Juan 19:24 - Ya Baru nga Tulag

²⁴ Dikad pe̍ nagtutulag dito suldadu nga kinunen da, “Madi tida pigpigisen, a. Pagbibinnunutan tida ngas no nagan dactida ya mangtagikuwa,” kunen da. Ket idi nga winangel da, itu met to nakatungpalan nito padtu nga naisurat iya Bibliya nga kunen na, “Nagbibingayan da diya kawwes ku. Ket diya lupluput ku, nagbibinnunutan da.” Ket agten iyan ngarud to winangel dito suldadu.

Juan 19:24 Iomraidhean Croise

Matyu 27:35

Ket itun, ito nilansa dito suldadu ka krusin, nagbibingayan da met diya luput na nga nagbibinnunutan da no kumaan kuma ya panagbibingay da.

Markus 15:24

Ket itun, nilansa dito suldadu iya krusin. Ket kalpasan nito panangilansa da, nagbibingayan da met diya luput na, nga nagbibinnunut da no nagan ya mabagi niya tunggal isa igida.

Lukas 23:34

Ket e̍ Je̍sus, kinunen na, “Ama, pakawanem kay diya mangwangel idi iyaken, ta di da maawatan ya banag niya wangwanglen da,” kunen na. Ket uwed da met nagbibinnunut nga nagbibingayan da diya luput ne̍ Je̍sus.

Juan 10:35

Ket emmu tida met nga pudnu ya naisurat iya Bibliya, ket madi mabaliwan orey ka agnanayun. Iya agten iyan, e̍ Apu Diyus mettas ya nanginagan kadito nangagiyan na nga diyus da kanu.

Juan 13:18

“Bekken nga dakayu nga amin ya kunec ita, ta mailasin nakayu nga pinilic. Ngem ya napaspasamac, ket tasun matungpal to padtu nga naisurat iya Bibliya nga kunen na, ‘Kinuntra nac met ya nakilanglang iyaken.’

Juan 19:28

Ket e̍ Je̍sus, emmu na nga natungpal aminin. Ket tasun matungpal kuma ya isa pekkem nga padtu nga naisurat iya Bibliya, kinunen na, “Newwew wac.”

Aramid 13:27

Ngem dito Hudyu nga iHe̍rusale̍m se̍ dito pangpangulu da, madi da nalasin nga e̍ Je̍sus to nibon ne̍ Apu Diyus. Se̍ di da pe̍ naawatan ya banag dito nisurat dito mammadtu itun, orey itu ya maibasbasa iya kada Algew Ngilin kadiya gigimungan da. Ket igida met diya nangtungpal iya banag mettas dito nibasbasa da, ito inukum da met nge̍ Je̍sus nga nipapatey da.