Juan 2:16 - Ya Baru nga Tulag

¹⁶ Ket binilin na dito aglaclaku ka kalapati, nga kinunen na, “Iruwar nu pe̍ didi! Bekken nu nga pagbalinen nga tindaan ya baley ne̍ Amac!” kunen na.

Juan 2:16 Iomraidhean Croise

Matyu 21:12

Ket nawe̍ nge̍ Je̍sus enna Te̍mplu. Ket diya uwed iya emwag niya Te̍mplu nga aglaclaku se̍ diya agnginngina, pinagtalew met ne̍ Je̍sus da. Ket binalintukang na diya lamlamisaan dito agisucsukat ka kuwarta, se̍ diya tugtugew dito aglaclaku ka kalapati.

Matyu 21:13

Ket kinunen na igida, “Naisurat met iya Bibliya nga agten idi: ‘Ya baley ku, ket maawagan nad ka baley nga pagkararagan,’ kunen na met. Ngem dakayu, pagbalinen nu lugudin nga paguurnungan diya tulisan!” kunen na.

Matyu 22:5

Ngem orey itu to nibaga da, madi latta nikaskasu dito naawis nga toley, ket sabali nga gennung to napennan dan. Ya isa, nawe̍ iya laplapug na. Ket ya isa, nawe̍ na met siningen ya nigusiyu na.

Markus 11:17

Ket nisuru na ngarud dan, nga kinunen na igida, “Naisurat met iya Bibliya nga agten idi: ‘Ya baley ku, ket maawagan nad ka baley nga pagkararagan nga agpaay kadiya toltoley diya amin nga nasnasyun,’ kunen na met iya Bibliya. Ngem dakayu, pinagbalin nu lugudin nga paguurnungan diya tulisan!” kunen na.

Lukas 2:49

Ket kinunen ne̍ Je̍sus igida, “Ape̍ nga sapsapulen dac? Madi kayu kad emmu nga masapul nga ya baley ne̍ Amac ya edyan ku?” kunen na.

Juan 10:29

Ya Amac, nitalec na da iyaken, ket igina met ya kangatuwan iya amin. Itu nga awan ngarud makaagaw igida iya panangaywan niya Ama.

Juan 2:15

Ket e̍ Je̍sus, nagariman ka babaut nga tali, se̍ na da pinagtalew nga amin iya emwag niya Te̍mplu, agraman dito baka se̍ karne̍ru. Niwarawara na met ya kuwarta dito agisucsukat, ket binalintukang na dito lamlamisaan da.

Juan 20:17

Ket kinunen ne̍ Je̍sus igina, “Madi nac icman nga igapus a, ta madic pekkem simoli iya Ama. Mawe̍ ka ngas ipadamag kadiya kakabsat ku, nga sumoli yac kun iya Amac, nga itu pe̍ ya Ama nu, se̍ ya Diyus ku nga Diyus nu met pe̍,” kunen na.

Juan 5:17

Ngem kinunen met ne̍ Je̍sus igida, “Kanayun ya panagwangel ne̍ Amac nga awan sardeng na, ket agten nac pe̍ iyan nga agwangwangel,” kunen na.

Juan 8:49

Ket e̍ Je̍sus, kinunen na, “Awan met kinasairu iyaken. Ngem ya kinapudnu na, ya Amac met ya padayawac. Ket dakayu, madi dac met dayawen.

1 Timutyu 6:5

Sabali ya panpanunut niyan nga toley nga di makaawat iya kinapudnu. Itu nga pe̍yeng nga agdidinniskutir diya agten iyan. Ket pagarupen da met pe̍ nga pagteggeddan met ya pammati e̍ Apu Diyus!

2 Pe̍dru 2:3

Ket dito mangisursuru ka busid, gapu iya kinaagum da ka kuwarta, gundawayan dakayu gapu kadiya busid nga kagkagi da. Ngem diyan nga toley, sigud nga nakasagana ya Mangukum igidan, orey itun pekkem. Ket bekken ngarud nga agtudtudug yan nga Mangdusa igida.