Juan 19:4 - Ya Baru nga Tulag

⁴ Ket e̍ Pilatu, rinumwar manin nga kinunen na kadito Hudyu, “Kad yani, iruwar ku nga isangu dakayun tasun maemmuwan nu nga awan met masmac ku nga basul na,” kunen na.

Juan 19:4 Iomraidhean Croise

Matyu 27:19

Ket bekken nas nga iyan, ta ito madama pekkem nga nakatugew nge̍ Pilatu ito tugew na iya pangukuman, uwed nipaibaga nito asawa na igina nga kunen na, “Madi ka kuma makibiyang iyan nga toley nga awan basul na. Ta nariribukan nac nga unay gapu iya napasmeggac ito gabi maipanggep igina.”

Matyu 27:24

Ket e̍ Pilatu, nadlaw na nga awan mamaay na ya panangipilit na, no di lugud mangpariribuc ngas kadito toltoley. Itu nga namet ka danum, ket binegguwan na met diya ima na ito imatang dito toltoley, nga kinunen na, “Awan basul ku iya pannakatey nidi nga toley! Basul nu was yanin!” kunen na.

Matyu 27:4

nga kinunen na, “Nakabasul lac met, ta niyawat ku ka pakatayan na ya awan basul na,” kunen na. Ket kinunen da, “Nagan ya bibiyang mi iyan? Pruble̍mam mas yanin, a!” kunen da.

Matyu 27:54

Ket ya kapitan se̍ dito suldadu na nga nagbanbantay e̍ Je̍sus, napalaus ngarud to ansing da ito nadlaw da to yegyeg se̍ dito duduma nga napasamac itun. Ket kinunen da, “Pudnu met nga Anac ne̍ Apu Diyus yan!” kunen da.

Lukas 23:4

Ket itun, kinunen ne̍ Pilatu kadito pangulu diya agsirsirbi iya Te̍mplu, se̍ kadito amin nga duduma nga naur-urnung ennan, “Awan met masmac ku nga basul nidi nga toley nga gapu niya pakaukuman na,” kunen na.

Lukas 23:41

Ket dacta, rumbeng met yani nga dusa ta, ata itu ya tumutup nga supapac dito winangwangel ta. Ngem iyan nga toley nga gennung, awan met winangel na nga dake̍c,” kunen na.

Lukas 23:47

Ket ito nasingen niya kapitan dito suldadu to napasamac kin, sidadayaw e̍ Apu Diyus nga kinunen na, “Pudnu met nga nalinteg yani nga toley!” kunen na.

Juan 18:33

Ket e̍ Pilatu, linumnec ito palasiyu win, se̍ na pinalbe̍t nge̍ Je̍sus. Ket kinunen na e̍ Je̍sus, “Tutu kad nga ikew ya ari diya Hudyu?” kunen na.

Juan 18:38

Ket kinunen ne̍ Pilatu igina, “Nagan aya ya pudnu?” kunen na. Ket kalpasan niya panangagi ne̍ Pilatu iyan e̍ Je̍sus, rinumwar manin ito edyan dito Hudyu, ket kinunen na igida, “Awan met masmac ku nga basul na nga gapu niya pakaukuman na.

Juan 19:6

Ket dito pangpangulu diya agsirsirbi iya Te̍mplu se̍ dito guwardiya, ito nasingen da, kinunen da nga nip-ipkaw, “Pailansam ka krus! Pailansam ka krus!” kunen da met. Ngem kinunen ne̍ Pilatu igida, “Ahah! Biyang nu was yanin! Dakayu nga mismu ya mangilansa igina ka krus. Ta no iyaken, awan met emmuc nga basul na,” kunen na.

2 Kurintu 5:21

Ta gapu dactida, pinagbalin ne̍ Apu Diyus nge̍ Kristu nga nadusa gapu ka basul, orey awan met pulus basul na. Agten iyan ya winangel na, tasun gapu iya pannakaitipun tida e̍ Kristu, agbalin tida nga napalinteg, nga agten mettas iya kinalinteg ne̍ Apu Diyus.

He̍briyu 7:26

Dikad pe̍ igina, maitutup met nga Kangatuwan nga Mangibegbeggi dactida e̍ Apu Diyus, ta awan basul na winno kinadake̍c na, se̍ awan pe̍ mansa igina. Ket idi nga mangibegbeggi, naiduma met kadiya sibabasul nga toltoley, ket naisaad met pe̍ ka nangatngatu ngem kadiya nailangitan.

1 Pe̍dru 1:19

no di lugud ya napateg nga daga ne̍ Kristu nga naiyayus. Ket yan nga daga, arig nga daga niya isa nga naidatun nga urbun karne̍ru. Ket idi nga arig nga urbun karne̍ru, awan pulus pagkurangan winno pakapilawan na.

1 Pe̍dru 2:22

Ket igina, awan winangel na nga basul, se̍ awan pe̍ nagicna igina nga nasikap nga kagi.

1 Pe̍dru 3:18

Ket agten pe̍ iyan nge̍ Kristu. Ta igina, natey met nga nam-ame̍nsan itun nga naipaay kadiya basbasul, ket kustu win para iya amin nga timpu. Orey awan basul na, natey met para dactida nga toley nga sibabasul, tasun iyadenni nactida e̍ Apu Diyus. Ket tutu met, ata gapu iya beggi na, ket natey. Ngem gapu iya Ispiritu, napabiyag.

1 Juan 3:5

Ngem emmu nu nga awan basul ne̍ Je̍su Kristu. Ket to numbe̍tan na ito nagparang itun, ket tasun mangipac ka basul.