Juan 19:31 - Ya Baru nga Tulag

³¹ Ket gapu ta Algew Panagisagana itun, nga itu ya algew sacbay niya Algew Ngilin, inadeng dito pangpangulu diya Hudyu e̍ Pilatu no mabalin kuma nga ipakettu na diya sacsaka dito nailansa, tasun dagus da nga matey yin, ta maiyulug kuma kanu diya bangkay iyan mettas nga algew. Ta madi da ngamin gabay no mabati diya bangkay kadiya krus da iya Algew Ngilin. Madi da ngarud gabay no mabati da, ta yan nga mapasungad nga ngilin diya Hudyu, mairana met pe̍ iya Padaya Nitatalib, ket nipangruna da ngarud yan nga Algew Ngilin.

Juan 19:31 Iomraidhean Croise

Matyu 27:62

Ket ito kadamlag na, itu ya Algew Ngilin nga simarunu ito Algew Panagisagana. Ket dito pangpangulu dito agsirsirbi iya Te̍mplu, se̍ dito Parisiyu, nawe̍ da naguurnung iya sangu nito Gube̍rnadur Pilatu.

Markus 15:42

Ket iyan nga algew, Biye̍rne̍s nga Algew Panagisagana, nga itu ya algew sacbay niya Algew Ngilin. Ket gumidam met itunin.

Juan 19:1

Ket iya agten iyan, pinasaplit met ne̍ Pilatu nge̍ Je̍sus ka latiku itun.

Juan 19:14

Ket dandani agmatuunin iyan nga algew, nga itu to algew nga panagisagana diya Hudyu iya ngilin da iya kadamlag na, ket timpu Padaya Nitatalib ngarud itun. Ket ito nakatugew nge̍ Pilatu win, kinunen na kadito Hudyu, “Kad yani ya ari nu!” kunen na.

Juan 19:42

Ket gapu ta denni iya nakatayan ne̍ Je̍sus, itu wasin ya nangitalipnan da ito bangkay na. Ta Biye̍rne̍s met itunin, nga itu ya algew nga awagan diya Hudyu ka Algew Panagisagana sacbay niya Algew Ngilin.