Juan 17:8 - Ya Baru nga Tulag

⁸ Ta nipakaemmuc igida diya amin nga nipaibagam iyaken igida, ket inawat dan. Ket emmu dan nga tutu nga gayat tac ikew, se̍ patiyen da pe̍ yin nga ikew ya nangibon iyaken.

Juan 17:8 Iomraidhean Croise

Matyu 13:11

Ket kinunen na igida, “No dakayu, napalubusan kayun nga makaawat kadiya nauneg nga adal nga di pekkem naipakaemmu kadiya duduma maipanggep iya panangituray niya Nailangitan. Ngem no igida, bekken nga maipalubus nga maipakaawat didi igida.

Juan 12:49

Ta no agkagi yac, bekken nga tumaud iya kabucbukudac nga turay, no di lugud gayat iya Ama nga nangibon iyaken. Ta igina ya nangbilin iyaken no nagan ya kagiyec se̍ ibagac.

Juan 14:10

Madi ka kad pekkem patiyen nga naitipun nac iya Ama, se̍ ya Ama, naitipun pe̍ iyaken? Ket diya kagkagiyec dakayu, bekken nga tumaud das iyaken. Ta ya Ama nga agedyan iyaken, igina ya mangibilin iyaken kadiya ipawangel na iyaken.

Juan 15:15

Dikad pe̍ manipud ita, bekken nga agsirsirbi yin ya pangawag ku dakayu. Ta ya agsirsirbi, madi na met emmu diya pangpanggeppen niya amu na. Ngem no dakayu, awagan nakayu ka gagayyem, ta amin nga nibaga niya Amac iyaken, nipakaemmuc met dakayun.

Juan 16:27

Ta ya Ama mettas pe̍ ya mangayat dakayu, gapu ta ayaten dac se̍ gapu ta patiyen nu nga naggayat tac nga tutu igina.

Juan 16:30

Ket iya agten iyanin, nalawag dakami itan nga emmum ya amin, ta orey awan pekkem agsaludsud ikew, emmum met nga sigudin ya saludsud da. Ket itu ya pangpatiyan min nga naggayat ka nga tutu e̍ Apu Diyus,” kunen da.

Juan 17:14

Nipakaemmuc igida ya kagi mun. Ket diya bekken nga mamati nga uwed idi nga lubung, ginura da met didi nga mamati. Ta didi nga mamati, agten da mettas iyaken, nga bekken da pe̍ nga kamkameng diya uwed iya lubung ngi.

Juan 17:18

Ket ita, nibon ku da nga mangtungpal iya gagara da idi nga lubung, nga agten pe̍ ito panangibon mu iyaken idi nga lubung.

Juan 17:21

Ikarkararag ku nga agkaykaysa da kuma nga amin, nga agten mettas dacta, Ama. Ta naitipun ka iyaken, se̍ naitipun nac met pe̍ ikew, ket maitipun da kuma pe̍ dacta. Ngarud, agkaykaysa da kuma, tasun diya toley idi nga lubung nga madi pekkem mamati, patiyen da kuma nga tutu nga ikew ya nangibon iyaken idi.

Juan 17:23

Naitipun nac igida. Ket ikew, naitipun ka met pe̍ iyaken tasun iya agten iyan, awan met pagkurangan niya panagkaykaysa da. Ket no agten iyan, maemmuwan ngarud diya toltoley iya lubung nga tutu nga nibon nac idi, se̍ maemmuwan da met pe̍ nga uwed panagayat mu kadiya mamati iyaken, nga agten met iya panagayat mu iyaken.

Juan 17:3

Ket ya banag nidi nga biyag nga agnanayun, ket itu ya pannakaem-emmu da ikew nga is-isa se̍ pudnu nga Diyus, se̍ ya pannakaem-emmu da pe̍ e̍ Je̍su Kristu, nga itu ya nibon mu.

Juan 3:17

Ta nibon ne̍ Apu Diyus ya Anac na idi nga lubung tasun maisalakan kuma diya toley gapu igina, nga bekken nga tasun ukumen na da.

Juan 3:33

Ngem diya toley nga umawat iya ipakaemmu na, itu diya toley nga mangipakaemmu nga napudnu ya kagi ne̍ Apu Diyus.

Juan 6:68

Ket e̍ Simon Pe̍dru ya nangsungbat nga kinunen na, “Awan met sabali nga gabay mi nga pakitipunan Apu, no di yas ik-ikew. Ta ikew was ya makaibaga iya agnanayun nga pakabiyagan mi.

Juan 8:42

Ngem kinunen ne̍ Je̍sus igida, “No tutu mettas nga e̍ Apu Diyus ya ama nu, ayaten dac met pe̍ kuma. Ta e̍ Apu Diyus met ya naggayatac. Ket iya agten iyan, nagparang ngac idi nin. Madic inumbe̍t gapu was iya bukud ku nga panpanunut, no di lugud nibon nac nge̍ Apu Diyus.

1 Kurintu 11:23

Madic ngarud maragsakan kadiyan, ta nipakaemmuc dakayu itun ya nipakaawat mettas niya Apu iyaken maipanggep kadiyan. Ket itu manin ya ipalagip ku dakayu ita, nga ito pannangan de̍ Apu Je̍sus ito gabi nito pannakaiyawat na, namet ka tinapay.

1 Kurintu 15:1

Ket ita, kakabsat, gabay ku nga ipalagip dakayu to inawat nu nga nisuruc dakayu, nga itu ya Makaparagsac nga Damag maipanggep e̍ Je̍su Kristu. Ket idi nga Makaparagsac nga Damag, itu pe̍ ya nakabangunan niya pammati nu,

1 Te̍salunika 2:13

Ket agyaman kami nga pe̍yeng e̍ Apu Diyus gapu ta ito nipakaemmu mi dakayu ya kagi ne̍ Apu Diyus, pinati nu. Nibilang nu nga tutu nga kagi nga gayat e̍ Apu Diyus, bekken nas nga kagi toley. Ket tutu met nga kagi ne̍ Apu Diyus yan nga mangiturturung dakayu nga mamati.

1 Te̍salunika 4:1

Ket itan, kakabsat, uwed pekkem ibaga mi kuma dakayu. Nisuru mi dakayu itun ya panagbiyag nga makaay-ayu e̍ Apu Diyus. Agten iyan kuma pe̍ ya panagbiyag nu, ta itu ya ipalagip se̍ ibilin mi nga sipapasnec dakayu gapu e̍ Apu Je̍sus. Ket emmu mi met nga makaay-ayu ngarudin ya panagbiyag nu e̍ Apu Diyus, ngem laclaingen nu pekkem kuma.

1 Juan 4:14

Ket no dakami, nasingen mi met itun ya Anac ne̍ Apu Diyus, ket ipadamag mi met nga igina ya nibon niya Ama idi nga lubung tasun isalakan na diya toltoley.

Paltiing 1:1

Idi nga surat, ket nakailaunan dito nipaltiing ne̍ Je̍su Kristu. Ket nipakaemmu ne̍ Apu Diyus igina didi, tasun ipakaemmu na kadiya agsirsirbi igina diya mapasamac iya di mabayag. Ket e̍ Kristu, nibon na ya anghe̍l na nga mangipakaemmu kadidi iyaken nga Juan, nga isa nga agsirsirbi igina.