Juan 21:22 - Ya Baru nga Tulag

²² Ket kinunen ne̍ Je̍sus, “Bekken mu met nga biyang ya agten iyan. Iyaken nas met ya makaemmu no tarigagayac kuma nga sibibiyag pekkem yan nga toley iya isosolic nad manin idi. Ngem no ikew, basta suruten nac, a!” kunen na.

Juan 21:22 Iomraidhean Croise

Matyu 16:24

Ket kinunen ne̍ Je̍sus itun kadito adalan na, “No uwed mayat nga sumurut iyaken, masapul nga ipalikud na diya mismu nga tarigagay na, ket se̍ masapul nga anusan na ya arig nga panangagtu na iya krus na nga pakailansaan na, ket sumurut ngarud iyaken nin.

Matyu 24:27

Ta ya umbe̍t nad niya Anac nga Naipatoley, nawada met nga arig nga panaggilap niya kilawet, ta orey gumilap ka daya ya kilawet, wadaan na met pe̍ ya abac lawa iya ellod.

Matyu 24:3

Ket ito nagtugtugew nge̍ Je̍sus enna Tageytey Ulibu, awan diya kaaduwanin. Ket imadenni igina dito adalan, nga kinunen da igina, “Ibagam kay dakami no nungey nad nga madatngan yan nga timpu nga kinunem, se̍ no nagan nad ya pakalasinan iya umbe̍t mu manin se̍ ya panagpatingga nidi nga timpu,” kunen da.

Matyu 24:44

Ket agten kayu pe̍ iyan, nga masapul nga sisasagana kayu. Ta ya Anac nga Naipatoley, umbe̍t nad pe̍ iya bekken nu nga pagpagarupen nga uras.”

Matyu 25:31

“Ket no umbe̍t nad nga sidadayaw ya Anac nga Naipatoley nga maibulun pe̍ igina diya amin nga anghe̍le̍s, agtugew nad nga agari iya trunu na nga pakaidayawan na.

Matyu 8:22

Ngem kinunen ne̍ Je̍sus, “Suruten nac lugudin, ta biyang met diya maiyarig ka natey ya makaemmu kadiya minatey da,” kunen na met.

Markus 9:1

Ket kinunen na pe̍ igida, “Pudnu met nga uwed duduma dakayu idi ita, nga madi nad pekkem matey agingga nga madi da aglak-am iya panangituray ne̍ Apu Diyus no madatngan nad nga situturay,” kunen na.

Juan 21:19

Ket kinagi ne̍ Je̍sus yan tasun ipakaemmu na no kumaan niya pannakatey ne̍ Pe̍dru. Ket pakaidayawan met pe̍ ne̍ Apu Diyus ya pannakatey ne̍ Pe̍dru. Ket to nodi nga kinunen ne̍ Je̍sus e̍ Pe̍dru itun, ket, “Suruten nac ngarudin,” kunen na.

Juan 21:21

Ket ito nasingen ne̍ Pe̍dru yan nga adalan, kinunen na e̍ Je̍sus, “Ket igina, Apu, kumaan nad niya kasasaad na met?” kunen na.

1 Kurintu 11:26

Dikad pe̍ agingga iya sumoli manin niya Apu idi nga lubung, orey nungey kayu nga aguurnung nga agtungpal iya agten iyan nga pannangan se̍ panaginum, ket itu win ya pakalaglagipan nu ito pannakatey niya Apu.

1 Kurintu 4:5

Ket iya agten iyan, madi kayu kuma nga mangpabasul ka toley yin iya orey nagan na, agingga nga madi pekkem madatngan ya kustu nga timpu na, nga itu ya umbe̍t manin niya Apu. Ta ya Apu, mangipawada nad kadiya nalimed nga winangwangel diya toley, se̍ mangilatac nad pe̍ kadiya pangpanggep diya toley nga di pekkem naemmuwan. Ket no iyan nga timpu, ipasingen nad ne̍ Apu Diyus ya tutu nga dayaw niya tunggal isa dactida, sigun iya panagtungpal tida.

1 Te̍salunika 2:19

Ngarud, mawe̍ kami kuma iya edyan nu, ta dakayu met ya namnama mi se̍ anggem mi se̍ dayaw mi nga masingen nad iya imatang niya Apu tida nga Je̍sus, no umbe̍t nad manin.

Santiyagu 5:7

Dikad pe̍ dakayu nga kakabsat nga agpadpadaan iya umbe̍t niya Apu, siaanus kayu kuma ngas agingga nga umbe̍tin. Arig kayu kuma nga isa nga aglaplapug. Ta gapu ta napateg igina ya maapit na nad kuma, anusan na ya ag-agton iya timpu panagapit. Itonan na ngarud ya pabanac nga mangpatubu, se̍ ya timpu enneg nga mangpadackel, ket se̍ na nad apiten.

Santiyagu 5:8

Agten kayu kuma pe̍ iyan nga naanus. Pabilgen nu kuma ya panpanunut nu, ta nganngani yin ya umbe̍t niya Apu.

Paltiing 1:7

Lemlemtan nu yani, ta umbe̍t manin nge̍ Je̍sus nga male̍cbut ka ulep. Ket masingen nad met niya tunggal isa nga toley, agraman dito nangdoyoc igina. Ket berritan nad met diya toltoley nga uwed kadiya amin nga pagpagiliyan iya lubung ngi. Matungpal met nga tutu yan. Agten iyan ngarudin!

Paltiing 2:25

Yan nas ituluy nu nga sipapasnec dito nabaru nga wangwanglen nu, agingga nga umbe̍t tac iyan.

Paltiing 22:20

Ket ya nangipakaemmu iya kinapudnu maipanggep kadidi nga banbanag, kunen na, “Tutu met nga dagus sac nga umbe̍t iya di mabayagin!” kunen na met. Ket idi ya kunec: Agten iyan kuma ngarudin, ta umbe̍t ka kuma ngin, Apu Je̍sus!

Paltiing 22:7

“Dumngeg kayu!” kinunen ne̍ Apu Je̍sus. “Dagus sac ngarud nga umbe̍t iya di mabayagin! Itu nga pakaragsakan ngarud diya agtungpal kadiya paltiing nga nisurat mu iyan nga libru!” kunen na.

Paltiing 3:11

Ket iyaken, dagus sac mettin nga umbe̍t iya di mabayag. Itu nga alwadam ngarud nga nalaing diya nabaru nga uwed ikew, tasun awan makaagaw iya balangat mu nga pakaidayawam.