Juan 3:11 - Ya Baru nga Tulag

¹¹ Pudnu met yani nga ibagac ikew: Ya emmu mi, itu was ya kagkagiyen mi. Ket ya nasingen mi, itu was ya ibagbaga mi. Ngem dakayu, madi kayu met patpatiyen ya ipakaemmu mi.

Juan 3:11 Iomraidhean Croise

Matyu 11:27

Ket kinunen manin ne̍ Je̍sus, “Nitalec niya Amac iyaken diya amin. Ket awan met makaem-emmu iya Anac, no di ngas ya Ama. Se̍ awan met makaem-emmu iya Ama, no di ngas ya Anac se̍ diya gabay ngas niya Anac nga pangipakaemmuwan igina.

Matyu 23:37

“Ay, dakayu nga iHe̍rusale̍m! Pakapateyyan met dito mammadtu ya siyudad nu. Ngarud, diya ibon dakayu ne̍ Apu Diyus, pakabatuwan da met ya siyudad nu. Mame̍npiga met nga gabay ku ya mangurnung kuma dakayu, nga arig nga panangsikuyup niya gaganac kadiya piyec na iya linung diya payac na. Ngem madi kayu met.

Lukas 10:22

Ket kinunen manin ne̍ Je̍sus, “Nitalec niya Amac iyaken diya amin. Ket awan met makaem-emmu iya Anac, no di ngas ya Ama. Se̍ awan met makaem-emmu iya Ama, no di ngas ya Anac, se̍ diya gabay ngas niya Anac nga pangipakaemmuwan igina,” kunen na.

Juan 1:11

Ket ito inumbe̍t iya mismu nga ili na, madi met inawat diya kailiyan na.

Juan 1:18

Awan ngarud toley nga nakasingen e̍ Apu Diyus. Ngem ya kackaisu nga Anac na, igina mettas ya mangipakaemmu maipanggep igina, ta igina met ya makiab-abay iya Ama.

Juan 12:49

Ta no agkagi yac, bekken nga tumaud iya kabucbukudac nga turay, no di lugud gayat iya Ama nga nangibon iyaken. Ta igina ya nangbilin iyaken no nagan ya kagiyec se̍ ibagac.

Juan 14:24

Ngem ya madi agayat iyaken, madi ngarud agtungpal kadiya kagic. Ket ya kagic nga ipacpakaemmuc dakayu, bekken met nga tumaud iyaken, no di lugud tumaud iya Ama nga nangibon iyaken.

Juan 3:12

Ket no madi kayu patiyen dito nibagac dakayu maipanggep kadiya banbanag nga uwed idi nga lubung, kumaan ngarud nga mamati kayu iyaken no ya banbanag nga nailangitan ya kagiyec?

Juan 3:13

Ket awan pekkem imune̍c ka langit malacsid iya imulug nga gayat ka langit, ket itu mettas ya Anac nga Naipatoley.

Juan 3:3

Ket kinunen ne̍ Je̍sus igina, “Pudnu met yani nga ibagac ikew: Madi aglak-am ya orey nagan na nga toley iya panangituray ne̍ Apu Diyus no madi maiyanac manin nga mona ka kabarbaru nga biyag,” kunen na.

Juan 3:5

Ket kinunen manin ne̍ Je̍sus igina, “Pudnu met yani nga ibagac ikew: Madi mabalin nga aglak-am ya orey nagan na nga toley iya panangituray ne̍ Apu Diyus no madi maiyanac gapu iya danum se̍ gapu pe̍ iya Ispiritu ne̍ Apu Diyus.

Juan 5:43

Tutu met yan, ta orey inumbe̍t tac gapu mettas iya kinaturay niya Amac, ket pulus met nga madi dac inawat. Ngem no uwed kuma sabali nga agparang nga gennung, se̍ orey no ya mismu nga kinaturay na ngas ya mangipanecnec iya beggi na, ket nalaka nu was met nga awaten nin.

Juan 7:16

Itu nga kinunen ne̍ Je̍sus igida, “Bekken nga agtaud iyaken diya isursuruc, no di lugud gayat iya nangibon iyaken.

Juan 8:14

Ket e̍ Je̍sus, kinunen na igida, “Orey no iyaken mettas ya mangpanecnec iya beggic, pudnu met ya ipacpakaemmuc, ta emmuc met ya naggayatac se̍ ya kapennac. Ngem dakayu, madi kayu emmu ya naggayatac winno ya kapennac.

Juan 8:26

Ket no maipanggep dakayu, adu ngarud ya makagic se̍ maipabasul ku. Ngem ya ipakaemmuc dakayu nga toley idi nga lubung, yan nas ipakagi niya nangibon iyaken. Ket napudnu ngarud met ya nangibon iyaken,” kunen na.

Juan 8:38

Ket no iyaken, isuruc ngas maipanggep kadiya nasingec iya edyan niya Amac. Ket dakayu, wanglen nu pe̍ diya nipakaemmu mettas niya ama nu dakayu,” kunen na.

Aramid 22:18

Ta nasingec ya Apu, nga kinunen na iyaken, ‘Alistuwam ya agtalew idi He̍rusale̍m. Ta diya toley ennid, madi da patiyen diya kagkagiyem maipanggep iyaken,’ kunen na.

2 Kurintu 4:4

Ket diyan nga madi mamati, sinikapan niya diyus da nga agturay idi nga timpu. Ta arig nga kinulap na da tasun madi da makasingen iya wada. Itu ya gapu na nga madi da maawatan ya kinapateg niya Makaparagsac nga Damag maipanggep iya kinadayaw ne̍ Kristu, nga igina ya pakasingnan e̍ Apu Diyus.

Paltiing 1:5

se̍ gayat pe̍ e̍ Je̍su Kristu. E̍ Je̍su Kristu ya mapagtalkan nga mangipakaemmu iya pudnu, se̍ igina met ya kaonaan nga Anac nga napagungar nga katurayan, se̍ igina met pe̍ ya agiturayin kadiya ar-ari iya lubung ngi. Daydayawen tida kuma ngarud nge̍ Je̍su Kristu win, ta igina met ya mangay-ayat dactida, se̍ ya nangwayawaya dactida iya pannakabalin diya basbasul tida, gapu iya pannakaidaga niya beggi na mettas.

Paltiing 3:14

“Ket idi ya isurat mu iya anghe̍l nga agay-aywan iya bungguy mamati ka Lawdisiya: “Itu yan ya kunen niya maawagan ka Ame̍n, nga igina ya mapagtalkan se̍ napudnu nga mangipakaemmu iya pudnu, ket igina pe̍ ya pagtaudan niya amin nga pinarsuwa ne̍ Apu Diyus: