Juan 19:13 - Ya Baru nga Tulag

¹³ Dikad pe̍ ito nagicna ne̍ Pilatu diyan nga kinagkagi da, niruwar na ngarud nge̍ Je̍sus iya sangu dan. Ket e̍ Pilatu, nawe̍ nagtugew iya tugew nga pangukuman nga maawagan ka “Gabata”, nga itu ya kagi He̍briyu nga kayat na nga kagiyen, “Platapurma nga Batu.”

Juan 19:13 Iomraidhean Croise

Matyu 27:19

Ket bekken nas nga iyan, ta ito madama pekkem nga nakatugew nge̍ Pilatu ito tugew na iya pangukuman, uwed nipaibaga nito asawa na igina nga kunen na, “Madi ka kuma makibiyang iyan nga toley nga awan basul na. Ta nariribukan nac nga unay gapu iya napasmeggac ito gabi maipanggep igina.”

Lukas 12:5

Ngem ibagac dakayu ya kansing nu kuma nga gennung, ket itu nge̍ Apu Diyus. Ta e̍ Apu Diyus, bekken nas nga pumatey ya mabalin na, no di lugud uwed pe̍ igina ya turay nga mangipisuc ka impiye̍rnu. Ngarud, igina kuma ya kansing nu.

Juan 19:17

se̍ da niruwar iya siyudad nga He̍rusale̍m, nga bugbugtungen na met ya krus na. Ket nipen da iya lugar nga maawagan ka Gulguta, nga itu ya kagi He̍briyu nga kayat na nga kagiyen, “Edyan Bangabanga.”

Juan 19:20

Ket adu dito Hudyu nga nakabasa idi nga pakaemmu, ta denni ngas iya siyudad to lugar nga nakailansaan ne̍ Je̍sus. Ket to pakaemmu, naisurat met ka tellu nga pagkakagi, ta naisurat ka pagkakagi nga He̍briyu, Latin se̍ Griye̍gu.

Juan 19:8

Ket ito nagicna ne̍ Pilatu yan, kumarkaru met ya ansing nan.

Juan 5:2

Ket enna He̍rusale̍m, uwed isa nga naptut nga pagdigusan da nga nale̍cbut ka lima nga ruwangan nga naatpan. Maawagan yan nga pagdigusan ka Be̍tsata no ya kagi He̍briyu, ket denni iya isa nga ruwangan niya siyudad nga maawagan ka Ruwangan Para Karne̍ru.

Aramid 4:19

Ngem kinunen de̍ Pe̍dru nge̍ Juan igida, “Dakayu, masapul nga emmuwen nu no nagan na ya gabgabay ne̍ Apu Diyus: no dakayu kuma ya tungpalen mi, winno igina.