Juan 21:16 - Ya Baru nga Tulag

¹⁶ Ket pine̍dwa ne̍ Je̍sus nga sinaludsud e̍ Pe̍dru nga kinunen na manin, “Simon nga anac ne̍ Juan, ay-ayaten nac kadi?” kunen na. Ket kinunen manin ne̍ Pe̍dru, “Bo, Apu. Emmum met nga patpatgen naka,” kunen na. Ket kinunen ne̍ Je̍sus igina, “No agten iyan, aywanam ngarud diya arig nga karne̍ruc,” kunen na manin.

Juan 21:16 Iomraidhean Croise

Matyu 2:6

‘Dakayu nga iBe̍tle̍he̍m iyan nga ginet ka Huda, bekken nga nababbaba ya dayaw nu ngem kadiya naturay nga siyudad niya Huda. Ta Be̍tle̍he̍m nad met ya pagtaudan niya mangituray nga mangidalan kadiya toley ku nga Israe̍lita,’ kunen na,” kunen da.

Matyu 25:32

Ket maipasangu nad igina diya toltoley nga gayat kadiya amin nga pagpagiliyan iya lubung. Ket pagsisibnaen na nad da nga arig nga isa nga agay-aywan nga mangisibna kadiya karne̍ru kadiya kalding.

Matyu 26:72

Ngem naglibac manin nge̍ Pe̍dru, nga nagsapata mettin nga kinunen na, “Madic met em-emmu yan nga toley!” kunen na.

Lukas 19:10

Tutu met yan, ta ya Anac nga Naipatoley, inumbe̍t met tasun sapulen se̍ isalakan na diya napukaw,” kunen na.

Juan 18:17

Ket to babey nga agbanbantay iya ruwangan, kinunen na e̍ Pe̍dru, “Di met ikew pe̍ ya isa kadiya adalan niyan nga toley?” kunen na. “Siyac, bekken!” kunen met ne̍ Pe̍dru.

Juan 18:25

Ket e̍ Simon Pe̍dru, agsisikad pekkem itun enna emwag nga agin-inudu. Ket uwed duduma ennan nga kinunen da igina, “Di met isa ka pe̍ kadiya adalan nituni nga toley?” kunen da. Ngem nilibac manin ne̍ Pe̍dru, nga kinunen na, “Ahah, bekken met!” kunen na.

Juan 21:17

Ket ya kapame̍tlu na, kinunen ne̍ Je̍sus e̍ Pe̍dru, “Simon nga anac ne̍ Juan, patpatgen nac kadi?” kunen na. Ket linumdaang ngarudin nge̍ Pe̍dru gapu ta sinaludsud ne̍ Je̍sus igina iya kapame̍tlu no patpatgen na. Dikad pe̍ kinunen ne̍ Pe̍dru, “Ay, emmum ngarud diya amin, Apu, ket emmum met nga patpatgen naka!” kunen na. Ket kinunen ne̍ Je̍sus igina manin, “Dikad pe̍ istimarem ngarud diya arig nga karne̍ruc, a.

Aramid 20:28

“Dikad pe̍ ita, dakayu nga panglakayen, agannad kayu nga tunggal isa, se̍ siputan nu pe̍ diya amin nga mamati nga nitalec niya Ispiritu Santu dakayu iya tunggal bungguy nu. Aywanan nu da nga nalaing, ta bukud ne̍ Apu Diyus da nga arig nga ngininaan na da iya daga niya Anac na.

He̍briyu 13:20

Ket e̍ Apu Diyus nga mange̍cde̍ ka talna, igina ya pagkararagac maipanggep dakayu. Igina met ya nangpagungar iya Apu tida nga Je̍sus itun. Ket e̍ Apu Je̍sus, igina met ya nagbalin nga Katurayan nga Agay-aywan dactida nga naibilang nga karne̍ru na. Nagbalin ngarud nge̍ Apu Je̍sus nga agten iyan gapu ito naiyayus nga daga na nga nangpatalged iya agnanayun nga tulag ne̍ Apu Diyus dactida.

1 Pe̍dru 2:25

Ta itun, arig kayu nga karne̍ru nga naitewtew. Ngem ita, napasoli kayun iya Agay-aywan dakayu nga Agistimar dakayun.

1 Pe̍dru 5:2

Ket idi ya ibagac dakayu nga panglakayen: Aywanan nu kuma ngarud diya bungguy ne̍ Apu Diyus nga naitalec dakayu, ngem bekken kuma nga gapu ta mapilit kayu iya panangaywan nu, no di lugud disnudu nu kuma ngin, nga maikanatad iya gabay ne̍ Apu Diyus. Se̍ ya panangaywan nu igida, bekken kuma nga siaagum kayu tasun matangdanan kayu kuma, no di lugud gapu iya pudnu nga tarigagay nu nga agsirbi.

Paltiing 7:17

Ta ya Urbun Karne̍ru nga uwed iya sangu niya trunu, igina met ya agay-aywan igidan, ket iturung na da ka arig nga ubbug nga mange̍cde̍ ka biyag. Ket liwliwaen ne̍ Apu Diyus da, tasun awan pulus agberberrit igidan,” kunen na.