Juan 20:2 - Ya Baru nga Tulag

² Dikad pe̍ to Marya, nanagtag nga nawe̍ iya edyan ne̍ Simon Pe̍dru se̍ to adalan nga dinungdungngu ne̍ Je̍sus, ket kinunen na igida, “Nimet da met gayam ya Apu iya nakaitamennan na, ket madi kami emmu ya nangipennan da iginan,” kunen na.

Juan 20:2 Iomraidhean Croise

Juan 13:23

Ket uwed iya abay ne̍ Je̍sus ya dinungdungngu na nga adalan, nga nagse̍rse̍rig igina.

Juan 19:26

Ket e̍ Je̍sus, ito nasingen na nge̍ ina na se̍ to adalan nga dinungdungngu na nga agsisikad antuni, kinunen na ito ina na, “Inang, kad yan ya anac mun.”

Juan 20:13

Ket kinunen met dito anghe̍le̍s e̍ Marya, “Ape̍ agberberrit ka, kabsat?” Ket kinunen ne̍ Marya igida, “Nimet da ngamin ya Apuc, ket madic met emmu ya nangipennan da iginan,” kunen na.

Juan 20:15

Ket kinunen ne̍ Je̍sus igina, “Ape̍ agberberrit ka, kabsat? Nagan ya sapsapulem?” kunen na. Ket e̍ Marya, gapu ta pagarup na no igina ya agay-aywan ito minuyungan, kinunen na igina, “Ay, pangngaasim apu, no ikew ya nangiyalis ito bangkay na, ibagam kay ya nangipayam, ta mawe̍ yac alaken,” kunen na.

Juan 20:9

Ngem madi da pekkem naawatan itun ya banag dito naisurat iya Bibliya maipanggep e̍ Je̍sus nga masapul nga agungar.

Juan 21:20

Ket itun, limaw-ing nge̍ Pe̍dru, ket nadlaw na to adalan nga dinungdungngu ne̍ Je̍sus nga mip-ipuyut igidan. Igina yan to adalan nga nagse̍rig e̍ Je̍sus ito pananggidam da itun, ito sinaludsud na iya Apu no nagan ya mangiyawat igina.

Juan 21:24

Ket tun nga adalan, ket igina mettas ya mangipakaemmu win iya kinapudnu maipanggep kadiyan nga banbanag, se̍ ya nangisurat pe̍ kadiyan. Ket dakami, emmu mi nga pudnu met yani nga panangipakaemmuc.

Juan 21:7

Ket to adalan nga dinungdungngu ne̍ Je̍sus, kinunen na ngarud e̍ Pe̍dru win, “E̍ Apu met tuni!” kunen na. Ket to Simon Pe̍dru, ito nagicna na nga ya Apu to agsisikad antuni, dagus nga nagluputin, ta siuuba met itun, se̍ limatuc iya danum nga agpagacdangin.