Juan 17:4 - Ya Baru nga Tulag

⁴ Iyaken, nidaydayaw naka ngarud idi nga lubungin, ta tinungpal kun ya nipawangel mu iyaken.

Juan 17:4 Iomraidhean Croise

Lukas 22:37

Ta pudnu met nga ya mapasamac nad iyaken, itu nad ya pakatungpalan nito naisurat iya Bibliya nga masapul nga matungpal nga kunen na, ‘Ket naibilang met nga isa kadiya managdacdake̍c.’ Ta matungtungpal nga tutu win to naisurat maipanggep iyaken,” kunen na.

Juan 12:28

Ket se̍ nikararag na, “Ama, ipasingem kay ya kinadayaw mun,” kunen na. Ket kalpasan niyan nga kararag na, uwed met nagicna antuni nin nga isa nga timec nga gayat ka langit nga kinunen na, “Nipaspasingec ngarudin ya kinadayaw kun, ket ipasingec mettas nad manin,” kunen na.

Juan 14:13

Ket orey nagan na ya adngen nu nad iya Ama nga sipapati iya kinaturay ku, itungpal ku ngarud dakayu, tasun maidaydayaw kuma ya Ama gapu iya Anac.

Juan 14:31

ngem mapasamac ngas didi iyaken tasun maemmuwan diya toltoley iya lubung ngi nga ayatec met nga tutu ya Ama, se̍ tungpalec ngarud diya amin nga ibilin niya Ama iyaken. “Ala, pumanaw tida idi nin,” kunen na.

Juan 15:10

No agtungpal kayu kadiya bilin ku, silalagip kayu met nga pe̍yeng ngin iya panagayat ku dakayu, nga agten mettas ito panangtungpal ku kadiya bilin niya Amac. Ket iya agten iyan, silalagip pac met pe̍ iya ayat na.

Juan 19:28

Ket e̍ Je̍sus, emmu na nga natungpal aminin. Ket tasun matungpal kuma ya isa pekkem nga padtu nga naisurat iya Bibliya, kinunen na, “Newwew wac.”

Juan 19:30

Ket ito nasepsep ne̍ Je̍sus to suka ngin, ket kinunen na, “Natungpal ngarudin!” kunen na. Ket kalpasan na, nagdumug, ket nipalubus na ya anges na nga simina ngin.

Juan 4:34

Dikad pe̍ e̍ Je̍sus, kinunen na igida, “Ya pagbiyag ku nga kunec, itu ya panangtungpal ku iya tarigagay niya nangibon iyaken, se̍ ya panangilpas ku iya ipawangel na iyaken.

Juan 5:36

Ngem ya pammanecnec nga uwed iyaken, nabacbaked pekkem ngem ito panangipanecnec nito Juan. Ta diya ipawpawangel niya Ama iyaken, itu pe̍ diya mangpanecnec iya maipanggep iyaken. Ket itu ngarud didi diya wangwanglec ita. Ket didi met diya mangipasingen nga nibon nac nga tutu ya Ama.

Juan 9:3

Kinunen ne̍ Je̍sus igida, “Ya kinakulap nidi nga toley, bekken nga gapu iya basul na, winno iya basul diya naganac igina. Ngem kulap yani tasun gapu igina, maipasingen kuma ya pannakabalin ne̍ Apu Diyus.

Aramid 20:24

Ngem orey a, ta ya biyag ku, bekken ku nga kake̍ngan. Ta ibilang ku nga awan sirsirbi niya biyag ku, tasun matungpal ku ya nakaibonac se̍ ya wangel nga gabay ne̍ Apu Je̍sus nga ipawangel iyaken, nga itu ya panangipakaemmuc iya Makaparagsac nga Damag maipanggep iya siaayat nga asi ne̍ Apu Diyus.

2 Timutyu 4:7

Winangel ku amin nga kabaellac iya panangtungpal ku ito naitalec iyaken. Arig gac nga isa nga nabaru nga suldadu winno nakilumba, ta di yac binabawi ya panamatic e̍ Apu Je̍sus.