Juan 18:4 - Ya Baru nga Tulag

⁴ Ket gapu ta emmu ne̍ Je̍sus nga sigud diya amin nga mapasamac igina, simangu nga nangsabet igida, ket kinunen ne̍ Je̍sus igida, “Nagan ya sapsapulen nu?” kunen na.

Juan 18:4 Iomraidhean Croise

Matyu 16:21

Ket manipud itunin, nipalpalawag ne̍ Je̍sus kadito adalan na nga masapul nga mawe̍ ka He̍rusale̍m. Ket antuni, aglak-am nad kanu ka adu nga rigat gapu kadito panglakayen se̍ dito pangpangulu diya agsirsirbi iya Te̍mplu se̍ dito manursuru iya Linteg. Masapul nad met pe̍ nga mapatey, ket mapaungar nad mettas iya maikatlu nga algew.

Matyu 26:2

“Emmu nu nga duwa nga algew ngasin sacbay niya Padaya Nitatalib. Ket ya Anac nga Naipatoley, maiyawat nad mettin nga mailansa ka krus,” kunen na.

Matyu 26:21

Ket ito madama da nga mangmanganin, kinunen ne̍ Je̍sus, “Ibagac ngarud ya kinapudnu na dakayu, nga uwed met isa dakayu nga mangiyawat nad iyaken,” kunen na.

Matyu 26:31

Ket itun, kinunen ne̍ Je̍sus igida, “Ita mettas nga gabi, pumanaw kayu nga amin iyaken, gapu iya mapasamac iyaken. Ta naisurat iya Bibliya nga kunen na, ‘Patayec nad ya agay-aywan ka karne̍ru. Ket diya karne̍ru iya bungguy na, mawarawara da nad mettin,’ kunen na iya Bibliya.

Lukas 24:44

Kalpasan na, kinunen na igida, “Itu yani to nibagac dakayu ito nakibulbulun nac pekkem dakayu itun, nga masapul nga matungpal amin nga naisurat maipanggep iyaken iya Linteg nito Muyse̍s se̍ kadiya liblibru dito mammadtu se̍ iya libru nga Salmu,” kunen na.

Juan 13:1

Ket itun, nganngani ya Padaya Nitatalibin. Ket e̍ Je̍sus, emmu na nga nadatnganin ya timpu na nga pumanaw idi nga lubung se̍ ya isosoli na iya Ama. Pe̍yeng nga inay-ayat ne̍ Je̍sus diya toley na idi nga lubung. Ket nabileg ngarud pekkem pe̍ ya panagayat na igida agingga iya pagpatinggaan niya biyag na idi nga lubung.

Juan 13:11

Kinunen ngarud ne̍ Je̍sus yan, ta emmu na nga sigud ya mangiyawat igina. Ket itu ya gapu na nga kinunen na nga nadalus da nga amin, malacsid ya isa.

Juan 18:5

“E̍ Je̍sus nga iNasare̍t,” nisungbat da. Ket kinunen ne̍ Je̍sus, “Iyaken met,” kunen na. Ket to Hudas nga mangiyawat igina, nakipagsisikad pe̍ kadito toley nga inumbe̍t.

Juan 18:7

Ket sinaludsud manin ne̍ Je̍sus igida nga kinunen na, “Nagan ya sapsapulen nu?” kunen na. Ket kinunen da manin, “E̍ Je̍sus nga iNasare̍t,” kunen da.

Juan 19:28

Ket e̍ Je̍sus, emmu na nga natungpal aminin. Ket tasun matungpal kuma ya isa pekkem nga padtu nga naisurat iya Bibliya, kinunen na, “Newwew wac.”

Juan 6:64

Ngem orey naemmuwan nu yanin, uwed da latta dakayu diya madi mamati,” kunen ne̍ Je̍sus. Ta sigud nga emmu na no nagan dito madi mamati igina, se̍ no nagan ya mangiyawat igina.

Aramid 2:28

Nipakaemmum iyaken nin diya dalan nga agturung iya biyag nga agnanayun. Ket gapu iya kinauwed mu iyaken, ket paragsaken nac,’ kunen nito Ari Dabid itun.

1 Pe̍dru 4:1

Ket iya agten iyan, gapu ta nagsagaba ya beggi ne̍ Kristu itun, sisasagana kayu kuma pe̍ nga agsagaba nga agten igina. Ta emmu tida nga ya toley nga nagsagaba ya beggi na, nagsardeng pe̍ yin iya panagbasul na.