Juan 3:14 - Ya Baru nga Tulag

¹⁴ “Ket ya Anac nga Naipatoley, maibayug nad met nga arig mettas nga ito panangibayug nito Muyse̍s ito sinan-malaga enna away itun.

Juan 3:14 Iomraidhean Croise

Matyu 26:54

Ngem no agten iyan ya wanglec, madi ngarud matungpal to padtu nga naisurat iya Bibliya, nga masapul kanu nga mapasamac nga agten idi,” kunen na.

Matyu 8:20

Ket kinunen ne̍ Je̍sus igina, “Utubem man yani: No diya musang, uwed pagedyanan da nga re̍kab. Ket se̍ diya sibsibud, uwed pe̍ sucbut da. Ngem ya Anac nga Naipatoley, awan met nga gennung pagedyanan na tasun uwed kustu nga pagidaan na,” kunen na.

Lukas 24:20

Ket diya pangpangulu diya agsirsirbi iya Te̍mplu, se̍ diya duduma nga pangpangulu tida, niyawat da lugud met tasun maikeddeng nga matey. Ket iya agten iyan, nipailansa da ngarud ka krus.

Juan 18:32

Ket diyan nga napasamac, itu to pannakatungpal nito kinagi ne̍ Je̍sus itun ito nibaga na no kumaan niya panangpatey da igina.

Juan 6:51

Iyaken mettas ya pagbiyag nga maiyarig ka pakabiyagan nga naggayat ka langit. Ket ya orey nagan na nga toley nga mangan idi nga pagbiyag nga ipaay ku, agbiyag met ka agnanayun. Ket idi nga pagbiyag, itu mettas ya beggic nga iyawat ku nad tasun uwed pakabiyagan diya toltoley idi nga lubung,” kunen ne̍ Je̍sus.

Juan 8:28

Dikad pe̍ kinunen manin ne̍ Je̍sus igida, “No maibayug nu nad ya Anac nga Naipatoley, maemmuwan nu nad mettasin nga iyaken ya uwed nga sigud. Ket maemmuwan nu pe̍ yin nga awan wanglec nga kabucbukudac, no di lugud kagkagiyec ngas ya nisuru niya Ama iyaken.

Aramid 2:23

Ket iyan nga Je̍sus, gapu ta emmu itun ne̍ Apu Diyus ya mapasamac, nipalubus na ya pannakaiyawat na dakayu, ta itu ya panggep ne̍ Apu Diyus. Ket dakayu, nipapatey nu met, ata nipailansa nu kadiya managdacdake̍c ka krus.