Juan 19:20 - Ya Baru nga Tulag

²⁰ Ket adu dito Hudyu nga nakabasa idi nga pakaemmu, ta denni ngas iya siyudad to lugar nga nakailansaan ne̍ Je̍sus. Ket to pakaemmu, naisurat met ka tellu nga pagkakagi, ta naisurat ka pagkakagi nga He̍briyu, Latin se̍ Griye̍gu.

Juan 19:20 Iomraidhean Croise

Lukas 23:38

Ket iya ngatuwen niya ulu ne̍ Je̍sus ito krus, uwed pakaemmu nga naisurat. Agten idi to naisurat: “Idi ya Ari diya Hudyu.”

Juan 19:13

Dikad pe̍ ito nagicna ne̍ Pilatu diyan nga kinagkagi da, niruwar na ngarud nge̍ Je̍sus iya sangu dan. Ket e̍ Pilatu, nawe̍ nagtugew iya tugew nga pangukuman nga maawagan ka “Gabata”, nga itu ya kagi He̍briyu nga kayat na nga kagiyen, “Platapurma nga Batu.”

Juan 19:42

Ket gapu ta denni iya nakatayan ne̍ Je̍sus, itu wasin ya nangitalipnan da ito bangkay na. Ta Biye̍rne̍s met itunin, nga itu ya algew nga awagan diya Hudyu ka Algew Panagisagana sacbay niya Algew Ngilin.

Juan 5:2

Ket enna He̍rusale̍m, uwed isa nga naptut nga pagdigusan da nga nale̍cbut ka lima nga ruwangan nga naatpan. Maawagan yan nga pagdigusan ka Be̍tsata no ya kagi He̍briyu, ket denni iya isa nga ruwangan niya siyudad nga maawagan ka Ruwangan Para Karne̍ru.

Aramid 21:37

Ket ito dandani da maiyuneg nge̍ Pablu ito uneg nito kampu win, kinunen ne̍ Pablu ito kumande̍r, “Uwed ibagac kuma ikew, no mabalin,” kunen na. Ket to kumande̍r, kinunen na, “Nih! Emmum met gayam ya kagi Griye̍gu!

Aramid 21:40

Ket pinalubusan ngarud nito kumande̍r nge̍ Pablu. Dikad pe̍ e̍ Pablu, nagsikad ito agdan nito kampu, se̍ na sininyasan dito napagas nga toltoley nga agulimec da. Ket ito nagtalna nga nalaing dito toltoley yin, nagkagi nge̍ Pablu igida ka kagi da nga He̍briyu.

Aramid 22:2

Ket ito nagicna da nga He̍briyu to panagkagi na, pulus nga awan pagpagas dan. Ket nituluy ne̍ Pablu to kagi na nga kinunen na manin,

Aramid 26:14

Natuwang kami nga amin iya ginet, ket uwed met timec nga nagicnac, nga nagkagi iyaken ka kagi He̍briyu, nga kagi mi nga Hudyu, ket kinunen na, ‘Saulu, Saulu, ape̍ parparigaten nac? Maparigatan ka ngas, ta ikew met ya masakitan,’ kunen na.

He̍briyu 13:12

Ket agten ngarud pe̍ iyan nge̍ Je̍sus, ta iya laskig niya siyudad to nagsagabaan na. Ket natey antuni tasun gapu iya daga na mettas, madalusan diya toltoley kadiya basbasul da.

Paltiing 16:16

Ket itun, inurnung ngarud dito tellu nga sairu diya ar-ari ka lugar nga maaw-awagan ka Armahe̍dun iya pagkakagi nga He̍briyu.

Paltiing 9:11

Ket uwed met ari da nga mangituray igida, nga itu ya dake̍c nga anghe̍l nga mangituray ito nakaun-uneg nga ebbut iya ginet. Ket ya nagan nito anghe̍l, Abaddun no kagi He̍briyu, ket Apulyun met ya nagan na ka kagi Griye̍gu, nga kayat na nga kagiyen, “Mangpukaw.”