Juan 2:1 - Ya Baru nga Tulag

¹ Ket ito kalpasan niya duwa nga algew, uwed pakalun enna Kana, nga isa nga ili iya prubinsiya nga Galilya. Uwed antuni ya ina ne̍ Je̍sus nga makipacpakalun.

Juan 2:1 Iomraidhean Croise

Matyu 12:46

Ket ito agkagkagi pekkem nge̍ Je̍sus kadito toltoley, inumbe̍t ya ina se̍ diya kakabsat na nga lalaki. Nagsisikad da iya ruwar nito baley, ket gabay da kanu ya makitbar igina.

Juan 1:29

Iya kadamlag niyan, nasingen nito Juan nge̍ Je̍sus nga umbe̍t iya edyan na. Ket to Juan, kinunen na, “Singen nu yan! Igina yanin ya maawagan ka Urbun Karne̍ru ne̍ Apu Diyus nga mangipac kadiya basbasul diya uwed idi nga lubung!

Juan 1:35

Ket ito sumunu nga algew, uwed to Juan se̍ duwa nga adalan na antuni.

Juan 1:43

Ito kadamlag na, nalagip ne̍ Je̍sus ya mawe̍ ka prubinsiya nga Galilya. Ket naaskuran na nge̍ Pe̍lipe̍ nga iBe̍tsayda nga kailiyan de̍ Andre̍s nge̍ Pe̍dru. Ket kinunen ne̍ Je̍sus e̍ Pe̍lipe̍, “Suruten nac,” kunen na.

Juan 2:11

Ket yan nga inariman ne̍ Je̍sus enna Kana iya prubinsiya nga Galilya, itu ya kaonaan nga nakaskasdaaw nga inariman na. Ket iya agten iyan, nipasingen na ya kinadayaw na antuni, ket namati igina dito adalan na.

Juan 21:2

Agbubulun itun de̍ Simon Pe̍dru, Tumas nga managan pe̍ ka Singin, e̍ Natanye̍l nga iKana nga isa nga ili ka Galilya, se̍ diya duwa nga anac nito Se̍be̍dyu, se̍ uwed duwa pekkem kadito adalan ne̍ Je̍sus.

Juan 4:46

Ket nawe̍ nge̍ Je̍sus pimasyar ka Kana enna prubinsiya nga Galilya, nga itu to ili nga pinagbalin na itun nga basi ya danum. Ket uwed antuni ya isa nga upisyal niya gubiye̍rnu nga agsakit ya anac na nga lalaki. Ket nabati to anac na enna ili nga Kape̍rnaum.

He̍briyu 13:4

Dayawen tida kuma nga amin ya panagasawa diya agasawa. Se̍ masapul nga sipupudnu ya tunggal isa iya asawa na. Ta ukumen ngarud ne̍ Apu Diyus diya makikamalala, se̍ diya makitipun ka bekken da nga asawa.