Juan 3:12 - Ya Baru nga Tulag

¹² Ket no madi kayu patiyen dito nibagac dakayu maipanggep kadiya banbanag nga uwed idi nga lubung, kumaan ngarud nga mamati kayu iyaken no ya banbanag nga nailangitan ya kagiyec?

Juan 3:12 Iomraidhean Croise

Juan 3:11

Pudnu met yani nga ibagac ikew: Ya emmu mi, itu was ya kagkagiyen mi. Ket ya nasingen mi, itu was ya ibagbaga mi. Ngem dakayu, madi kayu met patpatiyen ya ipakaemmu mi.

Juan 3:3

Ket kinunen ne̍ Je̍sus igina, “Pudnu met yani nga ibagac ikew: Madi aglak-am ya orey nagan na nga toley iya panangituray ne̍ Apu Diyus no madi maiyanac manin nga mona ka kabarbaru nga biyag,” kunen na.

Juan 3:5

Ket kinunen manin ne̍ Je̍sus igina, “Pudnu met yani nga ibagac ikew: Madi mabalin nga aglak-am ya orey nagan na nga toley iya panangituray ne̍ Apu Diyus no madi maiyanac gapu iya danum se̍ gapu pe̍ iya Ispiritu ne̍ Apu Diyus.

Juan 3:8

Ta ya Ispiritu ne̍ Apu Diyus, arig nga belluut, nga agbelluut iya orey awac nga gabay na. Ket emmum ya kinauwed na, ta magicnam ya ungug na, ngem madi ka emmu ya paggayatan winno kapennan na. Ket agten met iyan ya gangey niya Ispiritu ne̍ Apu Diyus nga uwed kadiya amin nga toley nga naiyanac manin gapu igina,” kunen na.

1 Timutyu 3:16

Ket napateg ngarud nga unay ya banag niya pammati tida nga nipakaemmu win ne̍ Apu Diyus. Agten idi ya banag na: Igina, nagparang nga naipatoley. Ket gapu iya Ispiritu ne̍ Apu Diyus, napanecnekkan ya kinalinteg na, se̍ nasingen pe̍ diya anghe̍le̍s. Ket naipadpadamag ya maipanggep igina kadiya pagpagiliyan, ket adu da nga namati iginan idi nga lubung. Ket naiyune̍c kin nga madaydayaw enna langit.

He̍briyu 5:11

Adu kuma pekkem ya gabay ku nga ilawlawag dakayu maipanggep idi nga banag, ngem narigat nga mailawlawag dakayu, ata narigat kayu met nga makaawat.

1 Juan 4:10

Ket ya ayat nga kunec, bekken nga ya panagayat tida e̍ Apu Diyus, no di lugud ya panagayat ne̍ Apu Diyus dactida. Ta igina, nibon na met ya Anac na nga pakaudasan nga pakapakawanan diya basbasul tida.