Juan 19:30 - Ya Baru nga Tulag

³⁰ Ket ito nasepsep ne̍ Je̍sus to suka ngin, ket kinunen na, “Natungpal ngarudin!” kunen na. Ket kalpasan na, nagdumug, ket nipalubus na ya anges na nga simina ngin.

Juan 19:30 Iomraidhean Croise

Matyu 20:28

Ta agten met iyan ya Anac nga Naipatoley. Madi inumbe̍t tasun pasirbiyan kuma kadiya duduma, no di lugud tasun agsirbi, se̍ tasun ipaay na ya biyag na nga pangsubbut kadiya adu nga toltoley,” kunen na.

Matyu 27:50

Ket e̍ Je̍sus, nagpekkaw manin ka nabileg, ket nipalubus na nga nauyus ya anges nan.

Matyu 3:15

Ngem kinunen ne̍ Je̍sus igina, “Ala kad lugudin, ta rumbeng met no tungpalen ta amin diya nalinteg nga panggep ne̍ Apu Diyus,” kunen na. Dikad pe̍ nayat mettas nge̍ Juanin.

Markus 15:37

Ngem e̍ Je̍sus, nagkerre̍s ka nabileg gin, ket awan anges nan.

Lukas 22:37

Ta pudnu met nga ya mapasamac nad iyaken, itu nad ya pakatungpalan nito naisurat iya Bibliya nga masapul nga matungpal nga kunen na, ‘Ket naibilang met nga isa kadiya managdacdake̍c.’ Ta matungtungpal nga tutu win to naisurat maipanggep iyaken,” kunen na.

Lukas 23:46

Ket e̍ Je̍sus ito krus na, nagpekkaw met nga kinunen na ka nabileg, “Ama, italec ku ikew ya kararuwac,” kunen na. Ket ito nakagi na yanin, awan anges nan.

Juan 10:11

“Iyaken, maiyarig gac pe̍ iya isa nga nabaru nga agay-aywan kadiya karne̍ru. Ya nabaru nga agay-aywan, sisasagana nga matey, nga mangipaay iya biyag na tasun mangisalakan kadiya karne̍ru na.

Juan 10:18

Awan makapatey iyaken, ngem agdisnudu wac nga mangipalubus iya pannakapatey ku. Ta uwed iyaken ya turay nga mangiyawat iya biyag ku nga mapatey, se̍ uwed met pe̍ iyaken ya turay nga mangpasoli mettas iya biyag ku. Agten iyan ngarud to nibilin niya Amac nga wanglec,” kunen na.

Juan 17:4

Iyaken, nidaydayaw naka ngarud idi nga lubungin, ta tinungpal kun ya nipawangel mu iyaken.

Juan 19:28

Ket e̍ Je̍sus, emmu na nga natungpal aminin. Ket tasun matungpal kuma ya isa pekkem nga padtu nga naisurat iya Bibliya, kinunen na, “Newwew wac.”

Juan 4:34

Dikad pe̍ e̍ Je̍sus, kinunen na igida, “Ya pagbiyag ku nga kunec, itu ya panangtungpal ku iya tarigagay niya nangibon iyaken, se̍ ya panangilpas ku iya ipawangel na iyaken.

Ruma 10:4

Ngem ya kinapudnu na, e̍ Kristu met ya nakatungpalan nito Linteg ne̍ Muyse̍s, tasun maibilang nga nalinteg iya imatang ne̍ Apu Diyus diya amin nga mamati e̍ Kristu.

Ruma 3:25

Ket igina met ya nisaad ne̍ Apu Diyus nga silalatac, tasun gapu iya pannakaidaga niya beggi na, igina ya pakaudasan nga pakapakawanan diya basbasul diya toley, gapu iya panamati da. Inariman ne̍ Apu Diyus yan, tasun ipasingen na ya kinalinteg na. Ta agten idi: Itun pekkem nga timpu, inanusan na ngas diya toley kadiya basbasul da, nga madi na da dinusa.

1 Kurintu 5:7

Ket iya agten iyan, ipac nu ngarudin yan nga basul nga uwed dakayu nga maiyarig ka pangpablad dakayu, tasun arig kayu kuma ngin nga nabukel nga are̍na nga awan lauc na nga pangpablad. Ta ya kinapudnu na, naibilang kayun nga isa nga nabukel nga are̍na nga awan pangpablad na. Ta e̍ Kristu, igina ya naibilang nga karne̍ru tida nga naidaga nga naidatun iya Padaya Nitatalib, tasun nangipac ka basul.

Pilipus 2:8

Ket ito panagbiyag na nga kinatoley, nagpakumbaba ngas met, ket nituluc na pe̍ ya beggi na nga mapatey, nga itu ya nakailansaan na mettas ka krus.

He̍briyu 12:2

Ket e̍ Je̍sus kuma ngas ya namnamaen tida, nga arig nga igina ya sisingen tida. Ta igina met ya nangariman iya pangnamnamaan niya panamati tida, se̍ igina met pe̍ ya mangtungpal. Ket e̍ Je̍sus, niturtured na met nga siaanus to pannakatey na ito krus, nga madi na linaglagip to nakaiyal-alyewwan na. Ta laglagipen na nga gennung ya pakaanggemman na nga naikari igina. Ket ita, uwed met nga tutu win nga agtugtugew iya kadayawan nga edyan, nga itu ya madiwanan niya trunu nga pagtugawan ne̍ Apu Diyus.

He̍briyu 9:22

Ngarud, sigun iya Linteg, nistay amin dito naibilang nga narugit itun gapu ka basul, mabalin nga maibilang nga nadalusan manin gapu ka daga. Ket se̍ no awan naidaga nga pagdatun, awan met pannakapakawan niya basul.