Juan 3:16 - Ya Baru nga Tulag

¹⁶ Tutu met yan, ta gapu iya napalaus nga panagayat ne̍ Apu Diyus kadiya toltoley idi nga lubung, niyawat na ya kackaisu nga Anac na, tasun amin nga mamati igina, madi mapukaw, no di lugud mae̍cdan ka agnanayun nga biyag.

Juan 3:16 Iomraidhean Croise

Matyu 9:13

Ket no dakayu, masapul met nga maadal nu ya kaipapennan nidi nga naisurat iya Bibliya nga kunen na, ‘Bekken nga ya panangidatun ka animal ya paggugustuc, no di lugud ya panangaasi.’ Maawatan nu kuma ngarud ya kaipapennan niyan, ta agten met pe̍ iyaken, nga ya numbe̍tac, bekken met nga tasun awisec diya nalinteg nga toley, no di lugud diya managbasul,” kunen na.

Markus 12:6

“Ket is-isa ngas mettin ya mabalin nga ibon nito akin-kuwa, nga itu ya patpatgen na nga anac nga lalaki. Ket iya agten iyan, nibon na ngarud to anac na mettas nga mawe̍ ito edyan dito makisugsugpun, ta kunen na nga, ‘No anac ku mettas ya ibon ku, emmuc nga dayawen da met,’ kunen na.

Lukas 2:14

“Madaydayaw nge̍ Apu Diyus nga uwed iya kangatuwan nga edyan. Ket idi nga lubung, uwed kuma talna kadiya toltoley nga pakaay-ayuwan na,” kunen da.

Juan 1:14

Ngarud, to maawagan ka Kagi, ket nagbalin nga toley itun, ket nakipagedyan dactida idi nga lubung. Ket dakami, nasingen mi ya kinadayaw na nga tumaud e̍ Apu Diyus nga Ama na. Igina ngarud ya nadayaw nga kackaisu nga Anac ne̍ Apu Diyus, ket yan nas siaayat nga asi, se̍ kinapudnu ya uwed igina.

Juan 1:18

Awan ngarud toley nga nakasingen e̍ Apu Diyus. Ngem ya kackaisu nga Anac na, igina mettas ya mangipakaemmu maipanggep igina, ta igina met ya makiab-abay iya Ama.

Juan 1:29

Iya kadamlag niyan, nasingen nito Juan nge̍ Je̍sus nga umbe̍t iya edyan na. Ket to Juan, kinunen na, “Singen nu yan! Igina yanin ya maawagan ka Urbun Karne̍ru ne̍ Apu Diyus nga mangipac kadiya basbasul diya uwed idi nga lubung!

Juan 10:28

Ket e̍cdac da ngarud iya agnanayun nga biyag, ket madi da mapukaw nga pulus, se̍ awan makaagaw igida iya panangaywan ku.

Juan 3:15

Maibayug ngarud, tasun amin nga mamati igina, ket uwed igida ya agnanayun nga biyag,” kunen na.

Juan 3:18

Ngarud, madi maukum diya mamati iya Anac. Ngem diya madi mamati igina, naukum da mettin, gapu ta madi da ngarud mamati iya turay niya kackaisu nga Anac ne̍ Apu Diyus.

Juan 3:36

Dikad pe̍ diya mamati iya Anac, uwed igidan ya biyag nga agnanayun. Ngem diya madi agtungpal iya Anac, madi da aglak-am iyan nga biyag, no di lugud uwed igida ya panangukum ne̍ Apu Diyus.

Juan 6:40

Ngarud, tarigagay niya Amac nga amin diya makaemmu se̍ mamati iya Anac, mae̍cdan da iya agnanayun nga biyag. Ket pagungarec da nad ngarud iya kaodiyan nga algew win,” kunen na.

Ruma 5:10

Ta gapu ito pannakatey niya Anac ne̍ Apu Diyus, naitunus tida e̍ Apu Diyusin, orey naikuntra tida pekkem igina itun. Ket itan, gapu ta naitunus tida iginan, di ngarud nasigsiguradu ya panagnamnama tidan iya pannakaisalakan tida, gapu iya biyag ne̍ Je̍su Kristu ita?

Ruma 5:8

Ngem no e̍ Apu Diyus nga gennung, nipasingen na nga nalaing ya ayat na dactida. Ta ito sibabasul tida pekkem, natey met nge̍ Kristu para dactida itun.

Ruma 8:32

Ngarud, e̍ Apu Diyus, madi na nipaidam ya mismu nga Anac na nga Je̍sus, no di lugud nipalubus na nga napatey nga agpaay dactida nga amin. Ket gapu ta nipaay na ya Anac na dactida itun, di nactida ngarud kanunungen iya panange̍cde̍ na nga siaasi iya Anac na ka amin nga banbanag?

E̍pe̍su 2:4

Ngem e̍ Apu Diyus, managkaasi. Ket iya agten iyan, nipaay na ya napalaus nga ayat na dactida.

2 Te̍salunika 2:16

Ket uwed kuma adngen mi iya Apu tida nga Je̍su Kristu se̍ e̍ Apu Diyus nga Ama tida nga mangayat dactida. Ta gapu iya siaayat nga asi na, liwliwaan nactida ka liwliwa nga madi agpatingga, se̍ namnama nga nabaru.

Titu 3:4

Ngem ito naipakaemmu win dactida nga toley ya asi se̍ ayat ne̍ Apu Diyus nga Mangisalakan dactida,

He̍briyu 2:9

Ngem emmu tida nga e̍ Je̍sus, nagbalin ngarud itun nga nanumnumu ngem kadiya anghe̍le̍s, ngem madi nagbayag yan nga timpu. Ket gapu iya siaayat nga asi ne̍ Apu Diyus dactida, nalak-aman ne̍ Je̍sus ya pannakatey nga maipaay iya tunggal isa nga toley. Ket ya emmu tida ngarud itan, ket arig nga nabalangatan met nge̍ Je̍sus nga sibaballaigi yin. Ta napadayawan nga tutu win nga nae̍cdan ka maraem nga saad nan, gapu ito linak-am na nga pannakatey.

1 Juan 3:1

Lagipen nu kuma ya dackel nga panagayat niya Ama dactida: Gapu iya panagayat na, maawagan tida met ka anac ne̍ Apu Diyus, ket pudnu met nga nagbalin tida nga an-anac nan. Ngem diya madi mamati igina idi nga lubung, madi da mailasin ya kinapudnu maipanggep dactida nga anac na, ta madi da met pe̍ nailasin ya kinapudnu maipanggep e̍ Apu Diyus.

1 Juan 4:19

Ket no dactida, agayat tida ngarudin gapu ta nona nga inayat nactida nge̍ Apu Diyus.

Paltiing 1:5

se̍ gayat pe̍ e̍ Je̍su Kristu. E̍ Je̍su Kristu ya mapagtalkan nga mangipakaemmu iya pudnu, se̍ igina met ya kaonaan nga Anac nga napagungar nga katurayan, se̍ igina met pe̍ ya agiturayin kadiya ar-ari iya lubung ngi. Daydayawen tida kuma ngarud nge̍ Je̍su Kristu win, ta igina met ya mangay-ayat dactida, se̍ ya nangwayawaya dactida iya pannakabalin diya basbasul tida, gapu iya pannakaidaga niya beggi na mettas.