Juan 17:6 - Ya Baru nga Tulag

⁶ “Nipakaemmu naka kadidi nga toley nga nitalec mu iyaken idi nga lubung. Kuwam da nga sigud, ket nitalec mu da iyaken. Ket igida, nagtungpal da iya kagim.

Juan 17:6 Iomraidhean Croise

Juan 1:18

Awan ngarud toley nga nakasingen e̍ Apu Diyus. Ngem ya kackaisu nga Anac na, igina mettas ya mangipakaemmu maipanggep igina, ta igina met ya makiab-abay iya Ama.

Juan 12:28

Ket se̍ nikararag na, “Ama, ipasingem kay ya kinadayaw mun,” kunen na. Ket kalpasan niyan nga kararag na, uwed met nagicna antuni nin nga isa nga timec nga gayat ka langit nga kinunen na, “Nipaspasingec ngarudin ya kinadayaw kun, ket ipasingec mettas nad manin,” kunen na.

Juan 15:19

No kamkameng nu da kuma, magustuwan da kayu ngarud, ta maibilang kayu ngamin nga kamkameng da. Ngem gapu ta pinili nakayu iyaken nga maidumduma kadiya madi mamati nga uwed idi nga lubung, bekken kayu ngarud nga ilubungin. Itu nga kagura nakayu diya uwed iya lubung.

Juan 15:3

“Ket dakayu, nadalusan kayun gapu kadiya kagic dakayu.

Juan 15:7

Ngem no silalagip kayu iyaken, se̍ no diya kagic dakayu ya pe̍yeng nu nga laglagipen, maipaay ngarud dakayu ya orey nagan na nga gabay nu nga adngen iya Ama.

Juan 17:12

Bayat niya kauwed ku igida, iyaken ya nangaywan igida gapu iya turay mu nga nitalec mu iyaken. Ngarud, nislaanac da, ket awan igida ya napukaw ku, malacsid to isa, nga igina ya agpaay ka pannakapukaw, ta itu ya pakatungpalan nito naisurat iya Bibliya itun pekkem.

Juan 17:14

Nipakaemmuc igida ya kagi mun. Ket diya bekken nga mamati nga uwed idi nga lubung, ginura da met didi nga mamati. Ta didi nga mamati, agten da mettas iyaken, nga bekken da pe̍ nga kamkameng diya uwed iya lubung ngi.

Juan 17:16

Ngarud, bekken da nga kamkameng diya uwed idi nga lubung, ta agten da pe̍ iyaken nin, nga bekken nac pe̍ nga kameng diya uwed idi nga lubung.

Juan 17:2

Ta ne̍cdam ya Anac mu ka turay nga mangituray kadiya amin nga toltoley, tasun maipaay na ya biyag nga agnanayun kadiya amin nga nitalec mu igina.

Juan 17:24

“Ket Ama, no didi nga toley nga nitalec mu iyaken, gabay ku nga ya kapennac nga edyan, ket itu nad met pe̍ kuma ya edyan da. Gabay ku ngarud ya agten iyan, tasun masingen da kuma ya nadayaw nga kasasaad ku nga nipaay mu iyaken gapu iya panagayat mu iyaken nga sigud, orey ito di pekkem naparsuwa ya lubung.

Juan 17:26

Nipakaemmu nakan igida, ket ituluy ku pekkem ya panangipakaemmuc ikew igida, tasun no kumaan niya panagayat mu iyaken, itu kuma pe̍ ya uwed igida, ket se̍ tasun maitipun nac pe̍ igida,” kunen ne̍ Je̍sus.

Juan 17:7

Ket ita, emmu da ngarudin nga gayat ikew nga tutu diya amin nga nitalec mu iyaken.

Juan 18:9

Agten iyan to kinunen ne̍ Je̍sus tasun matungpal kuma to kinagi na itun nga awan kanu orey isa nga napukaw kadito nitalec niya Ama igina.

Juan 6:37

Ngem amin diya toley nga italec niya Ama iyaken, itu diyan diya umadenni nga sumurut iyaken. Ket ya umadenni nga sumurut iyaken, madic ngarud pagtalawen.

Juan 6:39

Ket ya tarigagayan niya nangibon iyaken, itu ya madic panangipalubus nga mapukaw ya orey nagan na nga toley kadiya amin nga nitalec na iyaken, no di lugud pagungarec da nga amin nad iya kaodiyan nga algew.

Juan 8:51

Pudnu met yani nga ibagac dakayu: Ya orey nagan na nga mangtungpal kadiya kagic, madi aglak-am ka pannakatey,” kunen na.

Juan 8:52

Ket dito Hudyu, kinunen da iginan, “Iyan! Masiguradu min nga nasairuwan kan! Natey met to Abraham se̍ dito mammadtu, ngem kunem met nga madi nad matey diya mangtungpal iya kagim.

Aramid 13:48

Ket dito bekken nga Hudyu, ito nagicna da to kinagi de̍ Pablu, nagang-anggem da nga unay, ket nagyaman da e̍ Apu Diyus gapu ito nikasaba ne̍ Pablu maipanggep iya Apu. Ket namati ngarud amin dito ginabay ne̍ Apu Diyus nga mae̍cdan ka biyag nga agnanayun.

Ruma 11:2

Madi ngarud binaybay-an ne̍ Apu Diyus diya toley na nga sigud nga emmu na orey itun pekkem nga igida ya isaad na. Emmuc nga malagip nu ngarud to naisurat iya Bibliya maipanggep ito panagpilit nito mammadtu nga E̍lyas e̍ Apu Diyus. Nagriri to E̍lyas itun gapu iya kinadake̍c dito kailiyan na nga Israe̍lita,

2 Kurintu 4:6

E̍ Apu Diyus ya nagkunen itun nga, “Lumtuwad kuma ya wada iya gicbet,” kunen na. Ket igina mettas ya arig nga nangpawada kadiya panpanunut mi, tasun ipasingen mi nge̍ Kristu dakayu. Ket itu ya pakaemmuwan mi iya kinadayaw ne̍ Apu Diyus.

Kulusas 3:16

Ket diya sursuru nga nagtaud e̍ Kristu, itu kuma ya pe̍yeng nu nga laglagipen iya panagsisinnuru se̍ panagbibinnalakad nu maikanatad iya sirib nga e̍cde̍ ne̍ Apu Diyus. Ket iya agten iyan pe̍, agkankanta kayu kuma, nga agiiyaman kayu kuma nga siaayat e̍ Apu Diyus. Ta agkankanta kayu ngarud kadiya dandaniw nga uwed ayug da, se̍ kadiya kankanta nga pagdayaw e̍ Apu Diyus, se̍ iyayug nu kuma pe̍ diya duduma nga panagdayaw nu.

2 Timutyu 1:13

Patgem kuma ngarud to kustu nga sursuru nga nipakaemmuc ikew itun, ta itu kuma ya isurum. Ket no isursurum, ituluy mu ya panamati se̍ panagayat mu nga tumaud iya pannakaitipun mu e̍ Kristu Je̍sus.

He̍briyu 2:12

Ta kinunen na ngarud e̍ Apu Diyus itun nga, “Ipakaemmuc nad ya maipanggep ikew kadiya kakabsat ku. Ikantac nad pe̍ ya panagdayaw ku ikew, iya imatang diya maurnung nga toley.”

He̍briyu 3:6

Ngem e̍ Kristu nga gennung, bekken nas met nga eb-ebbonen, no di lugud Anac ne̍ Apu Diyus, ket managtungpal iya panangituray na kadiya toley nga arig nga pamilya ne̍ Apu Diyus. Ket dactida, pamilya nactida met pe̍ no sipupudnu tida nga mangsalimetmet iya panagtalged se̍ panagnamnama tida igina nga pakaragsakan tida, agingga iya panungpalan.

1 Pe̍dru 1:1

Iyaken nge̍ Pe̍dru, nga isa nga apustul nga agpaay e̍ Je̍su Kristu. Surat ku yani dakayu nga pinili ne̍ Apu Diyus nga toley na, nga dakayu nga arig nga gan-gannaet nga naiwaraswaras kadiya il-ili kadiya prubinsiya nga Puntu, Galasiya, Kapadusiya, Asiya, se̍ Be̍tanya.

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.

Paltiing 2:13

Emmuc nga narigat ya kasasaad mu iyan, ta pagturayan met ne̍ Satanas ya ilim. Ngem orey agten iyan, napasnec ka latta iya panamatim iyaken, se̍ di ka pe̍ binaybay-an ya panamatim iyaken, orey ito nakatey nito Antipas. Napudnu nga nangipakaemmu to Antipas maipanggep iyaken, ket napatey met iyan nga edyan nu, nga pagedyanan met ne̍ Satanas.

Paltiing 3:10

Ket no maipanggep ikew, gapu ta nipangag mu to nibagbagac ikew nga aganus ka kuma, ket isalakan naka nad met iya timpu niya panagrigrigat nga umbe̍t nad iya amin nga lubung tasun masigir diya toltoley iya lubung.

Paltiing 3:8

Emmuc met diya wangwangel mu. Itu nga e̍cde̍c ya gundaway mu nga maiyarig iya silulukat nga gagayangan nga awan makaigiset. Emmuc met nga orey e̍teng ngas ya kabaellam, managtungpal ka latta iya kagic, se̍ madi nac met nilibac.