Juan 2:18 - Ya Baru nga Tulag

¹⁸ Ket itun, gapu ito winangel ne̍ Je̍sus iya Te̍mplu, kinunen diya pangpangulu diya Hudyu igina, “Nagan kad ya maipasingem nga pagilasinan, tasun ipanecnec mu dakami ya kalinteggam nga mangariman idi?” kunen da.

Juan 2:18 Iomraidhean Croise

Matyu 21:23

Ket nawe̍ nge̍ Je̍sus enna Te̍mplu. Ket ito madama nga mangisursuru win, nawe̍ ito edyan na dito pangulu diya agsirsirbi iya Te̍mplu se̍ dito panglakayen diya Hudyu. Ket nagsaludsud da e̍ Je̍sus, nga kinunen da, “Awac ngarud ya naggayatan niya turay mu nga agariman kadiya ar-arimanem? Nagan ya nange̍cde̍ ikew iyan nga turay mu?” kunen da.

Markus 8:11

Ket uwed da itun Parisiyu nga nawe̍ iya edyan ne̍ Je̍sus, ket nakidiskutir da igina. Gabay da no mangariman kuma nge̍ Je̍sus ka pagilasinan gapu ka pannakabalin nga gayat e̍ Apu Diyus. Agten iyan to inadeng da, ta gabay da nga sintiren.

Lukas 11:29

Ket imad-adu diya toltoley nga dimarinup e̍ Je̍sus itun, ket nituluy na ya nagkagi, nga kinunen na, “Diya toltoley ita nga timpu, dake̍c mettin diya nakem da, ta agsapsapul da ka pagilasinan da! Ngem awan lugud maipasingen igida malacsid ngas ito pagilasinan maipanggep ito mammadtu nga Hunas.

Juan 1:19

Ket agten idi ya panangipakaemmu nito Juan maipanggep e̍ Je̍sus itun: Iya name̍nsan, uwed da agsirsirbi iya Te̍mplu se̍ katulungan iya Te̍mplu nga kapututan nito Le̍bi, nga nawe̍ da ito edyan nito Juan, nga gayat da ka He̍rusale̍m. Nibon diya pangpangulu diya Hudyu didi nga agsirsirbi se̍ katulungan, nga mawe̍ da kanu agsaludsud ito Juan no igina ya Kristu.

Juan 1:25

Ket nagsaludsud da manin ito Juan nga kinunen da, “No bekken nga ikew ya Kristu, winno to E̍lyas, winno ya naikari nga Mammadtu, ape̍ ngarud nga mamautisar ka?” kunen da.

Juan 6:30

Dikad pe̍ kinunen dito toley igina, “No agten iyan, nagan ngarud ya maipasingem nga pagilasinan, tasun no masingen mi, ket mamati kami ikew? Nagan ya mawangel mu?

Aramid 4:7

Pinagsikad da de̍ Pe̍dru nge̍ Juan iya sangu da, se̍ da sinaludsud da no kumaan niya namaay da nga nangpabileg ito lugpi, nga kinunen da, “Nagan ya nange̍cde̍ iya turay nu? Kin-pannakabalin iya inusar nu?” kunen da.

Aramid 5:28

“Pinaritan mi met ya panagisuru nu maipanggep iya kinaturay ne̍ Je̍susin. Ape̍ nga niwaragawag nu manin ya sursuru maipanggep igina kadiya amin nga toltoley idi nga He̍rusale̍m? Se̍ bekken nas nga iyan, ta dakami met ya panggep nu nga pabasulen iya pannakatey na,” kunen na.