Juan 20:21 - Ya Baru nga Tulag

²¹ Ket inulit ne̍ Je̍sus nga kinunen na igida, “Talna kuma ya uwed dakayu.” Ket kinunen na pe̍, “No kumaan nito panangibon niya Ama iyaken, ket agten met pe̍ iyan ya panangibon ku dakayun,” kunen na.

Juan 20:21 Iomraidhean Croise

Matyu 10:16

“Ket ita, ya panangibon ku dakayu, ket arig mettas nga uwed karne̍ru nga iturung ku iya edyan diya atap nga asu nga nauyung. Itu nga agsalsalingag kayu kuma ngarud nga arig nga malaga, se̍ nanacman kayu kuma pe̍ nga arig nga kalapati.

Matyu 10:40

“Ket ya mangrispitar dakayu, maibilang nga iyaken mettas ya rispitaren na. Ket iya agten iyan, ya mangrispitar iyaken, rispitaren na met pe̍ ya nangibon iyaken.

Lukas 24:36

Ket ito madama da pekkem nga mangis-istorya iyan, nagparang met nge̍ Je̍sus, nga gasisikadin iya nagtetengngaan da. Ket kimablaaw ngarud igida nga kinunen na, “Talna kuma ya uwed dakayu,” kunen na.

Juan 13:20

“Pudnu met yani nga ibagac dakayu: Ya umawat iya ibon ku, maibilang nga iyaken mettas ya awaten na. Ket iya agten iyan, ya umawat iyaken, awaten na met pe̍ ya nangibon iyaken,” kunen na.

Juan 14:27

“Talna ya ibatic dakayu. Ket idi nga kinatalna nga ipaay ku dakayu, itu ya talna nga tumaud mettas iyaken. Ket yani nga ipaay ku dakayu, sabali iya ipaay diya uwed iya lubung. Dikad pe̍ madi kayu kuma ngarud madanagan winno masikuranin, se̍ madi kayu mansing.

Juan 20:19

Ito gumabi yin iyan mettas nga algew Duminggu, uwed dito adalan nga siuurnung iya isa nga edyan. Ket nalacweddan diya gagayangan niyan nga baley, gapu ta mansing da kadito pangpangulu diya Hudyu. Ket pagamwan da, inumbe̍t met nge̍ Je̍sus, nga gasisikadin ito nagtetengngaan da. Ket kinunen na ngarud igida, “Talna kuma ya uwed dakayu,” kunen na,

Juan 20:22

Ket ito nakagi na yanin, imanges nga inasngawan na da, ket kinunen na, “Awaten nu ya Ispiritu Santu.

Juan 20:26

Ket ito kalpasan makaduminggu, naguurnung manin dito adalan iya uneg niyan nga baley, ket kabulun da nge̍ Tumasin. Nalacweddan diya gagayangan, ngem inumbe̍t latta nge̍ Je̍sus, ket nagsikad manin iya nagtetengngaan da. Ket kinunen na, “Talna kuma ya uwed dakayu,” kunen na.

Juan 3:17

Ta nibon ne̍ Apu Diyus ya Anac na idi nga lubung tasun maisalakan kuma diya toley gapu igina, nga bekken nga tasun ukumen na da.

Aramid 1:2

patingga ito pannakaipangudu na ka langit. Ket sacbay nga naipangudu ka langit, uwed bilbilin nga nibilin na kadito pinili na nga apustule̍s na, ket nibilin na didi gapu iya panangidalan niya Ispiritu Santu igina.

Aramid 1:8

Ngem dito banbanag nga kinagic se̍ winangel ku, ket emmu nu dan. Ket no umbe̍t nad dakayu ya Ispiritu Santu, paturedden nakayu nad gapu iya pannakabalin na, tasun mangipakaemmu kayu iya kinapudnu maipanggep iyaken. Mangipakaemmu kayu nad ennid He̍rusale̍m, se̍ iya amin nga prubinsiya nga Hudya ngi, se̍ enna prubinsiya nga Samarya, se̍ orey pe̍ iya amin nga lubung,” kunen na.

2 Timutyu 2:2

Ket amin dito nagicnam nga nisuruc kadito adu nga naggigicna itun, ipakaemmum pe̍ yin nga italec kadiya toley nga mapagtalkan. Ket igida ya makabalin nga mangisuru nad pe̍ kadiya duduma.

He̍briyu 3:1

Itu nga dakayu nga kakabsat nga pinili ne̍ Apu Diyus nga toley na se̍ kabulun mi nga maipaayan ka nailangitan nga saad, ut-utuben nu kuma ya maipanggep e̍ Je̍sus. Ta igina met ya nibon ne̍ Apu Diyus nga arig nga apustul, se̍ igina pe̍ ya tutu nga Kangatuwan nga Agsirsirbi nga mangibegbeggi iya pammati tida.

3 Juan 1:14

Ta namnamaec nga agsingen ta iya di mabayagin, ket itu nad ya panagam-amlang tan.