Juan 3:2 - Ya Baru nga Tulag

² Iya name̍nsan, ginabi nito Nikude̍mu ya nawe̍ iya edyan ne̍ Je̍sus. Ket kinunen na igina, “Mistru, emmu mi nga isa ka nga manursuru nga nibon ne̍ Apu Diyus. Ta awan makaariman kadiya nakaskasdaaw nga pagilasinan nga ar-arimanem, no awan igina nge̍ Apu Diyus,” kunen na.

Juan 3:2 Iomraidhean Croise

Matyu 22:16

Ket ya namaay dito Parisiyu, nangibon da ka pasurut da se̍ dito toley nito Ari He̍rude̍s ito edyan ne̍ Je̍sus. Ket kinunen dito naibon e̍ Je̍sus, “Mistru, emmu mi nga napudnu ka, se̍ mangisursuru ka nga sipupudnu iya paglinteggan ne̍ Apu Diyus. Se̍ emmu mi nga bekken nga ya kapanunutan niya toley ya ikasum, orey nagan na nga toley. Ta awan idumdumam nga saad toley.

Matyu 23:7

Magustuwan da met pe̍ ya makabkablaawan kuma nga sidadayaw no uwed da iya tindaan, se̍ magustuwan da pe̍ ya awag diya toltoley igida nga ‘Mistru’.

Matyu 23:8

“Ngem dakayu, madi kayu kuma nga maawagan ka Mistru, ta is-isa ngas ya Mistru nu. Ket dakayu, agpapada kayu nga kakabsat.

Markus 12:14

Ket dito naibon, nawe̍ da ngarud ito edyan na, ket kinunen da igina, “Mistru, emmu mi nga napudnu ka, se̍ bekken nga ya kapanunutan niya toley ya ikasum, orey nagan na nga toley. Ta awan idumdumam nga saad toley, no di lugud isursurum ya pudnu nga paglinteggan ne̍ Apu Diyus. Dikad pe̍ ibagam kay no maikuntra iya Linteg nito Muyse̍s winno bekken ya panagbayad ka buis e̍ Ari Se̍sar. Agbayad kami kadi, winno bekken?” kunen da.

Juan 1:38

Ket e̍ Je̍sus, limaw-ing ket nasingen na da nga mip-ipuyut igina. Itu nga kinunen na igida, “Nagan ya sapsapulen nu?” kunen na. Ket kinunen dito duwa, “Awac kadi ya paged-edyanam, Rabbi?” kunen da. (Ket ya kagi nga Rabbi, “Mistru” ya kayat na nga kagiyen.)

Juan 10:38

Ngem orey di dac gabay nga patiyen, patiyen nu kuma lugud diya wangwanglec, tasun gapu kadidi nga pagilasinan, masursuruwan kayu se̍ maemmuwan nu kuma nga naitipun ya Ama iyaken, se̍ naitipun nac met pe̍ igina,” kunen na.

Juan 12:37

Ket orey adu dito inariman ne̍ Je̍sus nga nakaskasdaaw nga pagilasinan iya imatang dito toltoley, madi da met namati igina.

Juan 14:10

Madi ka kad pekkem patiyen nga naitipun nac iya Ama, se̍ ya Ama, naitipun pe̍ iyaken? Ket diya kagkagiyec dakayu, bekken nga tumaud das iyaken. Ta ya Ama nga agedyan iyaken, igina ya mangibilin iyaken kadiya ipawangel na iyaken.

Juan 15:24

Awan kuma ngarud maibilang nga pakabasulan da no madi da kuma nasingen dito inariman ku iya imatang da, nga nakaskasdaaw nga di pekkem naariman toley. Ngem ita, nasingen da mettin, ket dakami nga duwa ya Amac ya gurguraen da.

Juan 2:11

Ket yan nga inariman ne̍ Je̍sus enna Kana iya prubinsiya nga Galilya, itu ya kaonaan nga nakaskasdaaw nga inariman na. Ket iya agten iyan, nipasingen na ya kinadayaw na antuni, ket namati igina dito adalan na.

Juan 20:16

Ket kinunen ne̍ Je̍sus igina, “Marya!” kunen na. Simangu ngarud nge̍ Marya iginan nga kinunen na, “Ay, Rabbuni!” kunen na, ket kagi He̍briyu yan, nga kayat na nga kagiyen, “Apu Mistru.”

Juan 3:26

Dikad pe̍ dito adalan ne̍ Juan, nawe̍ da ngarud nagsaludsud igina nga kinunen da, “Mistru, malagip mu to toley nga nipakaemmum dakami itun nga nakibulun ikew enna demmang niya wangag Hordan itun? Ket mamacbautisar kanu met pe̍ yin ita, ket maw-awe̍ kanu igina diya amin nga toltoley!” kunen da.

Juan 4:31

Ket kabayatan nito kauwed pekkem nito babey ito ili, inapes met dito adalan nge̍ Je̍sus, nga kinunen da, “Mistru, manganin!” kunen da.

Juan 5:36

Ngem ya pammanecnec nga uwed iyaken, nabacbaked pekkem ngem ito panangipanecnec nito Juan. Ta diya ipawpawangel niya Ama iyaken, itu pe̍ diya mangpanecnec iya maipanggep iyaken. Ket itu ngarud didi diya wangwanglec ita. Ket didi met diya mangipasingen nga nibon nac nga tutu ya Ama.

Juan 6:2

Ket nakad-adu diya toley nga sumursurut e̍ Je̍sus, gapu ta nasingen da dito nakaskasdaaw nga inariman na ito pinalaing na diya agsacsakit.

Juan 7:31

Ket dito toltoley nga naggigicna igina, adu da nga namati igina, nga kinunen da iya panagtetebbar da, “Awan met sabali nga Kristu nga naikari nga ibon ne̍ Apu Diyus, no di yas igina. Ta awan ngarud makaparis kadiya nakaskasdaaw nga pagilasinan nga inar-ariman nidi nga toley,” kunen da.

Juan 9:16

Ket dito duduma kadito Parisiyu, kinunen dan, “Bekken nga gayat e̍ Apu Diyus ya toley nga nangariman iyan, ta madi na met tungpalen ya paglinteggan maipanggep iya Algew Ngilin,” kunen da. Ngem kinunen met diya duduma, “Ay, bekken. Ta no managbasul, madi met makaariman kadiya agten kadiyan nga nakaskasdaaw nga pagilasinan,” kunen da. Itu nga madi da ngarud nagkikinnaawatanin.

Aramid 10:38

Ket emmu nu met pe̍ nga pinili ne̍ Apu Diyus nge̍ Je̍sus nga iNasare̍t nga nae̍cdan iya Ispiritu Santu se̍ iya pannakabalin na. Ket nagpaspasyar nge̍ Je̍sus nanipud ka Galilya, nga timultulung kadiya toley, se̍ pinalaing na pe̍ diya nasairuwan nga toley, ta uwed met nge̍ Apu Diyus igina.

Aramid 2:22

Ket nituluy ne̍ Pe̍dru to panagpalawag na nga kinunen na, “Kapadpadac nga Israe̍lita, denggen nu kuma ya ibagac. No maipanggep e̍ Je̍sus nga iNasare̍t, nipakaemmu ne̍ Apu Diyus dactida ya nakaibonan na, ta uwed nipasingen na dakayu nga nakaskasdaaw, se̍ milagru se̍ pagilasinan. Ngem emmu nu diyanin, ta nasingen nu met dito nipawangel ne̍ Apu Diyus e̍ Je̍sus itun iya imatang nu mettas.

Pilipus 1:14

Se̍ bekken nas nga iyan, ta gapu idi nga nakaibaludac, napabileg ya kaaduwan kadiya kakabsat tida ka pammati iya namnama da iya Apu. Ket iya agten iyan, natured da itan nga mangikasaba iya kagi ne̍ Apu Diyus, nga awan ansing dan.