Juan 3:26 - Ya Baru nga Tulag

²⁶ Dikad pe̍ dito adalan ne̍ Juan, nawe̍ da ngarud nagsaludsud igina nga kinunen da, “Mistru, malagip mu to toley nga nipakaemmum dakami itun nga nakibulun ikew enna demmang niya wangag Hordan itun? Ket mamacbautisar kanu met pe̍ yin ita, ket maw-awe̍ kanu igina diya amin nga toltoley!” kunen da.

Juan 3:26 Iomraidhean Croise

Matyu 23:7

Magustuwan da met pe̍ ya makabkablaawan kuma nga sidadayaw no uwed da iya tindaan, se̍ magustuwan da pe̍ ya awag diya toltoley igida nga ‘Mistru’.

Matyu 23:8

“Ngem dakayu, madi kayu kuma nga maawagan ka Mistru, ta is-isa ngas ya Mistru nu. Ket dakayu, agpapada kayu nga kakabsat.

Juan 1:15

Nipakaemmu nito Juan ya pudnu maipanggep igina, ito kinunen na ka nabileg, “Itu yani to kagkagiyec ito kinunec nga, ‘Yan nga sumarsarunu iyaken, ket nadaydayaw ngem iyaken. Ta orey ito madic pekkem naiyanac, uwed met nga sigudin,’ kunec met,” kunen na.

Juan 1:7

Naibon yani nga mangipakaemmu kadiya toltoley maipanggep iyan nga maawagan ka wada, tasun gapu iya panangipakaemmu nito Juan, mamati kuma diya amin nga makagicna igina.

Juan 1:9

Ket ya pudnu nga maawagan ka wada, igina ya umbe̍t iya lubung ngi nga mangwada iya orey nagan na nga toley.

Juan 11:48

Ket no ipamoya tida, kaynun no mamati nad diya amin nga toltoley iginan. Ket no agten iyanin, umbe̍t ngarudin diya agtuturay nga iRuma nga mangpirdi iya Te̍mplu tida se̍ iya pagiliyan tida pe̍,” kunen da.

Juan 12:19

Itu nga dito Parisiyu, nagtetebbar da nga kinunen da, “Singen nu kad! Awan mabalin tidan! Ay-ay! Sumursurut met igina diya amin nga toltoley iya lubungin!” kunen da.

Juan 3:2

Iya name̍nsan, ginabi nito Nikude̍mu ya nawe̍ iya edyan ne̍ Je̍sus. Ket kinunen na igina, “Mistru, emmu mi nga isa ka nga manursuru nga nibon ne̍ Apu Diyus. Ta awan makaariman kadiya nakaskasdaaw nga pagilasinan nga ar-arimanem, no awan igina nge̍ Apu Diyus,” kunen na.

Juan 4:1

Ket itun, naemmuwan niya Apu nga nadamag dito Parisiyu nga ad-adu ya mapaspasurut se̍ mabacbautisaran na ngem ito Juan nga Mammautisar.

Juan 4:2

Ngem ya kinapudnu na, bekken nga e̍ Je̍sus nga mismu ya namacbautisar, no di lugud dito adalan na.

Juan 4:31

Ket kabayatan nito kauwed pekkem nito babey ito ili, inapes met dito adalan nge̍ Je̍sus, nga kinunen da, “Mistru, manganin!” kunen da.

Juan 5:33

“Ket orey to Juan nga Mammautisar, uwed dito nibon nu igina itun nga nangdamag igina iya maipanggep iyaken. Ket pudnu pe̍ ya nipakaemmu na maipanggep iyaken.