Juan 21:18 - Ya Baru nga Tulag

¹⁸ Ibagac ikew ya pudnu: Ito kabanbanwag mu, ikew nga mismu ya mangkawwes iya beggim, ket siwayawaya ka nga mawe̍ iya orey awac nga gabay mu nga pennan. Ngem tutu met nga no malakay kan, igaw-at mu nad ya imam, ket sabali ya mangkawwes ikew win. Ket mangge̍pe̍d nad pe̍ ikew win, nga ipen naka ka madi ka gabay nga pennan,” kunen na.

Juan 21:18 Iomraidhean Croise

Lukas 12:37

Ket maragsakan ngarud met diya tagabu, no madatngan niya amu da nga silulukag da. Ta pudnu met nga no agten iyan ya madatngan niya amu da, igina nga gennung ya agkawwes ka luput nga para wangel lin, nga arig nga tagabu, ket patugawen na diya tagabu na iya panganan. Ket igina mettasin ya agsirbi igidan.

Juan 13:36

Ket e̍ Simon Pe̍dru, nagsaludsud e̍ Je̍sus nga kinunen na, “Awac kadi ya pennam, Apu?” kunen na. Ket kinunen ne̍ Je̍sus igina, “Madi ka mabalin ya mipuyut iyaken ita iya kapennac. Ngem sumarunu ka nad mettas,” kunen na.

Juan 21:17

Ket ya kapame̍tlu na, kinunen ne̍ Je̍sus e̍ Pe̍dru, “Simon nga anac ne̍ Juan, patpatgen nac kadi?” kunen na. Ket linumdaang ngarudin nge̍ Pe̍dru gapu ta sinaludsud ne̍ Je̍sus igina iya kapame̍tlu no patpatgen na. Dikad pe̍ kinunen ne̍ Pe̍dru, “Ay, emmum ngarud diya amin, Apu, ket emmum met nga patpatgen naka!” kunen na. Ket kinunen ne̍ Je̍sus igina manin, “Dikad pe̍ istimarem ngarud diya arig nga karne̍ruc, a.

Juan 21:19

Ket kinagi ne̍ Je̍sus yan tasun ipakaemmu na no kumaan niya pannakatey ne̍ Pe̍dru. Ket pakaidayawan met pe̍ ne̍ Apu Diyus ya pannakatey ne̍ Pe̍dru. Ket to nodi nga kinunen ne̍ Je̍sus e̍ Pe̍dru itun, ket, “Suruten nac ngarudin,” kunen na.

Aramid 21:11

Ket ito nakadateng ito edyan mi, nimet na ya barikes ne̍ Pablu. Pinungu na diya bukud na nga saka se̍ diya ima na, se̍ na kinunen, “Ya Ispiritu Santu, kunen na nga ya akin-kuwa iya barikes nga idi, igina nad ya punguwen diya Hudyu ka He̍rusale̍m, nga agten iya pannakapungu diya sakac se̍ imac ki. Ket iyawat da nad pe̍ kadiya bekken nga Hudyu,” kunen na.

2 Kurintu 5:4

Ta bayat niya kauwed tida pekkem idi nga naiyarig nga bawi niya biyag tida, agrigrigat tida pekkem. Matoran tida ngarud, ngem bekken nga ya pannakaipac didi nga beggi tida ya tartarigagayan tida, no di lugud ya pannakasukat da ka kabarbaru, tasun didi nga beggi tida nga uwed pannakatey na, masukatan ka beggi nga agbiyag ka agnanayun.