Juan 19:40 - Ya Baru nga Tulag

⁴⁰ Nimet da ngarud to bangkay ne̍ Je̍sus, ket kinubit da, nga pinute̍putan da ka luput nga maawagan ka line̍n, agraman to pangbalsamar, ta itu ya ugali diya Hudyu no uwed maitamen.

Juan 19:40 Iomraidhean Croise

Matyu 26:12

Ket idi nga panangibucbuc na ka bangbanglu iya beggic, itu met ya panangisagana na iyaken iya pannakaitamen ku.

Markus 14:8

Ket ya babey nga idi, winangel na met ya patingga niya kabaellan na. Ta binucbukan na ya beggic, ket itu met ya panangisagana na iyaken iya pannakaitamen ku.

Lukas 24:12

[Ngem e̍ Pe̍dru, nanagtag met nga nawe̍ naningen ito tamen. Nagdokot nga sime̍re̍p iya uneg nito tamen, ket awan sabali nga nasingen na no di ngas to luput nga line̍n nga nangkubit da itun ito bangkay ne̍ Je̍sus. Itu nga nagawirin, nga nasdaawan gapu iyan nga napasamac.]

Juan 11:44

Ket rinumwar ngarud to natey nga sipupute̍put pekkem to luput nga nangirapet kadiya ima na iya beggi na, se̍ naipute̍put kadiya saka na. Ket ya rupa na, sikakalomot ka pangyu. Ket binilin ne̍ Je̍sus dito toley nga kinunen na, “Ukasan nu ngarudin, tasun mawayawayaanin,” kunen na.

Juan 12:7

Ngem kinunen ne̍ Je̍sus, “Bay-am mas a, ta idi nga winangel na, maipaay met iya panangisagana na iya pannakaitamen ku.

Aramid 5:6

Ket diya babagu nga uwed iyan, nawe̍ da nga kinabat to bangkay nito Ananyasin, se̍ da binuligan, nga nawe̍ nitamen nin.