Juan 19:17 - Ya Baru nga Tulag

¹⁷ se̍ da niruwar iya siyudad nga He̍rusale̍m, nga bugbugtungen na met ya krus na. Ket nipen da iya lugar nga maawagan ka Gulguta, nga itu ya kagi He̍briyu nga kayat na nga kagiyen, “Edyan Bangabanga.”

Juan 19:17 Iomraidhean Croise

Matyu 10:38

Se̍ bekken pe̍ nga maikari nga maibilang nga toley ku ya madi mangitured iya arig nga panangagtu na iya krus na nga pakailansaan na mettas, tasun sumurut iyaken.

Matyu 16:24

Ket kinunen ne̍ Je̍sus itun kadito adalan na, “No uwed mayat nga sumurut iyaken, masapul nga ipalikud na diya mismu nga tarigagay na, ket se̍ masapul nga anusan na ya arig nga panangagtu na iya krus na nga pakailansaan na, ket sumurut ngarud iyaken nin.

Matyu 27:37

Ket ito ngatuwen niya ulu ne̍ Je̍sus ito krus, uwed nisimpa da nga pakaemmu ito naipabasul igina. Agten idi to naisurat: “Idi nge̍ Je̍sus, ya Ari diya Hudyu.”

Markus 10:21

Ket e̍ Je̍sus, pineskan na to lalaki yin, ket nipateg ngarud ne̍ Je̍susin. Ket kinunen na ito lalaki, “Uwed pekkem mas isa nga masapul nga wanglem. Mawe̍ ka ilaku diya sansanicwam, se̍ ka e̍cde̍ ya paglakuwam kadiya napanglaw. Ket iya agten iyan, uwed nad kinabacnang mu ka langitin. Ket kalpasan niya panange̍cde̍ mun, umbe̍t nac suruten nin,” kunen na.

Markus 15:26

Ket uwed pe̍ pakaemmu nga naisurat antuni, nga itu ya pakaemmuwan ito naipabasul igina. Agten idi to naisurat: “Ya Ari diya Hudyu.”

Markus 15:32

Umulug kuma ngarudin iya krus na yan nga Kristu nga Ari kanu ka Israe̍l. Ta no masingen tida nga makaulugin, ket mamati tida iginan,” kunen da. Ket inuyaw met pe̍ dito kabulun na nga nailansa pe̍ ka krus.

Markus 8:34

Ket itun, pinaadenni met ne̍ Je̍susin diya toltoley se̍ dito adalan na. Ket kinunen na igida, “No uwed mayat nga sumurut iyaken, masapul nga ipalikud na diya mismu nga tarigagay na, ket se̍ masapul nga anusan na ya arig nga panangagtu na iya krus na nga pakailansaan na, ket sumurut ngarud iyaken nin.

Lukas 14:27

Se̍ madi pe̍ makapagbalin nga pasurut ku ya orey nagan na nga madi mangitured iya arig nga panangagtu na iya krus na nga pakailansaan na mettas, tasun sumurut iyaken.

Lukas 23:26

Ket niruwar da ngarud nge̍ Je̍sus. Ket ito uwed da iya dalan, uwed met nasabet da nga isa nga iSire̍ne̍ nga agnagan ka Simon. Sumungsungad yani nga toley iya siyudadin, nga naggayat iya away. Ket nimet da to Simon, se̍ da nipaagtu to krus igina, se̍ da nipasarunu e̍ Je̍sus.

Lukas 23:33

Ket ito nakadateng da iya lugar nga maawagan ka Bangabanga, ket itu ya nangilansaan da e̍ Je̍sus ka krusin. Ket nilansa da pe̍ kadiya krus da dito duwa nga managbasul, nga ya isa, uwed iya madiwanan ne̍ Je̍sus, ket ya isa, uwed iya makatigid na.

Lukas 23:38

Ket iya ngatuwen niya ulu ne̍ Je̍sus ito krus, uwed pakaemmu nga naisurat. Agten idi to naisurat: “Idi ya Ari diya Hudyu.”

Lukas 9:23

Ket kinunen na pe̍ igida nga amin, “No uwed mayat nga sumurut iyaken, masapul nga ipalikud na diya mismu nga tarigagay na, ket se̍ masapul nga anusan na nga inalgew ya arig nga panangagtu na iya krus na nga pakailansaan na, ket sumurut ngarud iyaken nin.

Juan 19:13

Dikad pe̍ ito nagicna ne̍ Pilatu diyan nga kinagkagi da, niruwar na ngarud nge̍ Je̍sus iya sangu dan. Ket e̍ Pilatu, nawe̍ nagtugew iya tugew nga pangukuman nga maawagan ka “Gabata”, nga itu ya kagi He̍briyu nga kayat na nga kagiyen, “Platapurma nga Batu.”

Juan 5:2

Ket enna He̍rusale̍m, uwed isa nga naptut nga pagdigusan da nga nale̍cbut ka lima nga ruwangan nga naatpan. Maawagan yan nga pagdigusan ka Be̍tsata no ya kagi He̍briyu, ket denni iya isa nga ruwangan niya siyudad nga maawagan ka Ruwangan Para Karne̍ru.

Aramid 7:58

Ket niruwar da ngarud ito siyudad, ta dampagen da kuma nga patayen nin. Ket dito binon dito kunse̍hale̍s nga mangdampag e̍ E̍ste̍ban, nipaaywan da diya ke̍bal da ka isa nga lalaki nga agnagan ka Saulu, se̍ da binatu nge̍ E̍ste̍banin.