Juan 21:17 - Ya Baru nga Tulag

¹⁷ Ket ya kapame̍tlu na, kinunen ne̍ Je̍sus e̍ Pe̍dru, “Simon nga anac ne̍ Juan, patpatgen nac kadi?” kunen na. Ket linumdaang ngarudin nge̍ Pe̍dru gapu ta sinaludsud ne̍ Je̍sus igina iya kapame̍tlu no patpatgen na. Dikad pe̍ kinunen ne̍ Pe̍dru, “Ay, emmum ngarud diya amin, Apu, ket emmum met nga patpatgen naka!” kunen na. Ket kinunen ne̍ Je̍sus igina manin, “Dikad pe̍ istimarem ngarud diya arig nga karne̍ruc, a.

Juan 21:17 Iomraidhean Croise

Matyu 25:40

“Ket kunen nad niya Ari igida, ‘Kinapudnu na, ito tinulungan nu ya orey isa kadiya agten kadiyan nga kanumuwan nga kakabsat ku, ket naibilang nga iyaken mettas ya tinulungan nu,’ kunen nad niya Ari.

Markus 14:72

Ket pag-isu met nga uwed maikadduwa nga nagtaraut nga kawitanin. Ket nalagip ngarudin ne̍ Pe̍dru to nibaga ne̍ Je̍sus igina itun nga, “Sacbay niya maikadduwa nga panagtataraut diya kawitan, ket name̍tlu nac nad met nga nilibac kin.” Ket ito nalagip ne̍ Pe̍dru yanin, nagberberrit met nga tutu win.

Juan 12:8

Mayat met ya winangel na, ta no diya napanglaw, pe̍yeng nga uwed da nga makibulubulun dakayu. Ngem iyaken nga gennung, bekken nga agnanayun ya pannakibulubulun ku dakayu idi,” kunen na.

Juan 13:38

Ket e̍ Je̍sus, kinunen na, “Sisasagana ka kad nga tutu nga matey para iyaken? Kinapudnu na, no deddan, sacbay niya panagtataraut diya kawitan no parbangun, name̍tlu nac nad met nga nilibac kin,” kunen na.

Juan 14:15

Ket nituluy ne̍ Je̍sus, nga kinunen na, “No tutu nga ayaten dac, tungpalen nu ngarud diya bilin ku.

Juan 15:10

No agtungpal kayu kadiya bilin ku, silalagip kayu met nga pe̍yeng ngin iya panagayat ku dakayu, nga agten mettas ito panangtungpal ku kadiya bilin niya Amac. Ket iya agten iyan, silalagip pac met pe̍ iya ayat na.

Juan 16:30

Ket iya agten iyanin, nalawag dakami itan nga emmum ya amin, ta orey awan pekkem agsaludsud ikew, emmum met nga sigudin ya saludsud da. Ket itu ya pangpatiyan min nga naggayat ka nga tutu e̍ Apu Diyus,” kunen da.

Juan 18:27

Ngem naglibac manin nge̍ Pe̍dru, ket pag-isu nga nagtaraut mettin ya isa nga kawitan.

Juan 18:4

Ket gapu ta emmu ne̍ Je̍sus nga sigud diya amin nga mapasamac igina, simangu nga nangsabet igida, ket kinunen ne̍ Je̍sus igida, “Nagan ya sapsapulen nu?” kunen na.

Juan 21:18

Ibagac ikew ya pudnu: Ito kabanbanwag mu, ikew nga mismu ya mangkawwes iya beggim, ket siwayawaya ka nga mawe̍ iya orey awac nga gabay mu nga pennan. Ngem tutu met nga no malakay kan, igaw-at mu nad ya imam, ket sabali ya mangkawwes ikew win. Ket mangge̍pe̍d nad pe̍ ikew win, nga ipen naka ka madi ka gabay nga pennan,” kunen na.

Juan 4:16

Ket kinunen manin ne̍ Je̍sus igina, “Mawe̍ ka alac ya asawam, ta e̍lbe̍t mu idi,” kunen na.

Aramid 1:24

Dikad pe̍ nagkararag da nga kinunen da, “Apu, emmum met ya uwed iya lemlemmet diya amin nga toley. Itu nga ipakaemmum kuma no nagan kadidi nga duwa ya pinilim,

Aramid 11:10

Ket name̍tlu nga naariman ya agten iyan, ket kalpasan na, naipangatu ya amin ka langitin.

Aramid 15:8

Ket e̍ Apu Diyus nga makailasin iya panpanunut diya toley, nipasingen na met ya panangannamung na kadito bekken nga Hudyu, ito nipabulun na ya Ispiritu Santu igida nga agten pe̍ dactida itun.

2 Kurintu 1:12

Agtalged kami ngarud gapu kadiya panangikararag nu dakami. Ket natalna ngas ya nakem mi, ta emmu mi nga napaw-is ya ugali mi iya imatang diya toltoley, se̍ nangruna ya pannakibulun mi dakayu. Ta diyan nas gabay ne̍ Apu Diyus diya winangwangel mi, agten kadiya nalinteg se̍ napudnu. Ket ya panagtungpal mi kadiyan nga gabay ne̍ Apu Diyus, bekken nga sigun iya kinasirib niya kinatoley mi, no di lugud gapu mettas iya sirib nga ikaasi ne̍ Apu Diyus nga siaayat dakami.

E̍pe̍su 4:30

Ket se̍ madi nu kuma ngarud paldaangan ya Ispiritu Santu. Igina mettas ya Ispiritu ne̍ Apu Diyus nga arig nga marka nga mangpatalged dakayu maipanggep iya timpu nad nga panangipawayawaya ne̍ Apu Diyus dakayu.

1 Pe̍dru 1:6

Ket gapu idi nga panangaywan ne̍ Apu Diyus dakayu, agragsac kayu ngarud, orey no uwed maar-ariman pe̍ dakayu ita nga timpu nga e̍teng nga panagsagaba nu gapu kadiya nadumaduma nga pakaparparigatan nu.

2 Pe̍dru 3:1

Idi nga surat, itu ya maikadduwa nga surat nga nisurat ku dakayu nga patpatgec. Ket agpada met ya panggep nidi nga surat ku se̍ ito nona. Ta padasec manin ya mangalayu dakayu iya napudnu nga nakem, gapu iya panangipalagip ku dakayu.

Paltiing 2:23

Ket diya pasurut na, nga maiyarig ka an-anac na, dusaec da nad met pe̍ nga patayen. Ket iya agten iyan, maemmuwan diya amin nga bungbungguy diya mamati nga iyaken met ya mangsukimat iya lemlemmet se̍ tartarigagay diya toley. Ket supapakac ngarud ya tunggal isa dakayu, sigun iya winangel nu.

Paltiing 3:19

Ket maemmuwam kuma nga balakadac se̍ palinteggec met diya ay-ayatec. Dikad pe̍ agpasnec ka kuma ngarud, ket ibabawi mun diya basbasul mu.