Juan 3:25 - Ya Baru nga Tulag

²⁵ Ket ya napasamac itun, nakidisdiskutir dito adalan nito Juan iya isa nga pada da nga Hudyu maipanggep iya panagdalus nga alagaden niya pammati da nga Hudyu.

Juan 3:25 Iomraidhean Croise

Matyu 3:11

“Ket iyaken ita, danum ya pamautisar ku dakayu gapu iya panagbabawi nu. Ngem uwed nad umbe̍t nga sumarunu iyaken nga dacdackel ya pannakabalin na ngem iyaken, ket di yac pe̍ maikari nga orey no mangabsin ngas iya palloka na para igina. Ket igina, ya Ispiritu Santu se̍ apuy met ya pamautisar na nad dakayu.

Markus 7:8

“Maipanggep ngarud dakayu yan. Ta dakayu, adeyyuwan nu ngarud diya bilbilin ne̍ Apu Diyus, ket diya ug-ugali toley ya ipatpateg nu nga gennungin.”

Juan 2:6

Ket diya Hudyu, uwed alagaden niya pammati da maipanggep iya panagbeggu, itu nga uwed ennem antuni nga dadackel nga burnay nga batu, nga papayan ka danum. Ket dito burnay, aglaun ya tunggal isa ka pasar sangagasut nga litru.

He̍briyu 6:2

Se̍ madi tida pe̍ masapul nga adalen manin ya maipanggep kadiya nadumaduma nga al-alagaden maipanggep iya pannakadalus, winno ya panangipatey ka ima iya ulu niya maikararagan, se̍ ya panursuru maipanggep iya panagungar nad diya natey, se̍ ya panursuru maipanggep iya pannakaukum nga agnanayun ya dusa na.

He̍briyu 9:10

Ta dito datdatun da itun, al-alagaden ngas met nga agpaay ngas kadiya masingen nga banbanag, nga agten kadiya pannangan, panaginum, se̍ nadumaduma nga al-alagaden maipanggep iya pannakadalus. Ket napateg diyan agingga ngas iya timpu niya panangbangun ne̍ Apu Diyus iya kabarbaru nga panggep na.

He̍briyu 9:23

Ket iya agten iyan, inannamungan ne̍ Apu Diyus to panagdaydayaw diya Israe̍lita itun ito pagdaydayawan da nga tulda, gapu ta uwed to panangidaga da ka animal maikanatad ito nibilin na. Ngem to panagdaydayaw da, kaiyarigan ngas met niya kustu nga panagdaydayaw ka langit. Ta enna langit nga gennung, masapul ngarud nga namaymayat diya datun antuni ngem kadiyan nga datdatun da.

1 Pe̍dru 3:21

Ket ya pannakabautisar nu ita, maiyarig ito danum itun, ta itu pe̍ ya pakaisalakanan nu ita. Ngem bekken nga pakadalusan diya beggi nu ka rugit, no di itu ya panangipasingen nu e̍ Apu Diyus nga natalna ya nakem nun, gapu ito panagungar ne̍ Je̍su Kristu.