Juan 2:19 - Ya Baru nga Tulag

¹⁹ Ket nisungbat ne̍ Je̍sus nga kinunen na, “Lasangen nu yani nga pagdaydayawan e̍ Apu Diyus, ket bangunec mettas ka unus tellu nga algew,” kunen na.

Juan 2:19 Iomraidhean Croise

Matyu 12:40

Ta to Hunas, ket nagedyan iya bessug nito dackel nga lames ka unus tellu nga algew se̍ gabi. Ket agten met pe̍ iyan, nga ya Anac nga Naipatoley, agedyan nad iya uneg niya ginet ka tellu nga algew se̍ gabi.

Matyu 16:21

Ket manipud itunin, nipalpalawag ne̍ Je̍sus kadito adalan na nga masapul nga mawe̍ ka He̍rusale̍m. Ket antuni, aglak-am nad kanu ka adu nga rigat gapu kadito panglakayen se̍ dito pangpangulu diya agsirsirbi iya Te̍mplu se̍ dito manursuru iya Linteg. Masapul nad met pe̍ nga mapatey, ket mapaungar nad mettas iya maikatlu nga algew.

Matyu 27:40

“Se̍pe̍ ikew met to nangibaga nga lasangem ya Te̍mplu se̍ ka mettas bangunen manin ka unus tellu nga algew! No agten iyan ya pannakabalin mu, isalakan mu man ngarud ya beggi mun! No tutu nga anac naka nge̍ Apu Diyus, umulug ka ngarud iyan nga krusin!” kunen da.

Matyu 27:63

Ket kinunen da, “Apu, malagip mi nga ito sibibiyag pekkem to mangal-allilaw nga toley, kinunen na nga, ‘Kalpasan nad niya tellu nga algew, agungar rac,’ kunen na met itun.

Markus 14:58

“Nagicna mi nga kinunen na nga agten idi: ‘Lasangec nad ya Te̍mplu nga pinatdec toley, ket ka unus tellu nga algew, bangunec ya sabali, nga bekken nga inariman toley,’ kunen na met,” kunen da.

Markus 15:29

Ket diya toley nga timaltalib iyan, nagwingwingiwing da met nga siuuyaw, nga kinunen da e̍ Je̍sus, “Asey! Se̍pe̍ ikew met to nangibaga nga lasangem ya Te̍mplu se̍ ka mettas bangunen manin ka unus tellu nga algew!

Markus 8:31

Ket nisursuru met ne̍ Je̍sus itun kadito adalan na ya maipanggep iya Anac nga Naipatoley, nga masapul nga aglak-am ka adu nga rigat. Masapul nga guraen nad pe̍ diya panglakayen diya Hudyu, se̍ diya pangulu diya agsirsirbi iya Te̍mplu, se̍ diya manursuru iya Linteg. Masapul nga mapatey nad met pe̍, ket agungar mettas kalpasan niya tellu nga algew.

Juan 11:25

Ket kinunen ne̍ Je̍sus igina, “Iyaken mettas ya mangpaungar se̍ mange̍cde̍ ka biyag. Dikad pe̍ ya mamati iyaken, orey no matey, agbiyag nad mettas.

Juan 5:19

Itu nga kinunen ne̍ Je̍sus kadito pangpangulu diya Hudyu, “Pudnu met yani nga ibagac dakayu: Awan mawangel niya Anac nga bucbukud na. Ya masingen na nga wangwanglen niya Ama na, itu ngas ya mawangel na. Ta ya orey nagan na nga wanglen niya Ama, itu met ya tuladen niya Anac.

Aramid 2:24

Ngem pinagungar met ne̍ Apu Diyus nge̍ Je̍sus, nga winayawayaan nan iya pannakabalin niya patey, ta madi ngarud mabalin nga abaken niya patey nge̍ Je̍sus.

Aramid 2:32

Maipanggep ngarud e̍ Je̍sus mettas dito kinagi nito Ari Dabid itun. Ket amin mi, masacsiyan mi nga pinagungar ngarud ne̍ Apu Diyus nge̍ Je̍sus.

Aramid 3:15

Ket iya agten iyan, nipapatey nu met ya pagtaudan niya biyag. Ngem pinagungar mettas ne̍ Apu Diyus. Ket dakami, nasacsiyan mi met yan.

Aramid 3:26

Itu nga dactida nga Hudyu ya nona nga nangibonan ne̍ Apu Diyus e̍ Je̍sus nga eb-ebbonen na, tasun matulungan nactida nga amin, nga pagbabawiyen na ya tunggal isa dactida kadiya dake̍c nga wangwangel tida.” Amin diyan, kinagi ne̍ Pe̍dru itun.

Aramid 6:14

Ta nagicna mi met nga kinagi na nga e̍ Je̍sus nga iNasare̍t, pirdiyen na kanu ya Te̍mplu. Se̍ kunen na pe̍ nga sukatan kanu nito Je̍sus diya ug-ugali nga nipatawid ne̍ Muyse̍s dactida,” kunen da.

Ruma 4:24

Ta naisurat nga agpaay met pe̍ dactida, ata maibilang tida met pe̍ nga nalinteg no mamati tida e̍ Apu Diyus, nga igina ngarud ya nangpaungar e̍ Je̍sus nga Apu tida.

Ruma 6:4

Ngarud, ito nabautisaran tida, naipasingen nga naibilang tidan nga arig nga naitamen pe̍ nga nairaman igina gapu iya pannakairaman tida ito pannakatey na. Ket nairaman tida ngarud ito pannakatey na tasun agbiyag tida kuma sigun iya kabarbaru nga biyag, nga agten pe̍ ito biyag ne̍ Kristu nga napagungar gapu iya nadayaw nga pannakabalin niya Ama.

Ruma 8:11

E̍ Apu Diyus met ya nangpagungar e̍ Kristu Je̍sus ito pannakatey na. Ket no agedyan dakayu ya Ispiritu ne̍ Apu Diyus, biyagen nad ngarud pe̍ ne̍ Apu Diyus diya beggi nu, gapu iya Ispiritu na nga makibulubulun dakayun, orey uwed pannakatey diya beggi nu.

1 Kurintu 15:12

Ket ikasaba mi ngarud ya pannakapagungar ne̍ Kristu, ngem ape̍ kadi nga uwed met duduma dakayu nga agkunen nga madi kanu agungar diya natey?

Kulusas 2:12

Ket itu ngarud ya kaipapennan niya panagbautisar nu, ta naibilang kayu nga kabulun ne̍ Kristu ito pannakaitamen na. Ket pakaiyarigan na pe̍ ya pannakaibulun nu ito pannakapaungar na, gapu mettas iya panamati nu ito inariman ne̍ Apu Diyus, ta igina met ya nangpaungar e̍ Kristu.

1 Pe̍dru 3:18

Ket agten pe̍ iyan nge̍ Kristu. Ta igina, natey met nga nam-ame̍nsan itun nga naipaay kadiya basbasul, ket kustu win para iya amin nga timpu. Orey awan basul na, natey met para dactida nga toley nga sibabasul, tasun iyadenni nactida e̍ Apu Diyus. Ket tutu met, ata gapu iya beggi na, ket natey. Ngem gapu iya Ispiritu, napabiyag.