Juan 19:3 - Ya Baru nga Tulag

³ ket nagsisinnublat da nga nagasosoli nga nanguy-uyaw igina nga kinunen da, “Wahey! Madaydayaw ka kuma nga ari diya Hudyu!” kunen da, se̍ tinungtungpa da met pe̍.

Juan 19:3 Iomraidhean Croise

Matyu 26:49

Ket iya agten iyan, nagtarus ngarud to Hudas nga imadenni e̍ Je̍sus, ket kinunen na, “Kumusta, Mistru!” kunen na met, se̍ na inagkan nge̍ Je̍sus.

Matyu 27:29

Ket nagkawikew da met ka lanut nga agrasrasi, nga inariman da ka sinan-balangat, se̍ da nisimpa iya ulu ne̍ Je̍sus. Pinagikem da pe̍ ka tabagan ya diwanan nga ima na, se̍ da nagindadayaw nga nagparintumeng ito sangu na. Ket inuy-uyaw da, nga kinunen da, “Wahey! Madaydayaw ka kuma nga ari diya Hudyu!” kunen da.

Markus 15:18

Ket nagindadayaw da met nga nangkablaaw e̍ Je̍susin, nga kinagkagi da nga siuuyaw igina nga, “Wahey! Madaydayaw ka kuma nga ari diya Hudyu!” kunen da.

Lukas 1:28

Ket to anghe̍l, inumbe̍t iya edyan ne̍ Marya, nga kinunen na igina, “Agragsac ka ngarud, ta magustuwan naka nga unay ya Apu, ket uwed met ya Apu ikew,” kunen na.

Juan 18:22

Ket ito apaman nga naikagi ne̍ Je̍sus yan, tinungpa met niya isa kadito guwardiya nga uwed antuni, nga kinunen na e̍ Je̍sus, “Nih! Ape̍ nga agten iyan ya panagsungbat mu iya isa nga kangatuwan nga agsirsirbi iya Te̍mplu?” kunen na.

Juan 18:33

Ket e̍ Pilatu, linumnec ito palasiyu win, se̍ na pinalbe̍t nge̍ Je̍sus. Ket kinunen na e̍ Je̍sus, “Tutu kad nga ikew ya ari diya Hudyu?” kunen na.