Juan 21:3 - Ya Baru nga Tulag

³ Ket itun, nalagip nito Simon Pe̍dru ya mawe̍ aglames, itu nga kinunen na kadito kabulun na nga, “Mawe̍ yac lugud aglames,” kunen na. Ket kinunen dito duduma, “Umbe̍t kami met pe̍,” kunen da. Ket nawe̍ da ngarud, nga nagbangka da nga nagkalap. Ngem pulus nga awan met naalac da nga nagwakas.

Juan 21:3 Iomraidhean Croise

Lukas 5:5

Ket kinunen ne̍ Simon, “Mistru, nagwacwakas kami met nga nagkalap, ngem awan pulus naalac mi. Ngem orey agten iyan, no iwayat mi nga kunem, tungpalec ngarud ya kagim,” kunen na.

Juan 21:4

Ket ito sumingising ya sinagin, uwed met nge̍ Je̍sus nga agsisikad iya pingit nito baybay, ngem madi nalasin dito adalan.

Aramid 18:3

Ket nakipagedyan igida ito baley da, ta kapada na da ka tarabaku nga agar-ariman da ka tulda nga para bawi. Ket nipagariman pe̍ igidan.

Aramid 20:34

Ta emmu nu nga iyaken mettas to makaemmu kadito masapul ku se̍ dito kabulun ku, ta uwed mettas to tarabakuc itun.

1 Kurintu 3:7

Dikad pe̍ bekken kuma nga ya arig nga agmula winno ya arig nga agbuyat ya dayawen tida, no di lugud e̍ Apu Diyus, ta igina met ya mangpadackel.

1 Kurintu 9:6

Winno maiduma kami aya nge̍ Be̍rnabe̍, tasun dakami ngas nga duwa ya masapul nga mangged ka pagbiyag mi?

1 Te̍salunika 2:9

Tutu met kakabsat, ta malagip nu ngarud to panagwangel se̍ panagrigat mi itun. Ta algew-gabi nga nagwangel kami itun, tasun awan kuma pakarigatan nu gapu ka kasapulan mi ito uwed kami iyan nga mangikaskasaba dakayu iya Makaparagsac nga Damag nga gayat e̍ Apu Diyus.