Juan 17:5 - Ya Baru nga Tulag

⁵ Dikad pe̍ ita, Ama, ipadayaw nac iya imatang mu, ka dayaw nga agten mettas ito sigud nga kinadayaw ku ito uwed dac iya edyan mu ito sacbay nga naparsuwa yani nga lubung.

Juan 17:5 Iomraidhean Croise

Matyu 25:34

“Ket kunen nad niya Ari kadiya uwed iya madiwanan na, ‘Umbe̍t kayun, dakayu nga pinagasatan niya Amac! Makipagtawid kayu ngarudin iya pannakairaman nu iya pagiturayan, nga itu ya tawid nu nga naisagana para dakayu manipud ito pannakaparsuwa niya lubung.

Juan 1:18

Awan ngarud toley nga nakasingen e̍ Apu Diyus. Ngem ya kackaisu nga Anac na, igina mettas ya mangipakaemmu maipanggep igina, ta igina met ya makiab-abay iya Ama.

Juan 10:30

Ngarud, ya Ama se̍ iyaken, ket is-isa,” kunen na.

Juan 14:9

Ket kinunen ne̍ Je̍sus, “Ay Pe̍lipe̍, nabayag gac met nga nakibulubulun dakayun. Di nac kad pekkem em-emmu? Ape̍ kunem pekkem mas nga ipasingec dakayu ya Ama? Ta ya nakasingen iyaken, nasingen na met pe̍ ya Ama ngin.

Juan 17:1

Kalpasan niya panangagi ne̍ Je̍sus kadiyan, limangad ka langit, ket nagkararag nga kinunen na, “Ama, nadatnganin ya timpu nga panangipadayaw mu iya Anac mu, tasun maipadayaw naka pe̍.

Juan 17:24

“Ket Ama, no didi nga toley nga nitalec mu iyaken, gabay ku nga ya kapennac nga edyan, ket itu nad met pe̍ kuma ya edyan da. Gabay ku ngarud ya agten iyan, tasun masingen da kuma ya nadayaw nga kasasaad ku nga nipaay mu iyaken gapu iya panagayat mu iyaken nga sigud, orey ito di pekkem naparsuwa ya lubung.

Juan 3:13

Ket awan pekkem imune̍c ka langit malacsid iya imulug nga gayat ka langit, ket itu mettas ya Anac nga Naipatoley.

Juan 8:58

Ket kinunen manin ne̍ Je̍sus igida, “Ibagac met ya pudnu dakayu: Orey ito madi pekkem nga naiyanac to Abraham, uwed dac nga sigudin,” kunen na.

Pilipus 2:6

Ta orey uwed igina ya kinaDiyus, madi na latta nipangpangruna nga siaagum ya pannakipada na e̍ Apu Diyus,

He̍briyu 1:10

Ket kunen na manin maipanggep iya Anac na nga, “Ikew, Apu, namarsuwa ka ka ginet iya lubung ito un-una na. Ket agten pe̍ diya uwed iya ngudu niya ginet, ket ikew met ya nangariman.

He̍briyu 1:3

Ket ya Anac, igina mettas ya pakaemmuwan iya kinadayaw ne̍ Apu Diyus, se̍ igina ya pakasingnan iya gangey na. Ket gapu iya pannakabalin niya kagi niya Anac, igina ya makaemmu nga mangiturung kadiya amin nga naparsuwa. Ket ito nalpas ya panangdalus na dactida nga toley kadiya basbasul tida, nagtugew iya kadayawan nga edyan, nga itu ya madiwanan niya Nadayag nga Diyus nga nailangitan.

1 Pe̍dru 1:20

Ket orey ito di pekkem naparsuwa yani nga lubung, e̍ Kristu ya napili yin nga maibon maikanatad iya sigud nga panggep ne̍ Apu Diyus. Ket iya ita nga kaodiyan nga timpu, naipakaemmu nge̍ Kristu win tasun agpaay dakayun.

1 Pe̍dru 1:21

Ket gapu igina, mamati kayu e̍ Apu Diyusin. Igina ya nangpaungar se̍ nangpadayaw e̍ Kristu, itu nga e̍ Apu Diyus ya patpatiyen se̍ namnamaen nun.

1 Juan 1:2

Dakami ya mangipadamag maipanggep iya biyag na, ta nasingen mi met ito nagparang dakami. Itu nga ipakaemmu mi dakayu yani nga biyag, ta naiparang dakami itun. Ket itu yan ya agnanayun nga biyag nga pe̍yeng nga uwed iya Ama orey itun pekkem.

Paltiing 13:8

Ket agdaydayaw met igina diya kaaduwan nga toley iya lubung, nga itu diya amin nga bekken nga naisurat ya nagan da iya libru niya Urbun Karne̍ru nga napatey. Ket idi nga libru, itu ya nakaisuratan diya nagnagan nga naisurat ito di pekkem naparsuwa ya lubung, nga igida diya nae̍cdan ka biyag nga agnanayun.

Paltiing 3:21

“Ket diya maibilang nga mangabac, e̍cdac da nad ka kalinteggan da nga makipagtugew iyaken iya trunuc, nga pagturayac. Ta iyaken pe̍ ya nangabac itun, ket ita, uwed dac kun nga makipagtugew nga makipagturay iya Amac iya trunu na.