Juan 18:11 - Ya Baru nga Tulag

¹¹ Ngem e̍ Je̍sus, kinunen na ngarud e̍ Pe̍dru, “Bay-am mun! Ibainam mas ya ispada mun. Ape̍? Di yac aya nakasagana nga mangawat iya panagsagaba nga nitalec niya Ama iyaken, nga rigat nga arig nga inumec?” kunen na.

Juan 18:11 Iomraidhean Croise

Matyu 20:22

Ket kinunen ne̍ Je̍sus, “Madi nu met maawatan ya kaipapennan nidi nga ad-adngen nu. Ape̍? Kabaellan nu kad nga itured ya panagsagaba nga lak-amec, nga rigat nga arig nga inumec?” kunen na. Ket kinunen dito duwa, “Kabaellan mi met, a,” kunen da.

Matyu 26:39

Ket imadeyyu nge̍ Je̍sus ka e̍teng igida, se̍ nagdarongkeb iya ginet nga nagkarkararagin, nga kinunen na, “Amac! No mabalin nas kuma, mailisi kuma iyaken yani nga panagsagaba nga lak-amec, nga rigat nga arig nga inumec. Ngem bekken kuma ngarud nga ya tarigagay ku ya matungpal, no di lugud ya tarigagay mu,” kunen na.

Matyu 26:42

Ket nawe̍ manin nge̍ Je̍sus nga nagkararag, ket kinunen na ito maikadduwa nga kararag na, “Amac, no madi mabalin nga mailisi iyaken yani nga rigat nga arig nga inumec, no di yac pekkem lak-amen ita, ket basta matungpal kuma ngas ya tarigagay mun,” kunen na.

Lukas 12:30

Bay-an nu ngarud ya agten iyan nga panpanunut, ta amin diya agten kadiyan nga kasapulan toley, itu met diya panpanunuten nga pe̍yeng diya uwed idi nga lubung nga di makaemmu e̍ Apu Diyus. Ngem no dakayu, emmu met niya Ama nu nga masapul nu diyan.

Lukas 22:42

Ket kinunen na iya panagkararag na, “Ama, no tarigagay mu nga maipac yani nga panagsagaba nga lak-amec, nga rigat nga arig nga inumec, ket ipac mu kuma ngarud. Ngem bekken kuma ngarud nga ya tarigagay ku ya matungpal, no di lugud ya tarigagay mu,” kunen na.

Juan 15:10

No agtungpal kayu kadiya bilin ku, silalagip kayu met nga pe̍yeng ngin iya panagayat ku dakayu, nga agten mettas ito panangtungpal ku kadiya bilin niya Amac. Ket iya agten iyan, silalagip pac met pe̍ iya ayat na.

Juan 17:24

“Ket Ama, no didi nga toley nga nitalec mu iyaken, gabay ku nga ya kapennac nga edyan, ket itu nad met pe̍ kuma ya edyan da. Gabay ku ngarud ya agten iyan, tasun masingen da kuma ya nadayaw nga kasasaad ku nga nipaay mu iyaken gapu iya panagayat mu iyaken nga sigud, orey ito di pekkem naparsuwa ya lubung.

Juan 18:36

Ket kinunen ne̍ Je̍sus, “Ya panangituray ku, bekken nga tumaud idi nga lubung. Ta no iya lubung ngi kuma ya pagtaudan na, makigubat ngarud diya pasurut ku tasun bekken nac nga maiyawat kadiya pangpangulu diya Hudyu. Ngem bekken met nga iya lubung ngi ya pagtaudan niya panangituray ku,” kunen na.

Juan 20:17

Ket kinunen ne̍ Je̍sus igina, “Madi nac icman nga igapus a, ta madic pekkem simoli iya Ama. Mawe̍ ka ngas ipadamag kadiya kakabsat ku, nga sumoli yac kun iya Amac, nga itu pe̍ ya Ama nu, se̍ ya Diyus ku nga Diyus nu met pe̍,” kunen na.

2 Kurintu 10:4

Ta bekken nga diya kadawyan nga armas nga panggubat diya taga-idi nga lubung ya us-usaren mi iya pannakidangadang mi. Ta ya us-usaren mi nga pannakaarmas mi, ket itu met ya pannakabalin ne̍ Apu Diyus nga pangpirdi iya bileg diya mangkuntra igina.

2 Kurintu 6:7

Ket ipasingen mi pe̍ nga pudnu kami nga agsirsirbi e̍ Apu Diyus gapu iya kinapudnu niya isursuru mi, se̍ gapu iya kauwed niya pannakabalin ne̍ Apu Diyus dakami. Ket arig nga pangabac mi ka dake̍c ya panagwangel mi ka nalinteg, nga itu ya maiyarig ka panggubat nga armas se̍ kalasag mi.

He̍briyu 12:2

Ket e̍ Je̍sus kuma ngas ya namnamaen tida, nga arig nga igina ya sisingen tida. Ta igina met ya nangariman iya pangnamnamaan niya panamati tida, se̍ igina met pe̍ ya mangtungpal. Ket e̍ Je̍sus, niturtured na met nga siaanus to pannakatey na ito krus, nga madi na linaglagip to nakaiyal-alyewwan na. Ta laglagipen na nga gennung ya pakaanggemman na nga naikari igina. Ket ita, uwed met nga tutu win nga agtugtugew iya kadayawan nga edyan, nga itu ya madiwanan niya trunu nga pagtugawan ne̍ Apu Diyus.