Juan 3:21 - Ya Baru nga Tulag

²¹ Ngem ya toley nga agtungpal iya kinapudnu, umadenni ngarud iya wada, tasun maipasingen nga naigapu e̍ Apu Diyus diya winangwangel na.

Juan 3:21 Iomraidhean Croise

Juan 1:47

Ket ito nasingen ne̍ Je̍sus nge̍ Natanye̍l nga sumungsungad iya edyan na, kinunen na maipanggep igina, “Singen nu yan. Isa met nga pudnu nga Israe̍lita, ta awan kinabusid igina,” kunen ne̍ Je̍sus.

Juan 3:20

Ta diya amin nga agwangwangel ka dake̍c, kagura da met ya wada. Ket madi da umadenni iya wada, ta madi da gabay nga maipasingen diya dake̍c nga wangwanglen da.

Juan 5:39

“Dakayu, ad-adalen nu met diya naisurat iya Bibliya, gapu ta pagarupen nu nga itu ya pakaaskuran nu iya makae̍cde̍ ka biyag nga agnanayun. Ket ya kinapudnu na, diya naisurat iya Bibliya, itu mettas diya mangipanecnec maipanggep iyaken.

Juan 7:17

Ket ya toley nga mayat nga agwangel iya tarigagay ne̍ Apu Diyus, mailasin na met no tutu nga agtaud e̍ Apu Diyus diya isursuruc, winno agkagkagi yac ngas ka kabucbukudac nga turay.

1 Kurintu 15:10

Ngem gapu mettas iya siaayat nga panangaasi ne̍ Apu Diyus iyaken, nagbalin nac met latta nga apustul, ta nabaru met ya nagbanagan nito siaayat nga panangaasi na iyaken. Itu nga nagbanbannug gac met ka ad-adu ngem kadito duduma nga padac nga apustul. Ngem bekken met nga iyaken ya tutu nga akin-wangel, no di lugud pinagwangel nac nge̍ Apu Diyus gapu iya pannakabalin nga nikaasi na nga siaayat iyaken.

2 Kurintu 1:12

Agtalged kami ngarud gapu kadiya panangikararag nu dakami. Ket natalna ngas ya nakem mi, ta emmu mi nga napaw-is ya ugali mi iya imatang diya toltoley, se̍ nangruna ya pannakibulun mi dakayu. Ta diyan nas gabay ne̍ Apu Diyus diya winangwangel mi, agten kadiya nalinteg se̍ napudnu. Ket ya panagtungpal mi kadiyan nga gabay ne̍ Apu Diyus, bekken nga sigun iya kinasirib niya kinatoley mi, no di lugud gapu mettas iya sirib nga ikaasi ne̍ Apu Diyus nga siaayat dakami.

Galasiya 6:8

Tutu met, ta no tarigagay ngas niya kinatoley na ya tungtungpalen na ya isa nga toley, ket agbanag ngas ka pakapukawan na, ta itu ya banagen niya kinatoley na. Ngem no agwangel ya isa nga toley ka maitutup iya tarigagay niya Ispiritu ne̍ Apu Diyus, agbanag nga gennung iya biyag nga agnanayun, ta itu ya ipaay niya Ispiritu ne̍ Apu Diyus.

E̍pe̍su 5:9

Ta ya patauden niya ugali niya isa nga uwed iya wada, itu ya amin nga kinabaru, kinalinteg se̍ kinapudnu.

Pilipus 1:11

Ket iya agten iyan, adu win diya nalinteg nga banbanag nga masingen dakayu gapu iya tulung ne̍ Je̍su Kristu, ket agbanag didi ka pakasingnan iya kinaDiyus se̍ kinadayaw ne̍ Apu Diyus.

Pilipus 2:13

Agten iyan kuma ngarud, ta uwed tumulung dakayu, nga itu nge̍ Apu Diyus mettas, tasun maemmuwan nu ya tarigagay na, se̍ tasun mawangel nu diya makaay-ayu igina.

Kulusas 1:29

Dikad pe̍ gapu iyan nga panggep ku, agbannug gac ngarud, ta ipakat ku ya amin nga bileg nga uwed iyaken gapu iya pannakabalin na nga mangpabileg iyaken.

He̍briyu 13:21

Ngarud, e̍ Apu Diyus met ya pagkararagac maipanggep dakayu, ket ikararag ku nga ipaay na kuma dakayu diya amin nga nabaru nga masapul nu, tasun makatungpal kayu kuma iya tarigagay na. Ket sapay kuma ta e̍ Apu Diyus, ipawangel na dactida diya makaay-ayu mettas igina, gapu iya tulung ne̍ Je̍su Kristu dactida. Ket madaydayaw kuma ngarud nge̍ Je̍su Kristu ka agnanayun nga awan patingga na. Agten iyan kuma ngarudin.

1 Pe̍dru 1:22

Ket itan, nadalusan kayu mettin gapu iya panagtungpal nu iya kinapudnu. Dikad pe̍ uwed din dakayu ya napudnu nga panagayat kadiya kakabsat nu ka pammati yin. Itu nga ipasnec nu kuma ngin ya napudnu nga panagiinnayat nu.

1 Juan 1:6

Dikad pe̍ no sumurut tida pekkem kadiya nagicbet nga banbanag, agbusid tida met no kunen tida nga makibulun tida e̍ Apu Diyus, ket bekken nin nga ya pudnu nga pammati ya tungpalen tidan.

3 Juan 1:11

Patgec nga gayyem, madi ka kuma ngarud tuladen ya ugali nga dake̍c, no di kuma ya nabaru ya tuladen nu. Ya agariman ka nabaru, ket kameng ne̍ Apu Diyus. Ngem ya agariman ka dake̍c, madi pekkem makaawat maipanggep iya gangey ne̍ Apu Diyus.

Paltiing 3:15

Ket emmuc met diya wangwangel mu. Bekken ka nga naawanan ka panamati, nga arig ngas nga nalam-ec nga kanen. Se̍ bekken ka pe̍ nga nagaget iya panamatim, nga arig nga napudut nga naimas nga kanen. Ya nabarbaru met iyaken, ket no nalam-ec ka, ket nalam-ec ka kuma nga tutu. Winno no napudut ka, ket napudut ka kuma nga tutu.