Juan 19:6 - Ya Baru nga Tulag

⁶ Ket dito pangpangulu diya agsirsirbi iya Te̍mplu se̍ dito guwardiya, ito nasingen da, kinunen da nga nip-ipkaw, “Pailansam ka krus! Pailansam ka krus!” kunen da met. Ngem kinunen ne̍ Pilatu igida, “Ahah! Biyang nu was yanin! Dakayu nga mismu ya mangilansa igina ka krus. Ta no iyaken, awan met emmuc nga basul na,” kunen na.

Juan 19:6 Iomraidhean Croise

Matyu 26:58

Ket e̍ Pe̍dru, tinumtumneb kade̍ Je̍sus nga nawe̍ iya emwag niya baley nito kangatuwan nga agsirsirbi iya Te̍mplu. Ket imuneg ngarud nge̍ Pe̍dru nga nawe̍ nakitugew win kadiya guwardiya nga uwed antuni, ta panggep na nga maemmuwan no nagan nad ya mapasamac.

Matyu 27:22

Ket e̍ Pilatu, kinunen na igida, “No agten iyan, nagan ngarud ya gabay nu nga pamaay ku e̍ Je̍sus nga maawagan ka Kristu?” kunen na. Ket kinagkagi da nga amin nga kinunen da, “Mailansa kuma ka krus!” kunen da met.

Matyu 27:24

Ket e̍ Pilatu, nadlaw na nga awan mamaay na ya panangipilit na, no di lugud mangpariribuc ngas kadito toltoley. Itu nga namet ka danum, ket binegguwan na met diya ima na ito imatang dito toltoley, nga kinunen na, “Awan basul ku iya pannakatey nidi nga toley! Basul nu was yanin!” kunen na.

Lukas 23:4

Ket itun, kinunen ne̍ Pilatu kadito pangulu diya agsirsirbi iya Te̍mplu, se̍ kadito amin nga duduma nga naur-urnung ennan, “Awan met masmac ku nga basul nidi nga toley nga gapu niya pakaukuman na,” kunen na.

Juan 18:3

Ket iya agten iyan, nawe̍ to Hudas antuni nga nibagnus na ya isa nga bungguy diya suldadu se̍ duduma nga guwardiya niya Te̍mplu nga eb-ebbonen dito pangpangulu diya agsirsirbi iya Te̍mplu se̍ dito Parisiyu. Nagtagi-dilag se̍ nagtagi-armas da met nga nawe̍.

Juan 18:31

Ket kinunen ne̍ Pilatu igida, “Alaken nu was a, ta dakayu nga mismu ya mangeddeng igina maikanatad iya paglinteggan nu,” kunen na. Ngem kinunen dito pangpangulu diya Hudyu, “Maiparit met no dakami ya mangikeddeng nga mapatey ya isa nga toley,” kunen da.

Juan 18:38

Ket kinunen ne̍ Pilatu igina, “Nagan aya ya pudnu?” kunen na. Ket kalpasan niya panangagi ne̍ Pilatu iyan e̍ Je̍sus, rinumwar manin ito edyan dito Hudyu, ket kinunen na igida, “Awan met masmac ku nga basul na nga gapu niya pakaukuman na.

Juan 19:15

Ngem dito Hudyu, nipkaw da nga kinunen da, “Ipapatey mun! Ipapatey mu lugudin! Pailansam ka krus!” kunen da. Ket sinaludsud ne̍ Pilatu igida, “Gabay nu kad nga pailansac ka krus ya ari nu?” kunen na. Ket simungbat dito pangpangulu diya agsirsirbi iya Te̍mplu nga kinunen da, “Awan met sabali nga ari mi no di ngas e̍ Ari Se̍sar!” kunen da.

Juan 19:4

Ket e̍ Pilatu, rinumwar manin nga kinunen na kadito Hudyu, “Kad yani, iruwar ku nga isangu dakayun tasun maemmuwan nu nga awan met masmac ku nga basul na,” kunen na.

Aramid 2:23

Ket iyan nga Je̍sus, gapu ta emmu itun ne̍ Apu Diyus ya mapasamac, nipalubus na ya pannakaiyawat na dakayu, ta itu ya panggep ne̍ Apu Diyus. Ket dakayu, nipapatey nu met, ata nipailansa nu kadiya managdacdake̍c ka krus.

Aramid 7:52

Awan nas pe̍ orey isa kadito mammadtu itun nga madi pinarparigat dito am-ama nu. Se̍ dito nangiwarwaragawag iya maipanggep iya umbe̍t niya Kristu nga nalinteg, ket pinapatey da met. Orey pe̍ dakayu, ta ito inumbe̍t ya Kristu win, liniputan nu, se̍ kayu pinatey.