Juan 18:30 - Ya Baru nga Tulag

³⁰ Ket dito Hudyu, kinunen da, “Madi kami met isangu ikew no bekken nga isa nga managbasul,” kunen da.

Juan 18:30 Iomraidhean Croise

Markus 10:33

nga kinunen na, “Agten idi nin: Manang-at tida ngarud nga mawe̍ ka He̍rusale̍min. Ket ya Anac nga Naipatoley, maiyawat nad met antuni kadiya pangpangulu diya agsirsirbi iya Te̍mplu se̍ kadiya manursuru iya Linteg. Ket kedngan da nad met nga patey ya dusa na. Ket iya agten iyan, iyawat da nad ngarud kadiya bekken nga Hudyu.

Markus 15:3

Ket dito pangpangulu diya agsirsirbi iya Te̍mplu, adu diya nipabpabasul da e̍ Je̍susin.

Lukas 24:7

Ta nibaga na met nga masapul nga maiyawat ya Anac nga Naipatoley kadiya toley nga managdacdake̍c, se̍ masapul nga mailansa ka krus, ket agungar mettas iya maikatlu nga algew, kunen na met itun,” kunen dito lalaki.

Juan 18:29

Dikad pe̍ rinumwar nge̍ Pilatu iya edyan da, ket kinunen na igida, “Nagan ya ipabasul nu idi nga toley?” kunen na.

Juan 18:31

Ket kinunen ne̍ Pilatu igida, “Alaken nu was a, ta dakayu nga mismu ya mangeddeng igina maikanatad iya paglinteggan nu,” kunen na. Ngem kinunen dito pangpangulu diya Hudyu, “Maiparit met no dakami ya mangikeddeng nga mapatey ya isa nga toley,” kunen da.

Juan 19:12

Ket ito nagicna ne̍ Pilatu yan, gabay na manin nga wayawayaan kuma nge̍ Je̍sus. Ngem dito Hudyu, nip-ipkaw da latta nga kinunen da, “No wayawayaam yan nga toley, emmu mi ngarudin nga guraem nge̍ Ari Se̍sar. Ta nabatad met nga ya agten iyan nga toley nga mangibilang iya beggi na nga ari, ket kakuntra na ngarud nge̍ Ari Se̍sar,” kunen da.

Aramid 3:13

E̍ Apu Diyus nga Diyus dito am-ama tida nga Abraham, Isaac, se̍ Hakub, nipadayaw na met nge̍ Je̍sus nga eb-ebbonen na. Ngem dakayu, niyawat nu nge̍ Je̍sus kadiya agtuturay, se̍ nidarum nu pe̍ e̍ Pilatu, orey gabay ne̍ Pilatu nga wayawayaan kuma.

2 Timutyu 2:9

Ket gapu ta ipalawag ku yan nga Makaparagsac nga Damag, itu ya gapu na nga uwed dac idi nga aglak-am ka rigatin, nga sibabalud dac kun nga sikakawar, nga arig nga isa nga managbasul. Ngem orey maigapus sac ennidi, madi nga gennung nga maigapus ya kagi ne̍ Apu Diyus.

1 Pe̍dru 4:15

Ngem sapay kuma, ta bekken nga gapu ka winangel nu nga dake̍c ya pagrigatan nu, nga agten iya pumatey winno agtakew winno managdacdake̍c winno ya mangriribuc ka toley gapu kadiya bekken nu nga biyang.