Juan 3:19 - Ya Baru nga Tulag

¹⁹ Agten idi ya pakaukuman toley: Inumbe̍t idi nga lubung ngin ya Mangwada ka toley. Ngem gapu ta dake̍c diya wangwanglen diya toltoley, ginabgabay da ya gicbet ngem iya wada.

Juan 3:19 Iomraidhean Croise

Lukas 12:47

“Ket ya tagabu nga nakaemmu iya tarigagay niya amu na, ngem madi nakasagana winno madi na tinungpal to gabay niya amu na, madusa ngarud ka mame̍n-adu nga baut.

Lukas 16:14

Ket ito nagicna dito Parisiyu yan nga kinagi ne̍ Je̍sus, inuyaw dan, gapu ta mangipatpateg da met nga tutu ka kuwarta.

Juan 1:4

Idi nga maawagan ka Kagi, igina ya pagtaudan niya biyag. Ket idi nga biyag, itu ya arig nga mangwada iya lemlemmet diya toley.

Juan 1:5

Ket ya wada, agdarang iya gicbet, ket madi mabalinan niya gicbet nga pagicbetten.

Juan 12:31

Ta ita mettin ya panangrugi niya panangukum ne̍ Apu Diyus kadiya toley idi nga lubung. Ita met pe̍ yin ya timpu niya panangpatalew ne̍ Apu Diyus iya agituray idi nga lubung.

Juan 12:43

Madi da ngarud nipadpadlaw ya panamati da, gapu ta gabgabay da ya pammadayaw diya toltoley ngem iya panangannamung ne̍ Apu Diyus.

Juan 12:46

Inumbe̍t tac iya lubung ngi, nga arig gac nga mangwada ka toley, tasun diya amin nga mamati iyaken, madi da agedyan iya gicbet tin.

Juan 5:44

“Madi nu ngarud mabalin ya mamati iyaken, ta ya kalikaguman nu, bekken nga ya panangannamung niya is-isa nga Diyus dakayu, no di lugud ya pammadayaw niya pada nu nga toley.

Juan 7:17

Ket ya toley nga mayat nga agwangel iya tarigagay ne̍ Apu Diyus, mailasin na met no tutu nga agtaud e̍ Apu Diyus diya isursuruc, winno agkagkagi yac ngas ka kabucbukudac nga turay.

Juan 7:7

Bekken kayu nga magura kadiya toltoley idi nga lubung. Ngem no iyaken, guraen dac met, gapu ta ipacpakaemmuc nga dake̍c diya wangwangel da.

Juan 8:12

Ket itun, nagkagi manin nge̍ Je̍sus kadiya toltoley nga kinunen na, “Iyaken ya mangwada ka toley iya lubung ngi. Ya sumurut iyaken, madi manmanalan iya gicbet tin, no di lugud mawadaan ka wada nga mange̍cde̍ ka biyag,” kunen na.

Juan 9:5

Kayat ku nga kagiyen nga bayat niya kauwed ku iya lubung ngi, iyaken ya mangwada kadiya toltoley iya lubung,” kunen na.

Ruma 1:32

Ket ya kinapudnu na, emmu da met nga sigun iya linteg ne̍ Apu Diyus, ket patey ya tumutup nga dusa iya agten iyan nga panagbiyag. Ngem orey emmu da yan, wanglen da met latta didi nga kinadake̍c, ket bekken nas nga iyan, ta abuluyan da met pe̍ diya duduma nga agar-ariman pe̍ kadiyan.

Ruma 2:8

Ngem uwed da pe̍ toley nga mayat nga maipangatu ya kaipapennan da, se̍ mangdellaw iya pudnu tasun suruten da ya dake̍c. Ket didi nga toley met diya pangipaayan nad ne̍ Apu Diyus iya gura se̍ unget na.

2 Te̍salunika 2:12

Iya agten iyan, dusa ngas met ya pagbanagan diya amin nga di mamati iya kinapudnu, ta basul met ya patpatgen da.

1 Pe̍dru 2:8

Ket kunen na pe̍, “Idi ya batu nga pakaisacdulan diya toltoley, se̍ itu yani ya dackel nga batu nga pakaiduclapan da,” kunen na. Ket maisacdul da ngarud, gapu ta madi da nga agtungpal iya kagi ne̍ Apu Diyus. Ket itu met yan ya nikeddeng na nga pagbanagan da.

2 Pe̍dru 3:3

Idi ya mona nga ipakaemmuc dakayu: Maawatan nu kuma nga iya kaodiyan nga timpu wi, uwed da nad mangnguyaw nga tumaud. Agtungtungpal da ngas kadiya dake̍c nga tarigagay diya begbeggi da, ket uy-uyawen dakayu nad met.