Juan 20:19 - Ya Baru nga Tulag

¹⁹ Ito gumabi yin iyan mettas nga algew Duminggu, uwed dito adalan nga siuurnung iya isa nga edyan. Ket nalacweddan diya gagayangan niyan nga baley, gapu ta mansing da kadito pangpangulu diya Hudyu. Ket pagamwan da, inumbe̍t met nge̍ Je̍sus, nga gasisikadin ito nagtetengngaan da. Ket kinunen na ngarud igida, “Talna kuma ya uwed dakayu,” kunen na,

Juan 20:19 Iomraidhean Croise

Matyu 10:13

Ket no tutu nga rumbeng diya bumaley iya kablaaw nu, maipaay kuma ngarud igida ya talna nga nikablaaw nu. Ngem no bekken da nga rumbeng, ket dakayu was met ya pakaipaayan niyan nga talna ngin.

Matyu 18:20

Ta no uwed orey duwa winno tellu nga agtitipun nga sidadayaw gapu iyaken, uwed dac pe̍ iyan nga pagtitipunan da,” kunen na.

Markus 16:14

Ket itun, nagpasingen pe̍ nge̍ Je̍sus kadito sangapulu ket isa nga adalan na, ito nagsasangu da nga mangmangan. Ket dinanengdengngan na da ngarud gapu ta di da gabay ya mamati, se̍ gapu ta nasukir da. Ta madi da met namati iya kagi dito nakasingen igina kalpasan nito panagungar na.

Juan 14:27

“Talna ya ibatic dakayu. Ket idi nga kinatalna nga ipaay ku dakayu, itu ya talna nga tumaud mettas iyaken. Ket yani nga ipaay ku dakayu, sabali iya ipaay diya uwed iya lubung. Dikad pe̍ madi kayu kuma ngarud madanagan winno masikuranin, se̍ madi kayu mansing.

Juan 16:22

Ket agten kayu met pe̍ iyan, ta uwed leddaang nu ita. Ngem agsisingen tida nad manin, ket aganggem kayu nad ngarudin. Ket awan makaipac nad iyan nga anggem nun.”

Juan 16:33

“Nibagac didi dakayu ita, tasun gapu nad mettas iya panamati nu iyaken, uwed pekkem talna nu. Ta idi nga lubung, maparigatan kayu was met. Ngem agtalged kayu lugud, ta iyaken, inabac kun ya kinadake̍c nga uwed idi nga lubung!” kunen ne̍ Je̍sus.

Juan 20:21

Ket inulit ne̍ Je̍sus nga kinunen na igida, “Talna kuma ya uwed dakayu.” Ket kinunen na pe̍, “No kumaan nito panangibon niya Ama iyaken, ket agten met pe̍ iyan ya panangibon ku dakayun,” kunen na.

Juan 20:26

Ket ito kalpasan makaduminggu, naguurnung manin dito adalan iya uneg niyan nga baley, ket kabulun da nge̍ Tumasin. Nalacweddan diya gagayangan, ngem inumbe̍t latta nge̍ Je̍sus, ket nagsikad manin iya nagtetengngaan da. Ket kinunen na, “Talna kuma ya uwed dakayu,” kunen na.

Juan 21:1

Iya name̍nsan, kalpasan nito panagpasingen ne̍ Je̍sus kade̍ Tumas, nagpasingen manin igida nga adalan na enna baybay ka Galilya nga maawagan pe̍ ka Baybay nga Tibe̍riyas. Ket agten idi to panagpasingen na igida:

Juan 21:14

Itu yan ya maikatlu nga panagpasingen ne̍ Je̍sus kadito adalan na kalpasan nito pannakapagungar na.

Juan 7:13

Ngem gapu iya ansing diya toltoley kadito Hudyu nga pangpangulu da, madi da nipagicna ya panagkagkagi da maipanggep e̍ Je̍sus.

Aramid 1:3

Kalpasan nito pannakatey na, nagpaspasingen nge̍ Je̍sus igida ka unus eppat nga pulu nga algew, ket adu diya pammanecnec na tasun mapanecnekkan da nga tutu nga nagungarin. Nasingen da ngarud nge̍ Je̍sus, ket nilawlawag na igida ya maipanggep iya panangituray ne̍ Apu Diyus.

Ruma 15:33

Sapay kuma ta uwed dakayu nga amin nge̍ Apu Diyus nga mangpatalna. Agten iyan kuma.

1 Kurintu 15:5

Ket ito name̍nsan nga algew itun, nagpasingen e̍ Pe̍dru. Se̍ ito name̍nsan manin, nagpasingen manin ito bungguy nito sangapulu ket duwa nga apustule̍s.

E̍pe̍su 2:14

Ta e̍ Kristu met ya nangpatunus kadiya Hudyu se̍ bekken nga Hudyu. Ta pinagbalin nactida nga is-isa nga bungguy nan, ito nipac na to panaggiginnura tida nga arig nga sirra nga nangpasina dactida itun.

E̍pe̍su 6:23

Sapay kuma ta uwed kadiya amin nga kakabsat ku ka pammati ya panagtutunus se̍ panagayat nga kabulun niya panamati da, nga itu diya ipaay ne̍ Apu Diyus nga Ama se̍ e̍ Apu Je̍su Kristu.

Pilipus 1:2

Sapay kuma ta uwed dakayu ya siaayat nga asi, se̍ talna, nga gayat e̍ Apu Diyus nga Ama tida, se̍ e̍ Apu Je̍su Kristu.

2 Te̍salunika 3:16

Sapay kuma ta ya Apu mettas nga paggayatan niya talna, e̍cdan nakayu kuma ka talna iya amin nga timpu se̍ iya amin nga kasasaad. Sapay kuma ta ya Apu ya uwed dakayu nga amin.

He̍briyu 7:2

Ket to Abraham, ne̍cde̍ na met ito Me̍lkise̍de̍c ya apagkapullu nito amin nga inalac na kadito nakigubgubatan na itun. Ket ya nagan nga Me̍lkise̍de̍c, kagi He̍briyu, nga kayat na nga kagiyen, “Ari nga Mangpalinteg.” Ket to Me̍lkise̍de̍c, mabalin pe̍ nga maawagan ka “Ari nga Mangpatalna”, ta ya ili nga Sale̍m met to pagariyan na, ket “talna” ya kaipapennan niya kagi nga Sale̍m.

3 Juan 1:14

Ta namnamaec nga agsingen ta iya di mabayagin, ket itu nad ya panagam-amlang tan.

Paltiing 1:4

Iyaken nga Juan ya agsurat dakayu nga pitu nga bungguy diya mamati iya prubinsiya nga Asiya. Sapay kuma ta uwed dakayu ya siaayat nga asi, se̍ talna, nga gayat e̍ Apu Diyus, nga igina ya uwed ita, uwed itun, se̍ ya umbe̍t nad pekkem. Ket yan nga siaayat nga asi, se̍ talna, gayat met pe̍ iya agkapitu nga Ispiritu nga uwed iya sangu niya trunu nga pagturayan mettas ne̍ Apu Diyus,