Juan 17:3 - Ya Baru nga Tulag

³ Ket ya banag nidi nga biyag nga agnanayun, ket itu ya pannakaem-emmu da ikew nga is-isa se̍ pudnu nga Diyus, se̍ ya pannakaem-emmu da pe̍ e̍ Je̍su Kristu, nga itu ya nibon mu.

Juan 17:3 Iomraidhean Croise

Markus 9:37

“Ya mangrispitar iya isa kadiya agten idi nga ebbing gapu iyaken, iyaken met ya rinispitar na. Ket ya mangrispitar iyaken, bekken nas nga iyaken ya rinispitar na, no di pe̍ ya nangibon iyaken,” kunen na.

Lukas 9:48

Ket kinunen ne̍ Je̍sus kadito adalan na, “Ya mangrispitar idi nga ebbing gapu iyaken, iyaken met pe̍ ya rinispitar na. Ket ya mangrispitar iyaken, ya nangibon iyaken pe̍ yin ya rinispitar na. Ta ya kanumuwan dakayu nga amin, itu nga tutu ya kangrunaan iya imatang ne̍ Apu Diyus,” kunen na.

Juan 10:36

Itu nga no maipanggep iyaken, ape̍ kunen nu nga maikuntra e̍ Apu Diyus ya kagic no kunec nga iyaken ya Anac ne̍ Apu Diyus? Ta iyaken, pinili nac met ya Ama nga agpaay iya panggep na, ket nibon nac ngarud iya lubung ngi.

Juan 11:42

Ket emmuc ngarud nga sigud nga ipangag nac nga kankanayun, ngem kinagic yan gapu ngas kadiya toley nga uwed idi nga aggigicna, tasun patiyen da kuma nga tutu nga ikew ya nangibon iyaken,” kunen na.

Juan 14:26

Ngem gapu nad iya kinaturay ku, ibon niya Ama dakayu ya Mamagbaga, nga itu ya Ispiritu Santu. Ket itu nad ya mangisuru dakayu iya amin nga banag maipanggep kadidi, se̍ ipalagip na nad pe̍ dito amin nga nibagac dakayu.

Juan 17:18

Ket ita, nibon ku da nga mangtungpal iya gagara da idi nga lubung, nga agten pe̍ ito panangibon mu iyaken idi nga lubung.

Juan 17:21

Ikarkararag ku nga agkaykaysa da kuma nga amin, nga agten mettas dacta, Ama. Ta naitipun ka iyaken, se̍ naitipun nac met pe̍ ikew, ket maitipun da kuma pe̍ dacta. Ngarud, agkaykaysa da kuma, tasun diya toley idi nga lubung nga madi pekkem mamati, patiyen da kuma nga tutu nga ikew ya nangibon iyaken idi.

Juan 17:23

Naitipun nac igida. Ket ikew, naitipun ka met pe̍ iyaken tasun iya agten iyan, awan met pagkurangan niya panagkaykaysa da. Ket no agten iyan, maemmuwan ngarud diya toltoley iya lubung nga tutu nga nibon nac idi, se̍ maemmuwan da met pe̍ nga uwed panagayat mu kadiya mamati iyaken, nga agten met iya panagayat mu iyaken.

Juan 17:25

“Ama nga nalinteg, madi daka ngarud em-emmu diya madi mamati nga toltoley idi nga lubung. Ngem iyaken, em-emmu naka met. Ket didi pe̍ nga nitalec mu iyaken, emmu da met nga ikew ya nangibon iyaken.

Juan 17:8

Ta nipakaemmuc igida diya amin nga nipaibagam iyaken igida, ket inawat dan. Ket emmu dan nga tutu nga gayat tac ikew, se̍ patiyen da pe̍ yin nga ikew ya nangibon iyaken.

Juan 3:17

Ta nibon ne̍ Apu Diyus ya Anac na idi nga lubung tasun maisalakan kuma diya toley gapu igina, nga bekken nga tasun ukumen na da.

Juan 3:34

Tutu met yan, ta ya nibon ne̍ Apu Diyus, kagiyen na diya kagi ne̍ Apu Diyus. Ta madi nipaidam ne̍ Apu Diyus to panange̍cde̍ na iya Ispiritu na igina.

Juan 5:44

“Madi nu ngarud mabalin ya mamati iyaken, ta ya kalikaguman nu, bekken nga ya panangannamung niya is-isa nga Diyus dakayu, no di lugud ya pammadayaw niya pada nu nga toley.

Juan 6:57

“Agten idi: Ya Ama nga sibibiyag, igina ya nangibon iyaken idi. Ket gapu ta igina ya pagtaudan niya biyag, agbiyag gac met. Ket agten iyan met pe̍ ya toley nga mangan iyaken, ta agbiyag met pe̍ gapu iyaken.

Juan 7:29

Ngem iyaken, em-emmuc ngarud, ta igina met ya naggayatac, se̍ igina ya nangibon iyaken,” kunen na.

Juan 8:19

Ket dito Parisiyu, kinunen da e̍ Je̍sus, “Awac kad ya edyan niya amam?” kunen da. Ket kinunen ne̍ Je̍sus igida, “No dakayu, madi dac met em-emmu, se̍ madi kayu met pe̍ em-emmu ya Amac. Ta no em-emmu dac kuma, em-emmu nu met pe̍ yin ya Amac,” kunen na.

1 Kurintu 15:34

Ket babawiyen nu lugudin diya bekken nga kustu nga panpanunut nu, tasun agpaay kayu kadiya nalinteg gin, se̍ ipac nun ya panagbasbasul nu. Ta uwed da met dakayu diya di pekkem makaawat maipanggep e̍ Apu Diyus, ket pakaiyal-alyewwan nu met yan.

1 Kurintu 8:4

Itu nga no maipanggep kadiya makan nga naidatunin ka didiyusen, uwed ngarud dactidan ya pannakaemmu nga awan met nga tutu sirsirbi diya didiyusen, se̍ emmu tida pe̍ nga is-isa ngas met ya tutu nga Diyus.

2 Kurintu 4:6

E̍ Apu Diyus ya nagkunen itun nga, “Lumtuwad kuma ya wada iya gicbet,” kunen na. Ket igina mettas ya arig nga nangpawada kadiya panpanunut mi, tasun ipasingen mi nge̍ Kristu dakayu. Ket itu ya pakaemmuwan mi iya kinadayaw ne̍ Apu Diyus.

Pilipus 3:10

Ket ya ipatpateg ku ngarud ita, ket itu ya pannakaem-emmuc e̍ Kristu, se̍ ipatpateg ku pe̍ ya panaglak-am ku iya pannakabalin nga naipasingen ito panagungar na. Ket se̍ ipatpateg ku pe̍ ya panaglak-am ku ka panagrigrigat nga arig mettas kadito panagrigrigat ne̍ Kristu itun, tasun pumarparis sac kuma iginan ito pannakatey na.

Pilipus 3:8

Ngarud ita, ibilang ku nga awan sirsirbi yin niya orey nagan na, ta napatpateg met ya pannakaem-emmuc e̍ Kristu Je̍sus nga Apuc kun ngem iya orey nagan na. Ket gapu idi nga pannakaemmuc igina, naipac iyaken nin amin dito pagtalged ku itun. Ket ibilang ku da ngasin nga arig nga basura, tasun maalac ku ya gun-gunac nga pannakibulun ku e̍ Kristu.

1 Te̍salunika 1:9

Ta igida mettas ya mangisalaysay maipanggep ito panangsangaili nu dakami ito simacwar kami dakayu itun. Ket ipadpadamag da pe̍ ya pananglikud nu kadiya didiyusen tasun agpaay kayu e̍ Apu Diyus, nga igina met ya pudnu se̍ sibibiyag nga Diyus.

2 Te̍salunika 1:8

Uwed met pe̍ gumilgilab nga apuy nad no umbe̍t nge̍ Apu Je̍sus nga mangariman iya pakaukuman diya madi makaem-emmu e̍ Apu Diyus se̍ kadiya madi agtungpal iya Makaparagsac nga Damag maipanggep iya Apu tida nga Je̍sus.

He̍briyu 3:1

Itu nga dakayu nga kakabsat nga pinili ne̍ Apu Diyus nga toley na se̍ kabulun mi nga maipaayan ka nailangitan nga saad, ut-utuben nu kuma ya maipanggep e̍ Je̍sus. Ta igina met ya nibon ne̍ Apu Diyus nga arig nga apustul, se̍ igina pe̍ ya tutu nga Kangatuwan nga Agsirsirbi nga mangibegbeggi iya pammati tida.

2 Pe̍dru 1:2

Sapay kuma ta nawadwad ya siaayat nga asi, se̍ talna, nga naipaay dakayu nga tumaud iya pannakaemmu nu e̍ Apu Diyus se̍ e̍ Je̍sus nga Apu tida.

2 Pe̍dru 1:3

Gapu iya nadiyusan nga pannakabalin ne̍ Apu Diyus, ne̍cdan nactidan ka amin nga masapul tida iya panagbiyag tida se̍ iya panangtungpal tida kadiya makaay-ayu igina. Ket nae̍cde̍ yan dactida gapu iya pannakaemmu tida igina, nga igina ya nangpili dactida sigun iya mismu nga kinadayaw se̍ kinalaing na.

2 Pe̍dru 1:8

Ket no uwed dakayu didi nin se̍ pe̍yeng nga itu diya ad-adda nga wangwanglen nun, siguradu nga uwed sirbi se̍ nabaru nga pagbanagan niya pannakaemmu nu iya Apu tida nga Je̍su Kristu.

1 Juan 1:2

Dakami ya mangipadamag maipanggep iya biyag na, ta nasingen mi met ito nagparang dakami. Itu nga ipakaemmu mi dakayu yani nga biyag, ta naiparang dakami itun. Ket itu yan ya agnanayun nga biyag nga pe̍yeng nga uwed iya Ama orey itun pekkem.

1 Juan 1:3

Ngarud, nasingen mi se̍ nagicna mi, ket itu win ya ipakaemmu mi dakayun, tasun agpapada tida kuma ka panpanunut nga mibulubulun iya Ama se̍ iya Anac na nga Je̍su Kristu.

1 Juan 2:23

Ngarud, ya orey nagan na nga mangilibac iya kinaKristu niya Anac, awan met pannakitipun na iya Ama. Ngem ya toley nga mangipakaemmu iya annamung na iya Anac, uwed ngarud pe̍ pannakitipun na iya Ama.

1 Juan 4:6

Ngem dactida, kamkameng nactida nge̍ Apu Diyus. Ket diya makaem-emmu e̍ Apu Diyus, ipangag da ngarud diya isursuru tida. Ngem diya bekken nga kamkameng ne̍ Apu Diyus, madi nactida gabay nga ipangag. Ket agten iyan ya pakailasinan tida iya pudnu nga panpanunut nga gayat e̍ Apu Diyus, se̍ ya panpanunut nga busid.

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.