangisagana ka isa nga dackel nga paragsac, ta pakalunen na ya anac na nga lalaki.

Matyu 25:1

Nituluy ne̍ Je̍sus ya panagkagi na, nga kinunen na, “Ya panangituray niya Nailangitan kadiyan nad nga algew, maiyarig iya agten idi: Uwed sangapulu nga babbalasang nga nakipakalun. Ket nawe̍ da nga sumabet iya umbe̍t nga nubyu, nga nagkakalneb da ka nidal-ag nga dilag.

Matyu 9:15

Ket kinunen ne̍ Je̍sus igida, “Kaspagarigan no uwed pakalun, ket bayat niya kauwed pekkem niya nubyu kadiya kabulun na, rumbeng kadi no sangitan da? Bekken met! Ngem madatngan nad ya timpu nga maipanaw igidan ya nubyu, ket itu nad mettin ya timpu nga mangiparit dan iya beggi da nga mangan.

Lukas 15:6

Ket no sumpuc iya baley na, awisen na met diya gagayyem se̍ karruba na, ket kunen na igida, ‘Makipagragsac kayu kuma iyaken nin, ta nasmac ku mettas to napukaw nga karne̍ruc kun,’ kunen na.

Juan 15:11

“Nibagac didi dakayu ita tasun aglak-am kayu kuma nga pe̍yeng iya panaganggem nga tumaud iyaken, se̍ tasun awan kuma pagkurangan niya anggem nu.

Juan 16:24

Agingga ita, madi kayu pekkem agadeng igina nga sipapati kayu iya kinaturay ku. Ngem manipud ita, basta agadeng kayun gapu iya kinaturay ku. Ket maipaayan kayu ngarud, tasun yan nas anggem kuma ya uwed dakayu.

Juan 17:13

“Ket ita, sumoli yac ikew win. Ngem kagiyec didi bayat niya kauwed ku pekkem iya lubung ngi, tasun naan-anay kuma igida ya panaganggem nga agten mettas iya panaganggem ku.

Juan 3:30

Ket to toley nga nipakaemmuc dakayu, kalinteggan na ya dumacdackel ya panagdayaw diya toley igina. Ket no iyaken nin, masapul nga maipasegged dac kun,” kunen nito Juan kadito adalan na.

2 Kurintu 11:2

Ta arig nga iyimun nakayu, gapu iya napasnec nga panangasikasuc dakayu, nga agten mettas iya panangasikasu ne̍ Apu Diyus dakayu. Ta iyaken, maiyarig gac iya mangiyasawa dakayu e̍ Kristu. Ket dakayu ya maiyarig iya isa nga nadalus nga nubya nga naitulag e̍ Kristu nga nubyu na, nga ig-igina ngas ya pakiasawaan na.

Pilipus 2:2

Dikad pe̍ gapu ta uwed diyan dakayu, ilallalu nu kuma ya anggem kun maipanggep dakayu. Ta agtutunus kayu kuma se̍ agiinnayat kayu, se̍ agpapada kayu kuma ka panggep se̍ panpanunut.

1 Juan 1:4

Ket didi nga banbanag, isurat mi dakayu tasun awan pagkurangan niya anggem tida.

2 Juan 1:12

Adu kuma pekkem diya ibagac dakayu, ngem madic gabay no isurat ku was ka pape̍l. Nabarbaru met no ibagac nad dakayu no makalbe̍t tac iyan, ta sacwaran nakayu nad kuma. Ket nad no makapagsisingen tidan, awan ngarud pagkurangan niya panaganggem tidan.

Paltiing 21:9

Ket uwed met imadenni iyaken itun nga isa kadito pitu nga anghe̍le̍s nga uwed igida dito pitu nga malukung nga napnu kadito pitu nga modi nga panagrigat itun. Ket to anghe̍l, kinunen na met iyaken, “Umbe̍t ka, ta ipasingec ikew ya Nubya nga asawaen niya Urbun Karne̍ru,” kunen na.